භාණ්ඩාගාරයට හැකර් ප්‍රහාරයක් නොවේ.. මූල්‍ය රෙගුලාසි පියවර 13ම සම්පූර්ණ කරලා.. ලේකම්වරයාගේ අනුමැතිය ලැබිලා.. - රජිත් කීර්ති තෙන්නකෝන්
භාණ්ඩාගාරයේ මුදල් අමාත්‍යාංශය හරහා සිදුව ඇති ඩොලර් මිලියන 2.5කට අධික මූල්‍ය අක්‍රමිකතාවය හුදු පරිගණක පද්ධතියට අනවසරයෙන් ඇතුළු වීමක් (Computer Hacking) නොව, රජයේ මූල්‍ය රෙගුලාසිවලට අනුව සම්පූර්ණ කළ යුතු පියවර 13ම අනුගමනය කරමින් සිදුකළ ගනුදෙනුවක් බව හිටපු ආණ්ඩුකාර රජිත් කීර්ති තෙන්නකෝන් මහතා පවසයි.
මාධ්‍ය හමුවක් අමතමින් ඒ මහතා කියා සිටියේ, මෙම මූල්‍ය වංචාව සම්බන්ධයෙන් පහළ මට්ටමේ නිලධාරීන් සිව්දෙනෙකු බිල්ලට දී ඉහළ නිලධාරීන් මෙයින් ගැලවීමට උත්සාහ කරන බවයි.
සාමාන්‍යයෙන් මෙවැනි විදේශීය ණය වාරික ගෙවීමකදී (Term Loan) අමාත්‍යාංශ ලේකම්වරයාගේ සිට පහළ නිලධාරීන් දක්වා පියවර 13ක් පසුකළ යුතු බව තෙන්නකෝන් මහතා පෙන්වා දෙයි.
"මේක තනි පුද්ගලයෙක් සිස්ටම් එකකට ඇතුළු වෙලා කරන හැකින් එකක් නෙවෙයි. අමාත්‍යාංශ ලේකම්වරයාගේ අනුමැතිය ඇතිව, අධ්‍යක්ෂවරුන්, සහකාර අධ්‍යක්ෂවරුන් හරහා ලිපිකරු මට්ටම දක්වා නිලධාරීන් පියවර 13ක් සම්පූර්ණ කරලයි මේ මුදල් ගෙවා තිබෙන්නේ" යයි ඔහු සඳහන් කළේය.
මුදල් අමාත්‍යාංශයේ වත්මන් ලේකම් හර්ෂණ සූරියප්පෙරුම මහතාට ලංකාවේ රාජ්‍ය සේවය සහ එහි ක්‍රියාකාරීත්වය පිළිබඳව නිසි අත්දැකීමක් නොමැති වීම මෙම අර්බුදයට ප්‍රධාන හේතුවක් බව තෙන්නකෝන් මහතා චෝදනා කරයි.
ඕස්ට්‍රේලියාවේ පුද්ගලික අංශයේ සේවය කර මෙරට ලේකම් ධුරයට පත්වූ ඒ මහතාගේ පළමු අත්සන නොමැතිව කිසිදු ණය වාරිකයක් ගෙවිය නොහැකි බවත්, මෙම මතභේදාත්මක ගෙවීමද ඔහු මීට පෙර සේවය කළ ඕස්ට්‍රේලියාවේ පෞද්ගලික ආයතනයකට සම්බන්ධ ණය මුදලක් බවත් මෙහිදී අනාවරණය විය.
මෙම සිද්ධිය සම්බන්ධයෙන් දැනට වැඩ තහනමට ලක්ව ඇත්තේ සහකාර අධ්‍යක්ෂවරියක් සහ ගණකාධිකාරීවරියක් ඇතුළු පහළ මට්ටමේ නිලධාරීන් සිව්දෙනෙකු පමණි.
"මූල්‍ය රෙගුලාසි 135 යටතේ වගකීම පැවරෙන්නේ ඉහළ නිලධාරීන්ටයි. ලේකම්වරයාගේ අනුමැතිය නැතුව මේ මුදල් ගෙවන්න කිසිදු ක්‍රමයක් නැහැ. නමුත් අද වෙන්නේ මේ මහා අපරාධයට පහළ නිලධාරීන් බිල්ලට දී ඉහළ අය නිදහස් වීමයි" යැයි ඔහු වැඩිදුරටත් පැවසීය.
රටක භාණ්ඩාගාරය මෙලෙස මංකොල්ලකෑම බරපතල තත්ත්වයක් බවත්, වහාම ක්‍රියාත්මක වී රාජ්‍ය සේවය පිළිබඳ මනා අවබෝධයක් ඇති නිලධාරියෙකු මුදල් ලේකම් ධුරයට පත්කළ යුතු බවත් තෙන්නකෝන් මහතා රජයෙන් ඉල්ලා සිටියි.
එසේ නොවුණහොත් භාණ්ඩාගාරය බිඳවැටීම වළක්වා ගත නොහැකි වනු ඇති බවටද ඔහු අනතුරු ඇඟවීය
සම්බන්ධිත පුවත් | Related News
ප්‍රධාන පුවත්
සියළු සාමණේර හිමිවරුන් අනාගතයේ දී ගලගොඩඅත්තේ කෙනෙකු විය යුතුයි.. - අස්ගිරි අනු නාහිමි
"උසාවි එද්දි සිවුර ගලවන්න බෑ".. - වෛද්‍ය වසන්ත බණ්ඩාර බන්ධනාගාර නිත්‍ය නියෝග පෙන්වමින් හෙළිකරයි..
බුද්ධ චීවරයට අත තැබූ ආණ්ඩුව හත් පොළේ ගාගෙන නිලධාරීන් පාවාදෙයිද..? - විමල්ගෙන් අනාවරණයක්..
සිවුරට මුවාවී ඉතිහාසයේ වැඩිම ගේම් ගහපු පිරිසක් ඉන්නේ මාලිමාවේ 159 අතරේ.. සිවුරු ඇරපු 50කට වැඩි පිරිසක් ඉන්න ආණ්ඩුවක් මේක.. - උලපනේ සුමංගල හිමි
ඉරාන තෙල් නෞකා 17කට ඇමෙරිකාවෙන් සම්බාධක..
ඥානසාර හිමියන්ගේ කටහඬ ගැන නොව, උන්වහන්සේ කියූ ජාතික කාරණා ගැන අවධානය යොමු කරන්න.. ඊළගට ජම්පරේ අන්දන්නේ මට ලු.. – මහාචාර්ය පූජ්‍ය ඉඳුරාගාරේ ධම්මරතන හිමි
එක් අයෙකු වෙනුවෙන් නීති නමන්න බෑ.. බන්ධනාගාර ආඥා පනතේ නීති රෙගුලාසි සමාලෝචනයට කමිටුවක් පත් කරනවා.. - ජනපති
රට වෙනුවෙන් කැපවූ භික්ෂූන් වහන්සේලා, රණවිරුවන් සහ ජාතික බලවේග මර්ධනය කිරීමට ආණ්ඩුවෙන් මෙහෙයුමක්.. - විමල්ගෙන් හෙළිදරව්වක්
ඇමරිකාව ප්‍රමුඛ කඳවුර අපේ රට තම ග්‍රහණයට නතු කරගෙන අවසන්.. - ජ්‍යෙෂ්ඨ මාධ්‍යවේදී මොහාන් සමරනායක
ඔය ගළවා දැම්මේ ඥානසාර හිමියන්ගේ සිවුර නොවේ.. මහා සංඟරත්නයේ බුද්ධ චීවරය.. පක්ෂ පාට වාද භේද නොසලකා එකාවන්ව නැගී සිටිය යුතුයි.. - විමල් වීරවංශ.
හෙළ ශාසනික ඉතිහාසයේ අඳුරුතම දිනය බවට 2026යේ ඔක්තෝබර් 6 වෙනිදා පත්වුණා.. සුදු අධිරාජ්‍යවාදීන් පවා කවදාවත් සිවුරට අත තිබ්බේ නෑ.. - උදය ගම්මන්පිල
ඥානසාර හිමියන්ට ගිහි වස්ත්‍ර ඇන්දවීම ගැන ත්‍රෛනිකායික මහානායක හිමිවරුන්ගෙන් දැඩි විරෝධය.. - බන්ධනාගාර කොමසාරිස්වරයාට විශේෂ ලිපියක්
ඤාණසාර හාමුදුරුවො වෙනුවෙන් රටපුරා මහා සංඝරත්නය කොළඹ මහාධිකරණයට..
යේමන ගැටුම කලාපීය යුද්ධයක් දක්වා උත්සන්න වෙයි
ඥානසාර හිමියන් ගේ සිවුර ගැලවීම වර්තමාන ආණ්ඩුවේ දැඩිි බෞද්ධ විරෝධී ප්‍රතිපත්තියේ දුෂ්ඨ පිළිබිඹුවක්.. - ජාතික සවිධානවලින චෝදනා..
සමාගම්වලට කැමති මිලකට ඉන්ධන විකුණන්න පුළුවන්- ඛනිජ තෙල් නීතිගත සංස්ථාවේ සභාපති ඩී.ජේ. රාජකරුණා