කොළඹ වරාය වෙත ඩීසල් මෙට්‍රික් ටොන් 40,000ක් රැගත් නෞකාවක් පැමිණ ඇති බවත්, සාම්පල පරීක්ෂාවේදී එහි ඉන්ධන නියමිත තත්ත්වයෙන් නොමැති බවට රසායනාගාර වාර්තා දෙකකින් තහවුරු කර ඇතත් ඒවා පාරිභෝගිකයන්ට ලබා දීමේ සූදානමක් ඇති බවත් විපක්ෂ නායක සජිත් ප්‍රේමදාස මහතා ඊයේ (07දා) පාර්ලිමේන්තුවේදී පැවසීය.

ජනාධිපති රනිල් වික්‍රමසිංහ මහතා අද දිනයේ ජාතිය අමතා විශේෂ ප්‍රකාශයක් කිරීමට නියමිතව ඇති බව වාර්තා වේ.

සියලුම තැපැල් සේවකයන්ගේ නිවාඩු වහාම ක්‍රියාත්මක වන පරිදි අද(8) හෙට(9) සහ අනිද්දා (10) අවලංගු කිරීමට තැපැල්පති රුවන් සත්කුමාර මහතා තීරණය කර තිබේ.

ඉදිරි ජනාධිපතිවරණයේ දී රනිල් වික්‍රමසිංහ මහතා නිර්පාක්ෂික අපේක්ෂකයකු ලෙස ඉදිරිපත් කර ජයග්‍රහණය කළ හොත් වර්තමාන රනිල් - බැසිල් පාලනය විසින් ක්‍රියාත්මක කර අවසන් කිරීමට නියමිත න්‍යායපත්‍ර 6ක් පිළිබඳව දීර්ඝ විග්‍රහයක් ජාතික සංවිධාන විසින් ඉදිරිපත්කර ඇත.

ප්‍රජාතන්ත්‍රවාදී වාමාංශික පෙරමුණේ 9වන නියෝජිත සම්මේලනය 2023 නොවැම්බර් මස 11 දින දවස පුරා පක්ෂයේ ප්‍රධාන ලේකම් ,හිටපු ජල සම්පාදන අමාත්‍ය ,රත්නපුර දිස්ත්‍රික් පාර්ලිමේන්තු මන්ත්‍රී වාසු⁣දේව නානායක්කාර මහතාගේ ප්‍රධානත්වයෙන් කොළඹ මහජන පුස්තකාල ශ්‍රවණාගාරයේදී ඉතා උත්කර්ශවත් ලෙස පැවැත්වීමට සියලු කටයුතු සූදානම් කර ඇති බව වාර්තා වේ.

පත්කරන ලද ක්‍රිකට් අතුරු කමිටුව ඉවත්කරන ලෙසට කැබිනට් මණ්ඩලයෙන් අනතුරුව ජනපතිවරයා විසින් තමන්ට දැනුම්දුන් බව ක්‍රීඩා අමාත්‍ය රොෂාන් රණසිංහ අද පාර්ලිමේන්තුවේදී පැවසීය.

අද මධ්‍යම රාත්‍රියේ සිට වැඩ වර්ජනයක් ආරම්භ කරන බව ඒකාබද්ධ තැපැල් වෘත්තීය සමිතිය පවසයි.

ශ්‍රී ලංකා ක්‍රිකට් ආයතනය අත්හිටුවමින් එහි කටයුතු මෙහෙය වීම සඳහා ක්‍රීඩා අමාත්‍යවරයා විසින් අතුරු පාලක කමිටුවක් පත් කිරීම සහ ඊට අදාළ ගැසට් නිවේදනය ක්‍රියාත්මක වීම වළක්වාලමින් අභියාචනාධිකරණය විසින් අතුරු තහනම් නියෝග නිකුත් කළේය.

නුවරඑළිය දිස්ත්‍රික් ශාසන ආරක්ෂණ බලමණ්ඩල මාධ්‍ය හමුවකදී පූජ්‍ය දඹගොල්ලේ සෝමානන්ද හිමියන් පවසන්නේ රටේ සම්පත් විකුණා දමන රටේ ජනාධිපතිවරයාගේ ක්‍රියා කලාපය දැඩි පිළිකුළින් යුතුව හෙළාදකින බවයි.