නව අධ්‍යාපන ප්‍රතිසංස්කරණ නමින් ගෙන ඒමට නියමිත, දරුවන්ට මෙන්ම සමස්ථ අධ්‍යාපනයටත් නුසුදුසු ප්‍රතිසංස්කරණ පිළිබඳවත්, ඒවා මඟින් මෙරට දරු පරපුරට මෙන්ම ගුරුවරුන්ටත් මුහුණදීමට සිදුවන අභියෝග පිළිබඳව සහ අධ්‍යාපන ඇමතිතුමිය විසින් ක්‍රියාත්මක අධ්‍යාපන සිපයිකරණය වහා හකුලා ගැනීමට බල කෙරෙන අඛණ්ඩ සත්‍යග්‍රහය පිළිබඳව දැනුවත් කිරීමටත්, දරුවන් උදෙසා වැඩිහිටියෝ සංවිධානයේ කැඳවුම්කරු විමල් වීරවංශ මහතා ප්‍රමුඛ එම සංවිධානයේ සාමාජිකයෝ අද (11) ස්‍යාමෝපාලි මහ නිකායේ මල්වතු මහා විහාර පාර්ශ්වයේ මහානායක,අතිපුජ්‍ය තිබ්බටුවාවේ ශ‍්‍රී සිද්ධාර්ථ සුමංගලාභිධාන, මහානායක මාහිමිපාණන් වහන්සේ බැහැදැක එම අර්බුධය පිළිබඳව උන්වහන්සේලා දැනුවත් කරන ලදී.

අධ්‍යාපන ප්‍රතිසංස්කරණයක් අවශ්‍ය බව පිළිගන්නා නමුත් එම පිළිගන්නා වෙනස මෙය නොවන බව මහාචාර්ය පාතේගම ඤාණිස්සර හිමි පවසති.

ජේෂ්ඨ නීතිඥ කල්‍යානන්ද තිරානගම මහතා ආදර්ශමත් අධිරාජ්‍යවිරෝධියෙකි. එලෙසම අධිරාජ්‍යවිරෝධී ජාතික මතවාදය තුළ සිටින ප්‍රායෝගික සටන් සගයෙකි. අධිරාජ්‍ය විරෝධී කඳවුර තුළ සැබෑ ගුරුවරයෙකි. තම ජීවන අත්දැකීම් නිවැරැදිව විග්‍රහ කරගෙන අධිරාජ්‍යවිරෝධී මාවත තම පෞද්ගලික ජීවිතයටද දේශපාලන ජීවිතයටද එක් කරගත් ඒ මහතා ලංකා ලීඩර් වෙබ් අඩවියේ වීඩියෝ කවුළුවට දැක්වූ අදහස් අප පාඨකයාගේ බුද්ධිමය නිම් වලලු පුළුල් කරනු පිණිස මෙසේ සලකුණු කරමු.

අමෙරිකා එක්සත් ජනපදය වෙනිසියුලාවට දැවැන්ත ප්‍රහාරයක් එල්ලකර එරට නීත්‍යානූකූල ජනතාවගේ ඡන්දයෙන් තේරීපත්වුනු ජනාධිපති නිකොලස් මදුරෝ පැහැරගෙන යාම සම්බන්ධයෙන් අදහස් දක්වමින් ජ්‍යෙෂ්ඨ මාධ්‍යවේදී මොහාන් සමරනායක මහතා පවසන්නේ එම සිදුවීම පිටුපස ඇති සත්‍ය සිදුවීම ලෝක බලවතුන්ගේ අවශ්‍යතාවලට අනුව මාධ්‍ය මගින් වෙනසකට ලක්කරන බවයි.

ආණ්ඩුව විසින් කඩිමුඩියේ ක්‍රියාත්මක කරනු ලබන අධ්‍යාපන ප්‍රතිසංස්කරණ හරහා මෙරට දරු පරපුර විනාශයට පත් කරමින් සිදු කරන කාර්යට එරෙහිව සඳුදා (12) පෙරවරු 9:00 ට අධ්‍යාපන අමාත්‍යාංශය ඉදිරිපිට අඛණ්ඩ සත්‍යග්‍රහයක් ආරම්භ කරන බව ‘දරුවන් උදෙසා වැඩිහිටියෝ’ බහුජන සංවිධානයේ කැඳවුම්කරු, හිටපු අමාත්‍ය විමල් වීරවංශ මහතා පවසයි.

වලිකාමම් (දකුණ) ප්‍රාදේශීය සභාව විසින් 2026.01.08 වන දින. චුන්නාකම් හන්දියේ සිට කන්දරෝඩයි ප්‍රදේශයේ ඓතිහාසික වශයෙන් වැදගත් ස්ථානයක් වන , පුරාණ බෞද්ධ විහාර පිහිටා ඇති කන්දරෝඩයි ප්‍රදේශයට මග දැක්වෙන නාම පුවරු ඉවත් කිරීම දැඩි පිළිකුලෙන් යුතුව හෙළා දකින බව සර්වජන බලය දිස්ත්‍රික් සංවිධායක අරුන් සිද්ධාර්ත් මහතා පවසයි.

දීර්ග කාලීනව වෙනිසියුලාවේ ආණ්ඩු යටත් කර ගැනීම, පාලනය කිරීම හෝ පලවා හැරීම සඳහා වන ඇමෙරිකාහු උවමනාව ප්‍රධාන වශයෙන්ම කරුණු දෙකක් මත රඳා පවතින බව පැහැදිලි සත්‍යයකි. පළමුවැන්න, වෙනිසියුලාව සතු මහා ඛනිජ සම්පත් පාලනය කිරීමේ උවමනාව වන අතර දෙවැන්න, වෙනිසියුලාවේ බිහි වූ ඇමරිකානු විරෝධී වාමාංශික පාලකයින්ගේ පෞරුෂය සහ දේශපාලන තේරීම් තුළ කලාපයේ ඇමරිකානු උවමනාවන් අනතුරට පත්වීමය. විශේෂයෙන්ම ස්පාඤ්ඤ යටත්විජිතපාලනයෙන් නිදහස ලබා ගැනීම සඳහා දියත් කළ නිදහස් සටතේ පියා ලෙස සැලකෙන සයිමන් බොලිවර්ගේ අධ්‍යාත්මය තුළින් උපත ලැබූ ප්‍රබල වාමාංශික නායකයෙකු වූ හියුගෝ චාවේස් 1999 දී බලය ලබා ගැනීමෙන් පසුව ඇමරිකානු සමාගම් සතු වූ මහා ඛනිජ සම්පත් නැවත වෙහි සියුලානු ජනතාව සතු කිරීමේ ක්‍රියාවලිය ආරම්භ වීමත් සමග ඇමෙරිකානු ප්‍රතිප්‍රහාරය වඩා දරුණු විය.

අධ්‍යාපන ප්‍රතිසංස්කරණ සම්බන්ධයෙන් වර්තමාන ආණ්ඩුවට පලපුරුද්දක් නැතැයි අස්ගිරි මහනායක අතිපූජ්‍ය වරකාගොඩ ශ්‍රී ඤාණරතන හිමියෝ කියා සිටිති.

දීර්ඝ කාලයක් තිස්සේ රටේ පවතින අධ්‍යාපන ක්‍රමය පිළිබඳ සෑහීමකට පත් විය නොහැකි බවත් දෙමව්පියන්ට බරක් දරුවන්ට දුකක් වූ අධ්‍යාපන ක්‍රමය තුළ සිදු කරන වෙනස්කම් හැකිලීමට කවුරුන් උත්සාහ කළත් එහි වෙනසක් සිදුකරන බවත් ජනාධිපති අනුර කුමාර දිසානායක මහතා ඊයේ(9) පැවසීය.