ට්‍රම්ප් සහ පුටින් අවසන් අරමුණ කුමක්ද? නතර වන්නේ කොතැනද? Zoom තාක්ෂණය ඔස්සේ විශේෂ සාකච්ඡාවක් 2025 මාර්තු 01 (අද) සවස 7: 30 සිට පැවැත්වීමට ජාතික සංවිධාන එකමුතුව කටයුතු යොදා ඇත.

බදු වංචා කළ මහා පරිමාණ ව්‍යාපාරිකයන්ගේ පොලී කපා හැරීමට ආණ්ඩුව සූදානම් වන්නේ යැයි පෙරටුගාමී සමාජවාදී පක්ෂයේ අධ්‍යාපන ලේකම් පුබුදු ජයගොඩ මහතා ඊයේ පැවසීය.

ආර්ථික අර්බුදයක් හරහා බලය ඩැහැ ගෙන මෙම ආණ්ඩුව වට්ටන බවට කවුරුන් හෝ සැලසුම් කරන්නේ නම් එය සිහිනයක් පමණක් වන බව ජනාධිපති අනුර කුමාර දිසානායක මහතා අවධාරණය කරයි.

යුක්‍රේනයේ රූකඩ පාලනය සහ යුරෝපීය අනුග්‍රාහකයින් පරාජය කරන බවට සහතික වන බව ශ්‍රී ලංකාවේ රුසියානු තානාපති LEVAN S. DZHAGARYAN මහතා පවසයි. ඔහු මෙසේ පැවසුවේ පසුගිය 26 වැනිදා ශ්‍රි ලංකා පදනම් ආයතනයේ පැවති "යුක්‍රේන ප්‍රොක්සි යුද්ධය : ඇත්ත සහ බොරුව" (Ukraine Proxy War: The Truth and Lies) නමින් 'අධිරාජ්‍ය විරෝධී ජාතික සංසදය' විසින් සංවිධානය කළ ඡායාරූප ප්‍රදර්ශනය විවෘත කිරීමෙන් පසුව එහි සම්මන්ත්‍රණයට සහභාගී වෙමිනි.

රාජ්‍ය නායකයෙකුගේ විදේශ සංචාරයකදි වියදම් අඩු කර ගැනීමේ සහ එම සංචාරය සිදුවන ආකාරය සම්බන්ධයෙන් අප කළ විමසීමකට ගෝලීය ශ්‍රී ලාංකික සංසදයේ විධායක කමිටු සාමාජික යසස් ධර්මදාස මහතා දුන් පිළිතුර ඔහුගේම වචනයෙන් මෙසේය.

රුසියාව සහ යුක්රේනය දැනට වසර තුනක සිට යුද වැදී සිටිනවා. පසුගිය විසිහතර වෙනිදට මේ මිලිටරි මෙහෙයුම ආරම්භ වී අවුරුදු තුනක් සම්පූර්ණ වූවා.

පාස්කු ඉරිදා ප්‍රහාරයේ මහ මොළකරුවන් ඉන්නේ ආණ්ඩුවත් එක්ක බව ගලබොඩඅත්තේ ඥානසාර හිමියන් පවසයි ඊයේ මාධ්‍ය හමුවකට එක්වෙමින් උන්වහන්සේ මේ බල පැවසීය. සිරෙන් නිදහස් වී දින කිහිපයකට පසු බොදු බල සේනා (BBS) සංවිධානයේ ප්‍රධාන ලේකම් ගලගොඩඅත්තේ ඥානසාර හිමියන් තවත් ආන්දෝලනාත්මක ප්‍රකාශයක් සිදුකළේය. ඒනම් පාස්කු ඉරිදා ප්‍රහාරය පිළිබඳව කාදිනල් මැල්කම් රංජිත් හිමිපාණන්ට කල්තියා දැනුම් දුන් නමුත් එය කණට නොගත් බවයි.

ඉන්දීය රුපියල් – ශ්‍රී ලංකා රුපියල් වෙළෙඳ පියවීම් ද්විපාර්ශ්වික ආර්ථික සබඳතා ශක්තිමත් කිරීම යන මැයෙන් වූ විද්වත් සාකච්ඡාවක් ඉකුත් 25 දා කොළඹ දී සංවිධානය කර තිබිණ.

හිටපු ජනාධිපති රනිල් වික්‍රමසිංහ මහතා තම කාර්යාලයේ (පෙබරවාරි 26දින) පැවති තරුණ සැසියක් අමතමින් සදහන් කරන්නේ තමා ජනතා විමුක්ති පෙරමුණ ප්‍රජාතන්ත්‍රවාදී ප්‍රවාහයට ගෙන ඒමට කටයුතු කළ බැවින් අද එම කණ්ඩායමට ආණ්ඩු බලය ලබාගැනීමට හැකිවී ඇති බවය.