එක්සත් ජනපද ආණ්ඩුවට යුක්රේනය සඳහා මිලිටරි ආධාර දීමට තරම් අරමුදල් නැති බව, පෙන්ටගනයේ මාධ්‍ය ප්‍රකාශක මේජර් ජෙනරාල් පැට්‍රික් රයිඩර් මාධ්‍ය වෙත පැවසුවේය.

යුක්‍රේනයේ සන්නද්ධ හමුදා ප්‍රධානී ජෙනරාල් වැලරි සලුෂ්නි ඊයේ (04) එරට පාර්ලිමේන්තු මන්ත්‍රීවරු අමතමින් "පාර්ලිමේන්තු මන්ත්‍රීවරුන්ට නව බලමුලු ගැන්වීමේ නීතියක් ගෙන ඒම සම්බන්ධයෙන් එකඟ විය නොහැකි නම්, ඔවුන් යුද පෙරමුණට ස්වේච්ඡාවෙන් ඉදිරිපත් වීම සාදරයෙන් පිළිගන්නවා." යනුවෙන් පැවසූ බව එරට පුවත් පත් වාර්තා කර ඇතැයි වාර්තා වේ.

එක්සත් ජනපද ෆෙඩරල් ආණ්ඩුවේ ණය, ඉතිහාසයේ ප්‍රථම වතාවට ඩොලර් ට්‍රිලියන 34 ඉක්මවූ අතර, එම ප්‍රමාණය ලෝකයේ මීළඟ විශාලතම ණයගැතියා වන චීනයේ මුළු ණය එකතුව මෙන් දෙගුණයකටත් වඩා වැඩි අගයක් ගෙන ඇති බව වාර්තා වේ.

ඉරානයේ සිදුවූ පිපිරීම්වලින් මියගිය සංඛ්‍යාව තවදුරටත් ඉහළගොස් ඇති බව විදෙස් මාධ්‍ය වාර්තා කර තිබේ.

මේ වන විට එක්සත් රාජධානියේ බොහෝ පුරවැසියන් විශ්වාස කරන්නේ "බ්‍රෙක්සිට්" බ්‍රිතාන්‍ය ආර්ථිකයට අයහපත් තත්වයක් ඇති කර තිබෙන බවයි.

ඉරානය සහ රුසියාව දෙරට අතර ගනු දෙනු වලදී රූබල් සහ රියාල් මගින් ගෙවීම් කිරීම වෙනුවෙන් ගිවිසුම් ගත වීමෙන් පසු එක්සත් ජනපද ඩොලරය ගනු දෙනු වලදී භාවිතය නිල වශයෙන් අතහැර දමා ඇති බව ඉරාන පුවත් ඒජන්සිය වන IRNA පසුගියදා වාර්තා කළේය.

රුසියානු යුක්‍රේන දේශ සිමාවේ සිට කිලෝ මීටර 40 ක් පමණ රුසියාව තුලට වන්නට පිහිටි බෙල්ගොරොද් නගරයට ඊයේ(30) එල්ල වූ යුක්රේන හමුදා ෂෙල් වෙඩි ප්‍රහාරයකින් මේවන විට රුසියානු වැසියන් 21 දෙනෙකු මිය ගොස් ඇතැයි වාර්තා වේ. මොස්කව් සහ කියෙව් අතර ගැටුම ආරම්භ වූ දිනයේ සිට මෙතෙක් රුසියානු සිවිල් වැසියන් ඉලක්ක කර එල්ල වූ "නරකම" ප්‍රහාරය මෙය බව බෙල්ගොරොඩ් කලාපයේ ආණ්ඩුකාර වියචෙස්ලාව් ග්ලැඩ්කොව් ටෙලිග්‍රාම් පණිවිඩයක් තබමින් පවසා සිටී. අද(31) උදෑසන සිය ටෙලිග්‍රැම් ගිණුමේ තවත් සටහනක් තබමින් ඔහු පවසා සිටියේ ප්‍රහාරය හේතුවෙන් සිදු වූ මරණ සංඛ්‍යාව 21 දක්වා ඉහළ ගොස් ඇති බවයි.

රුසියානු ආරක්ෂක අමාත්‍යාංශය පසුගිය සතියේ යුක්රේනයේ විවිධ ඉලක්ක වෙත ගුවන් ප්‍රහාර මාලාවක් දියත් කළ බව මාධ්‍ය ප්‍රකාශනයක් නිකුත් කරමින් පවසයි.