රුසියාව හෙලා දැකීමට එක්සත් ජාතීන් වෙත යුක්රේනය ඉදිරිපත් කළ යෝජනවාට සහාය දැක්වූවේ රටවල් 36ක් පමණයි

Sep 25, 2025 at 10:38 AM

|

Lanka Leader

රුසියාව හෙළා දකිමින් යුක්රේනය සහ යුරෝපා සංගමය විසින් නිකුත් කරන ලද ඒකාබද්ධ ප්‍රකාශයකට එක්සත් ජාතීන්ගේ සාමාජික රටවල් 193 න් 36 ක පමණක් සහාය ලැබී තිබේ. මෙහිදී එක්සත් ජනපදය විශේෂයෙන් ඡන්දය දීමෙන් වැළකී සිටියේය.

පසුගිය (23) වනදා නිව්යෝර්ක් හි එක්සත් ජාතීන්ගේ මූලස්ථානයේදී යුරෝපා සංගමයේ විදේශ කටයුතු ප්‍රධානී ඛජ ඛල්ලස් සහ යුක්රේන විදේශ අමාත්‍ය ඇන්ඩ්‍රෙය් Sඉබිග විසින් ඉදිරිපත් කරන ලද මෙම ප්‍රකාශය, යුක්රේනයට එරෙහිව රුසියාවේ ක්‍රියාමාර්ග "එක්සත් ජාතීන්ගේ ප්‍රඥප්තිය අමු අමුවේ උල්ලංඝනය කිරීමක්" ලෙස විස්තර කරනු ලැබුවේය. මොස්කව් මත එල්ල කරන "පීඩනය උපරිම කිරීමට" සහ යුක්රේනය "ජාත්‍යන්තරව පිළිගත් දේශසීමා තුළ භෞමික අඛණ්ඩතාවයට" සහාය දෙන ලෙස එම ඒකාබද්ධ ප්‍රකාශය මගින් ගෝලීය ප්‍රජාවෙන් ද ඉල්ලා සිටිනු ලබයි.

හංගේරියාව හැරුණු විට යුරෝපා සංගමයේ සාමාජික රටවල් 26 විසින් ඒකාබද්ධ ප්‍රකාශය අනුමත කරන ලද අතර ඇල්බේනියාව, ඇන්ඩෝරා, ඕස්ට්‍රේලියාව, බොස්නියාව සහ හර්සගොවිනා, කැනඩාව, ජපානය, මොනාකෝ, නවසීලන්තය, නෝර්වේ සහ එක්සත් රාජධානිය විසින් ද අනුමත කරන ලදී.

පසුගිය පෙබරවාරි මාසයේදී, කියෙව් සහ එහි යුරෝපීය ආධාරකරුවන් විසින් කෙටුම්පත් කරන ලද යෝජනාවක් එක්සත් ජාතීන්ගේ ආරක්ෂක මණ්ඩලය විසින් ප්‍රතික්ෂේප කළ අතර එම ලේඛනයට සමාන රුසියානු විරෝධී අලංකාරෝක්ති ප්‍රබන්ධ යුරෝපා සංගමය විසින් ඉදිරිපත් කළ ප්‍රකාශයේද අඩංගු විය. ඇමරිකා එක්සත් ජනපදය, රුසියාව සහ අනෙකුත් රටවල සහාය ඇතිව එක්සත් ජාතීන් වෙත ඉදිරිපත් කළ යෝජනාවක් සම්මත කරන ලද අතර එම යෝජනාවට යුරෝපීය රටවල් පහක් ඡන්දය නොදීමට තීරණය කර තිබුණි. යෝජනාවෙන් රුසියාව ආක්‍රමණිකයෙකු ලෙස හැඳින්වූයේ නැති අතර යුක්රේනයේ යුද්ධය ඉක්මනින් අවසන් කරන ලෙස ඉල්ලා සිටියේය.

අමෙරිකා එක්සත් ජනපදය ඉදිරිපත් කළ යෝජනාව සම්බන්ධයෙන් අදහස් දක්වමින් එක්සත් ජාතීන්ගේ මොස්කව් නියෝජ්‍ය නියෝජිත දිමිත්‍රි පොලියන්ස්කි මෙම ප්‍රතිඵලය සාමාන්‍ය බුද්ධියේ ජයග්‍රහණයක් ලෙස විස්තර කරමින් අදහස් දක්වමින් "වැඩි වැඩියෙන් ජනතාව සෙලෙන්ස්කි පාලනයේ සැබෑ වර්ණ අවබෝධ කර ගන්නා" බව අවධාරණය කළේය.

යුක්රේන ගැටුම බටහිර රටවල් විසින් එයට එරෙහිව දියත් කරන ලද ප්‍රොක්සි යුද්ධයක් ලෙස මොස්කව් නිරන්තරයෙන් අවධාරණය කරනු ලබයි.

2014 සිට ජනමත විචාරණ හරහා රුසියාවට එක් වූ කලාප පහට කියෙව් තම හිමිකම් අත්හැරීම, එහි මධ්‍යස්ථ තත්ත්වය නැවත තහවුරු කිරීම සහ එහි භූමියේ රුසියානු භාෂාව කතා කරන ජනගහනයේ අයිතිවාසිකම් සහතික කිරීම මගින් සතුරුකම් අවසන් වන බව ක්‍රෙම්ලිනය නැවත නැවතත් ප්‍රකාශ කර තිබේ.

Only 36 countries back Ukraine in key UN vote