නන්නත්තාර කළවුන් ඉන් ගලවා ගැනීම පිණිස..
මම පසුගිය කාලය පුරාම විටින් විට, අපේ රටේ විවිධ විද්වතුන්ගේ දේශනවලට ඇතැම් විට සජීවීව ද, ඇතැම් විට Youtube මාධ්‍ය ඔස්සේ ද, ඔවුන්ගේ ලිපි ලේඛන පරිශීලනය කිරීමෙන්ද අවධානය යොමු කළෙමි. මේ කිහිප දෙනෙකු අතර වන එක් අයකු වන්නේ මහාචාර්ය ටියුඩර් වීරසිංහයන් ය. ඔහු පසුගිය කාලය පුරා විවිධ තැන් හි දක්වන ලද අදහස් සමුදායක්, මා හිතවත් කුල ශ්රී කාරියවසම් සමග සිදු කරන Youtube සංවාදයක දී ද නැවත මතු කර තිබුණි. මම මුල සිට අගට ඉමහත් උනන්දුවෙන් එයට සවන් දුන්නෙමි. ඔහු එහිදී පවසන අදහසක් මා සිත්හි තදින් කා වැදුණි. ඔහු එය කීවේ මෙසේ ය.
”අපේ රටේ නායකයන්ට අදහසක් නෑ මොන මාවතේ ද මේ මිනිස්සු ඉදිරියට ගෙනියන්නෙ කියලා.”
තවදුරටත් ඔහු ඒ ගැන මෙසේ පවසයි.
”දැන් අපි නන්නත්තාර වෙලා ඉන්නෙ. ලෝකයම තමන් ඉස්සරහට යන්නේ කොහොමද කියන එක ගැන පිළිතුරු නැතිව පරිණාමීය අර්බුදයකට මුහුණ දීලා ඉන්නවා...”
බැලූ බැල්මට මහාචාර්ය ටියුඩර් මේ කියන කතාවේ ඇත්තක් නැත්තේ ද නොවේ! නව ලිබරල්වාදී වස්ත්ර ගත දවටා ගත් රනිල් සීයා ගිය IMF වැල් පාලමේම රතු වස්ත‍්‍රධාරී වම්මුද හරි පහසුවෙන් ගමන් කරති. තමන්ම විරෝධය පෑ, ගිනි තැබූ ”රනිල් සීයා” ගෙන එන ලද විදුලිය බල මණ්ඩලය 6කට කැඞීමේ පනත් කෙටුම්පත තමන්්ගේම 159 ඡන්දයෙන් හරයාත්මක වෙනස්කම් රහිතව රතු වස්ත‍්‍රධාරී සාමාජිකයෝ සම්මත කරති. ”අපි ගෙනාපු බබාට උඹලා පොඩි පුයර ටිකක් ගාලා ආයෙ අරන් ගෙනැවිත්! උඹල එදා අපේ බබාට විරුද්ධව ඡුන්දෙ දුන්නා. දැන් උඔලාම ඒ බබාව නලව නලව අරන් ඇවිල්ලා! ඉතින් අපි මොකටද අපි ගෙනාපු බබාට විරුද්ධ වෙන්නෙ! විපක්ෂයේ සිටින ස.ජ.බ.යෝ ද පොහොට්ටුවෝද රතු වස්ත‍්‍රධාරී ආණ්ඩු කරන්නවුන්ගෙන් එසේ අසති. ඒ විදුලිබලය මණ්ඩලය 6කට කඩන පනත නැවත පාර්ලිමේන්තුවේ සම්මත කරන විවාදයේ දී ය. බැලූ බැල්මට මහාචාර්ය ටියුඩර් කියන ඒක හරි ය! ඒ මොකක්ද? ඒ... ”අපේ රටේ නායකයන්ට අදහසක් නෑ මොන මාවතේ ද මේ මිනිස්සු ඉදිරියට ගෙනියන්නෙ කියල.” බැලූ බැල්මට හැමෝටම මඤ්ඤං ය! හැබැයි මහාචාර්ය ටියුඩර් පවසන මේ අදහස සමඟ මට නම් ගැඹුරු ශ‍්‍රාස්ත‍්‍රීය ගැටුමක් තිබේ. ඒ, නිශේධාත්මක නොව ධනාත්මක ගැටුමකි.
”දැන් අපි නන්නත්තාර වෙලා ඉන්නේ. ලෝකයම තමන් ඉස්සරහට යන්නේ කොහොමද කියන එක ගැන පිළිතුරු නැතිව පරිණාමී අර්බුදයකට මුහුණ දීලා ඉන්නවා.”
මහාචාර්ය ටියුඩර් කියන මේ කතාවේ ඇත්තක් නැත්තේම නොවේ. ඒ අතරම නැත්තක් ඇත්තේම ද නොවේ.
මහාචාර්ය ටියුඩර්ට අනුව දැන්, පුද්ගල නිදහස සමඟ බද්ධ වූ ධනවාදය ද වැටිලා ය! එයට තව දුර යන්න බැරි ය! සාමූහිකත්වය මත පදනම් වූ සමාජවාදය ද වැටිලා ය! එය ඉවර ය! (සෝවියට සංගමයේ බිඳවැටීම යනු එයයි) ඒ නිසා දැන් තමන් ඉදිරියට යන්නේ කෙසේද කියන එක ගැන ලෝකයම පරිණාමයේ අර්බුදයකට මුහුණ දීලා ඇත්තේ ය. ඒ අතරම ”බල සුබ පෙර නිමිති” ගැන කියද්දී ඔහු BRICS සංවිධානයේ නැගී ඒම, ‘‘ආසියාන්’’ වැනි නව බහු ධ‍්‍රැවීය ලෝකයක් පිළිබඳ ධනාත්මක බලාපොරොත්තු ද දල්වනු ලබයි.
සෝවියට සංගමයේ බිඳවැටීම යනු, සමාජවාදයේ (එම ක‍්‍රමයේ) බිඳවැටීම වේ ද? ජනප‍්‍රිය අර්ථයන් එය එසේ ය. සැබැවින්ම, බලගතු සෝවියට රාජ්‍යය බිඳ වැට්ට වූයේ පහලින් සිටි ජනී ජනයා නොවේ. ඉහළ සිටි සීමිත නිලධාරීන් පිරිසකි. ගොර්බොචෝෆ් ඉන් පුරෝගාමී එක් අයෙකි. දිගු කලක් පුරා ගෙන ගිය මෙහෙයුමක කූට ප‍්‍රාප්තිය වූයේ සෝවියට සංගමය සිය කැමැත්තෙන්ම විසුරුවා හැරීමට ලක් කිරීම ය. බහුතර මහජනයා ඒ දෙස නිසොල්මන්ව බලා සිටිය හ. එය භාහිරින් දියත් වූ ප‍්‍රබල දිගු කාලීන සූක්‍ෂම මෙහෙයුමක ප‍්‍රතිඵලයක් වූ අතර, අභ්‍යන්තරිකව ද එය එසේ වීමට තුඩු දුන් හේතු පැවතුණි. එහෙත්, ප‍්‍රබල විපර්යාසකාරකය වූයේ භාහිරවය. භාහිර විපර්යාසකාරකයා වූයේ අභ්‍යන්තරයේ මුදුනේ ය. පරිධියේ නොවේ.
මෙය මා දකින්නේ, ”සෝවියට් සමාජවාදී මොඩලයේ” සූක්‍ෂම ව බිඳවැට්ටවීමක් ලෙස මිස, සමස්ත සමාජවාදයේම බිඳවැටීමක් ලෙස නොවේ. එය එසේ සිතුවහොත් මා හිතවත් මහාචාර්ය ටියුඩර් වැටෙන්නේ ද ”දැන් ලෝකයේ සමාජවාදයක් නෑ! කියන ලාල් කාන්තගේම ගොඩට ය! මහාචාර්ය ටියුඩර් ඒ ගොඩට ඇත්තටම අයත් නැත !
එහෙත් ඔහු නිවැරදිව දකින පරිදි, තවදුරටත් ඉදිරියට යා නොහැකි අර්බුදයකට අද, ලෝක නව ලිබරල්වාදී ධනවාදය මුහුණ දී සිටී. එය එක පැත්තකින් පෙනෙන්නේ ආර්ථික අර්බුදයක් ලෙස ය. එයට එක එක කාලවල එක එක උත්තර සොයති. කාර්මික ධනවාදයෙන් එයට උත්තර නැති වූ කල, මූල්‍ය ධනවාදයෙන් උත්තර සොයති. ඩොලර් අච්චු ගසා ලෝකය පුරා බෙදා හරිති. ඊළගට බහුතරය මත පදනම් වූ පැරණි ලිබරල්වාදය අතහැර, සුළුතරය මත පදනම් වූ නව ලිබරල්වාදී දහමට හැරෙති. නව ලෝක රටාව, නව ලෝක ජීවන රටාව ඒ අනුව හැඩ ගස්වති. ඩිජිටල් අධිරාජ්‍යවාදය ලෙස ද එය ඇතැමුන් හඳුන්වති. එහෙත්, මේ සියල්ලෙහිම අවසානය කුමක් ද?
මේ ගැන තේරුම් ගැනීමෙහි ලා මූලික ප‍්‍රවේශයක් ලෙස, මා යොමු වන්නේ චීන ජාත්‍යන්තර බැංකුවේ ප්රධාන ආර්ථික විද්‍යාඥයකු හා සහකාර සභාපති මෙන්ම පීකිං විශ්ව විද්‍යාලයේ ජාතික සංවර්ධන පාසලේ (NSD) අනුබද්ධ මහාචාර්යවරයකු වන ෂූ ගා ඕ ඉදිරිපත් කරන අදහසකට ය. ඔහු පවසන්නේ මෙසේ ය.
”...ධනවාදී අධි නිෂ්පාදනය නිසා ඇතිවන ආර්ථික අර්බුද පිළිබඳ කාල් මාක්ස්ගේ විශ්ලේෂණයේ දී, ආදායම් බෙදා හැරීම ප්රධාන ගැටළුව වේ. කේන්ද්‍රීය කරුණ නම්, ධනපතියන් විසින් පාලනය කරනු ලබන ප‍්‍රාග්ධනය මත ප‍්‍රතිලාභ පාරිභෝගිකයින් (කම්කරුවන්) වෙත ගලා නොයන බවයි. එහි ප‍්‍රතිඵලයක් ලෙස, මෙම ප‍්‍රතිලාභ පාරිභෝගික (කම්කරු) ආදායම හෝ යහපත් ජීවිතයක් සඳහා ඔවුන්ගේ අවශ්‍යතාවය බවට පරිවර්තනය කිරීමට අපොහොසත් වේ.
මෙය නිෂ්පාදන ධාරිතාව පුළුල් වීමට සාපෙක්ෂ අඩු වීමක් මගින් පරස්පර තාවයක් ඇතිකරන අතර එය අධිනිෂ්පාදනයේ ආර්ථික අර්බුදවලට මග පාදයි. මෙය විසඳීම සඳහා, මාක්ස් පොදු අයිතිය යෝජනා කළ අතර එමඟින් පාරිභෝගිකයින්ට ප‍්‍රාග්ධනයේ අයිතිය බෙදා ගැනීමට ඉඩ සැලසේ. මේ ආකාරයෙන්, ප‍්‍රාග්ධන ප‍්‍රතිලාභවලින් වැඩි කොටසක් පාරිභෝගිකයින් (කම්කරුවන්) වෙත ගලා යන අතර, ප‍්‍රමාණවත් ඵලදායී ජීවන තත්වයක් නොමැතිකම පිළිබඳ ගැටළුව සමනය කරයි.
චීනය යනු; සමාජවාදී රටකි, එහිදී පොදු අයිතිය යනු ප්රධාන පදනම වන අතර විවිධ ආකාරයේ හිමිකාරිත්වයන් ඒ සමඟ වර්ධනය වේ. 2018 දී පවත්වන ලද සිව්වන ජාතික ආර්ථික සංගණනයට අනුව, එම වසරේ චීන ව්‍යවසායන් හි මුළු වත්කම් යුවාන් ටි‍්‍රලියන 914 දක්වා ළඟා විය. මෙයින්, රජය සතු ව්‍යවසායන් (SOES) යුවාන් ටි‍්‍රලියන 475 හිමිකරගෙන ඇති අතර එය සම්පූර්ණ ආයතනික වත්කම්වලින් 52% පමණ වේ. (එනම් මුළු වත්කම්වලින් ඍජු පොදු දේපළ ප‍්‍රමාණය 52% වන බව ය.)
ඊට අමතරව, රාජ්‍යය හි අයිතිය රජයේ ආයතන සහ රාජ්‍ය අනුබද්ධ ආයතන සැලකිය යුතු වත්කම් සහ ස්වාභාවික සම්පත් හි අයිතිය දරයි. මේ අනුව, මහජන අයිතිය චීනයේ සමස්ත හිමිකාරීත්ව ව්‍යුහයේ ප‍්‍රමුඛස්ථානයක් ගනී.
මෙම හිමිකාරීත්ව ව්‍යුහය ප‍්‍රතිසංස්කරණයට පෙර සහ පසු සහ විවෘත කිරීම යන දෙඅංශයෙන්ම ප්රධාන ව්‍යාපාර සඳහා සම්පත් කළමනාකරණය කිරීමට චීනයට හැකියාව ලබා දී ඇත.
එහි ප‍්‍රතිඵලයක් ලෙස, මහජන සමූහාණ්ඩුව පිහිටුවීමේදී චීනය දුප්පත් සහ ඌන සංවර්ධිත කෘෂිකාර්මික රටක සිට ලෝකයේ ප‍්‍රමුඛතම නිෂ්පාදන බලාගාරය බවට පරිවර්තනය වී ඇත. මෙම පරිවර්තනය අතරතුර, චීනය හිඟ ආර්ථිකයක සිට අතිරික්තයක් දක්වා ගමන් කර ඇති අතර, නිෂ්පාදන ධාරිතාව හිඟයක සිට අතිරික්තය දක්වා මාරු වී ඇත.”
දැන් මාක්ස් කී මේ ”අතිරික්තය” ඒක ධ‍්‍රෑවීය ලෝකයේ ලාභ උපදවන සමාගම් හෝ පවුල් සමාගම් යොදවන්නේ තම පාරිභෝගිකයාව තමන්ට අවශ්‍ය අයුරින් ”රොබෝටික්” කර ගැනීම පිණිස මිස, යහපත පිණිස නොවේ. එබැවින් ඔවුන් ඊට ගැලපෙන නව ලෝක රටාවක් බිහි කරති. මුළු මිනිස් සමාජය මත නව ලෝක ජීවන රටාවක් පටවනු ලබති. ජාතික රාජ්‍යය, සංස්කෘතික අනන්‍යතා යන කිසිවක් රහිත ඩිජිටල් පරිශීලකයකු පමණක් සහිත ඩිජිටල් වහල් සමාජයක් තනනු ලබති. ඔවුන්ට අනුව, යුරෝපය උද්‍යානයකි. ලෝකයේ සෙසු ප්රදේශ ගණ වනාන්තරයකි. ඔවුන් පසුගිය කාලයේ රැස්කර ගත් දියුණුවේ රහස බහුවිද කොල්ලකෑම ය! එය සම්පත්වල සිට දැනුම දක්වා කොල්ලකෑම ය! අද ද ඔවුන්ගේ ශිෂ්ඨාචාරගත පුරුද්ද එයම ය! එදා අතිරික්තය උපදවා ගත්තේ සෘජු යටත් විජිතකරණ කොල්ලයෙන් ය!. අද අතිරික්තය උපදවනු ලබන්නේ නවලිබරල්වාදී ඩිජිටල් අධිරාජ්‍යවාදී කොල්ලයෙන් ය. ඒ උපදවනු ලබන අතිරික්තයම පෙරළා යොදවන්නේ, සභ්‍යත්වයන්, ජාතික රාජ්‍යයන්, මිනිස් අනන්‍යතාවන් හා සාමූහිකත්වයන් වනසා දමනු ලැබිය හැකි නව ලෝක රටාව ප‍්‍රවර්ධනය කිරීමට ය. ඒ සඳහා වන රාජ්‍ය නොවන සංවිධාන සෙසු දේශපාලන, සංස්කෘතික පිල්ලි වර්ධනය කෙරුමට ය. තාක්ෂණික දියුණුව ද ඊට ම අයත් වූවකි.
පකිස්ථානයට මෙවර ට‍්‍රම්ප්ගේ ටැරීෆ් බද්ධ පැනවූයේ ඉහළ අගයකිනි. පසුව අනාවරණය වූ පරිදි මෙය 19% මට්ටමට පහත බස්සවා ගැනීම සඳහා පකිස්ථානයට සෑහෙන්න වන්දි ගෙවීමට සිදුව තිබේ. ඒ ”වන්දි” අතර, බලශක්ති ක්‍ෂේත‍්‍රය ද අයත් වේ. බලශක්තිය යනු තෙල් සහ විදුලිය පමණක් නොවේ. නූතන බලශක්තිය වනුයේ විදුලිය නිපදවිය හැකි සහ ඒවා ගබඩා කළ හැකි දුර්ලභ කනිජ සම්පත් ද අයත් වූවකි. ඒ, ලිතියම්, කොබෝල්ට්, සීරියම්, ප‍්‍රසිඩෝඩමියම්, නියෝඩයිමියම් හා ප‍්‍රමෝනියම් වැනි කණිජ සම්පත් ය. පකිස්ථානයේ උතුරු පළාතේ වන මේ බලශක්ති නිධි ඇමරිකානු සමාගම් සතු කර දීම ද ”ටැරීෆ්” 19%ක අගය ට පහත වැටීමට හේතු වී තිබේ. මීට අමතරව, මෙතෙක් මැද පෙරදිග තෙල් සැපයුම්කරුවන්ගෙන් තෙල් මිලදී ගත්ත පකිස්ථානය ඇමෙරිකාවෙන්් ද තෙල් මිලදී ගැනීමට එකඟ වී තිබේ. මේ වන විට ද එය ඇරඹී තිබේ. ඇමරිකාවේ VITO සමාගමෙන් බොර තෙල් බැරල් මිලියනයක් පාකිස්ථානය පසුගිය අගෝස්තු 01 වැනිදා වන විට ඇණවුම් කර තිබේ.
මේ සියල්ලට වඩා උත්ප‍්‍රාසජනක කරුණ වන්නේ ටැරීෆ් බද්ධ 19% අගයට පහත හෙලා ගැනීම පිණිස, පකිස්ථානයේ ඩිජිටල් වත්කම්වල අයිතිය ඩොනල්ඞ් ට‍්‍රම්ප්ගේ පවුල විසින් පාලනය කරන ”වර්ල්ඞ් ලිබර්ට් ෆයිනෑන්ෂල්” (WLP) සමාගම යටතට මුළුමනින්ම පවරාගෙන තිබීම ය. මෙම සමාගමේ ප්රධාන ක‍්‍රිප්ටෝ උපදේශකයා වන්නේ ඩොනල්ඞ් ට‍්‍රම්ප් ය. අනිත් තුන්දෙනා වන්නේ ට‍්‍රම්ප්ගේ පුත්තු තිදෙනා ය. ඒ අනුව, පකිස්ථානයේ ක‍්‍රිප්ටෝ මුදල් ගනුදෙනු බ්ලොග් චේන් නවෝත්පාදනය සහ විමධ්‍යගත මුදල් ඒකාබද්ධ කිරීම යන සියලූ ඩිජිටල් භාවිතයන් පාලනය කිරීම ට‍්‍රම්ප්ගේ පවුලේ සමාගමට පැවරී තිබේ.
අද, අර්බුදයට පත්ව ඇති නව ලිබරල්වාදය හා ඊට අයත් නව ලෝක රටාව, මෙහෙයවනු ලබන්නේ, මෙවැනි පවුල් හා සමාගම් තන්ත‍්‍රයකිනි. ඇමරිකා එක්සත් ජනපදයට තමන්ගේම වූ වසර 200 කට වැඩි ඉතිහාසයක් නොවේ. මේ සියල්ලේම පොදු ඓතිහාසික උරුමය වන්නේ කොල්ලකෑම සහ එමඟින් උපදවන අතිරික්ත ලාභයෙන් නැවත නැවතත් සිය ආධිපත්‍ය ලොව මත පැටවීම ය. ඒ සඳහා ඒක කේන්ද්‍රීය බලය සහ ඊට ගැලපෙන නව ලෝක රටාව පවත්වා ගැනීම ය. අද මියැදෙමින් වුව ”ජීවමානව” පවතින්නේ එය යි. එයට ජාතික අනන්‍යතා, ජාතික රාජ්‍යය, ජාතික ඉතිහාසයන්, ජාතික වටිනාකම් කිසිවක් අදාළ නොවේ. මානව අනන්‍යතා ද අදාල නොවේ.
එහෙත්, මෙය දිගු කාලීනව පැරදවිය හැකි වන්නේ කෙසේ ද? ප්රධාන සුදුසුකම් දෙකක් මත පදනම් වූ බල කේන්ද්‍රයක් මතට ලොව නව ලෝක රටාව තීරණය කිරීමේ බලය මාරු වීම මගින් පමණක් එය සිදු වේ. එම සුදුසුකම් දෙකෙන් එකක් වන්නේ, ආදායම් බෙදා හැරීම පිළිබඳ ප්රධාන ගැටලූවේදී ප‍්‍රාග්ධනය මතින් උපදවන අතිරික්තය (ලාභ) පාරිභෝගික (කම්කරු) ආදායම හෝ යහපත් ජීවන තත්ත්වයක් සඳහා ඔවුන්ගේ අවශ්‍යතාවය සඳහා පරිවර්තනය කිරීමට හැකි වූ බලවේගයක් මත ලොව කේන්ද්‍රීය බලය තීරණය කර ගැනීම ය. චීනය මෙයට ජීවමාන උදාහරණයකි. ඔවුන් තම ‘ලාභය’ (අතිරික්තය) එක අතකින් පාරිභෝගික (කම්කරු) ආදායම යහපත් අතට වර්ධනය කිරීමටත්, අනෙක් අතින් ගුවන්යානයක වේගයෙන් යන දුුම්රිය සේවා කම්කරුවා (පාරිභෝගිකයා) වෙත ලබාදීමටත් යොදවනු ලබයි. නමුත්, බටහිර - යුරෝපා පවුල් හා සුළු සමාගම් තන්ත‍්‍රයක් එක් රැස් කරගන්නා මෙම මහා අතිරික්තය (ලාභය) එසේ නොයෙද වේ.
දෙවැනි වැදගත් කරුණ නම්, වෙනත් රටවල් ආක‍්‍රමණය කර අතිරික්ත ලාභය කොල්ල නොකන ලද (නූපදවන ලද) වසර දහස් ගණනාවක් පැරණි මහා සභ්‍යත්ව උරුමයකට හිමිකම් කියන රාජ්‍යයක් මෙම නව ලෝක රටාව තීරණය කරනු ලැබීම යි. එය, මාක්ස්, එංගල්ස් පමණක් නොව, කොන්ෆියුසස්, තා ඕ තුමන් වැනි දාර්ශනිකයන්ගේ දැනුමෙන් ද පෝෂණය වූවකි. තම ඓතිහාසික අනන්‍යතාවට, ”අතීත කාමය”යැයි කියා ගරහන්නවුන් එහි නැත. ”සාමූහිකත්වය” වටිනාකම ලෙස ප‍්‍රවර්ධනය කරති. ජාතික රාජ්‍යය, ජාතික අනන්‍යතා,බහුවිධ සංස්කෘතීන්ට ගරු කරති. ඩිජිටල් කාර්මිකරණය ප‍්‍රවර්ධනය කරන ගමන්ම අල්පේච්ඡු ජීවන රටාවේ ඇති වැදගත්කම ගැන ද අවධාරණය කරති, අධි පරිභෝජනවාදයට අනවශ්‍ය ලෙස දිරිගැන්වීමෙන් වැළකෙති.
නූතන ලෝකය විලිරුදාවෙන් පෙළෙන්නේ මෙම නව, නව ලෝක රටාවට හා සැබවින්ම නව බල කේන්ද්‍රයට මාරුවීම පිණිස ය. ඉදිරි දශකය හෝ එකහමාර ඒ සඳහා වෙන්වනු ඇත. ඒ කාලය තුළ මහාචාර්ය ටියුඩර් පවසන ”නන්නත්තාර වෙලා” ඉන්නේ වැනි හැඟීම් බිහිවිය හැකිය. එහෙත්, ඒ දිගුකාලීනව නොවේ. දාර්ශනික හෝ භූ දේශපාලන වෛශ්‍යාවන් මෙහිදී අමාරුවේ වැටීම වැලකිය හැකි නොවේ.
අප කළ යුත්තේ, මේ ලෝකයට මානව සංහතියට සපුරා හිත කර නව බල කේන්ද්‍රයත්, ඒ මත බිහිවන මානව හා දියුණු විද්‍යාත්මක ගුණාංග වෙතින් සපිරි ජාතික අනන්‍යතා හා වටිනාකම් ප‍්‍රවර්ධනය කරනු ලබන නව ලෝක රටාවත්, ලිබරල්වාදයේ නව ලෝක රටාවේ සොහොන් බිම මතම පැළ කිරීම ය. එහි විලාපය අපගේ උදාන ගීතය බවට පත්කර ගැනීම ය. එය ලෝක පරිමාණ භාවිතාවක, ජාතික කාර්යභාරය වේ. එලෙස මෙය තේරුම් ගතහොත්, මහාචාර්ය ටියුඩර් පවසන ”නන්නත්තාර වීම” අපට අදාල නොවේ.
අප එවිට සිදු කරන්නේ, දැනුම්වත්ව, මේ සංක‍්‍රාන්ති කාලය නිවැරදිව සුපොහොසත්ව බහුවිධ ආකාරයෙන් පසු කිරීම ය. එහි, අපට අයත් භූමිකාවට පණ පෙවීමට ය.
දෙකම අතිරික්තයේ හා අතිරික්ත ලාභයේ ප‍්‍රශ්නය ලෙස පෙනෙන බව සැබෑ ය. එහෙත් පිළිතුර, අතිරික්තය හෝ ඒ අතිරික්ත ලාභය සභ්‍යත්ව ගුණාංග සපිරි නව බල කේන්ද්‍රයක් මත හා ඒ මත ඉදිවන නව ලෝක රටාවක් බිහි කෙරුම මත ඉදිරියට ගෙන යාම ය. චීනය සතු ව්‍යවසායන්හි මුළු වත්කමෙන් 52% සෘජුවම රජය සතු ය. ඉතිරි වත්කම් ද ස්වාභාවික සම්පත් ද, රාජ්‍යය, රාජ්‍යයේ ආයතන සහ රාජ්‍ය අනුබද්ධ ආයතන ලෙස විවිධ ස්වරූපයෙන් පවතී. මේ කවර ස්වරූපයෙන් තිබුණ ද එමගින් උපදවන අතිරික්තය (ලාභය) බෙදී යන්නේ, එහි ප‍්‍රතිලාභ පරිභෝගික (කම්කරුවන්) ආදායම හෝ යහපත් ජීවිතයක් සඳහා ඔවුන්ගේ අවශ්‍යතා වැඩිදියුණු කිරීම සඳහාම ය.
ඒ පදනම මත බිහිවන අතිරික්තය (ලාභය) පවුල හෝ සමාගම් කිහිපයක් තර කිරීමේ ආත්මාර්ථකාමී මගෙන් ලෝකය විතැන් කරයි. මේ ගැන මහාචාර්ය ටියුඩර් වීරසිංහයන් මෙන්ම, සෙසු විද්වතුන් හෝ විද්වතුන් නොවන්නන් දරන මතය සංවාදයට භාජනය වීම ”නන්නත්තාරකරවුන්” ඉන් ගලවා ගැනීම පිණිස බෙහෙවින් උපකාරී වේ. මා මෙහිලා ප‍්‍රවේශය තබනුයේ එම වැදගත් සංවාදයට ය. සැබැවින්ම, එය ඵලදරත්වා!
- විමල් වීරවංශ
ඉරිදා ලංකාදීප - 2025 08 24
සම්බන්ධිත පුවත් | Related News
ප්රධාන පුවත්
"උසාවි එද්දි සිවුර ගලවන්න බෑ".. - වෛද්‍ය වසන්ත බණ්ඩාර බන්ධනාගාර නිත්‍ය නියෝග පෙන්වමින් හෙළිකරයි..
බුද්ධ චීවරයට අත තැබූ ආණ්ඩුව හත් පොළේ ගාගෙන නිලධාරීන් පාවාදෙයිද..? - විමල්ගෙන් අනාවරණයක්..
සිවුරට මුවාවී ඉතිහාසයේ වැඩිම ගේම් ගහපු පිරිසක් ඉන්නේ මාලිමාවේ 159 අතරේ.. සිවුරු ඇරපු 50කට වැඩි පිරිසක් ඉන්න ආණ්ඩුවක් මේක.. - උලපනේ සුමංගල හිමි
ඉරාන තෙල් නෞකා 17කට ඇමෙරිකාවෙන් සම්බාධක..
ඥානසාර හිමියන්ගේ කටහඬ ගැන නොව, උන්වහන්සේ කියූ ජාතික කාරණා ගැන අවධානය යොමු කරන්න.. ඊළගට ජම්පරේ අන්දන්නේ මට ලු.. – මහාචාර්ය පූජ්‍ය ඉඳුරාගාරේ ධම්මරතන හිමි
එක් අයෙකු වෙනුවෙන් නීති නමන්න බෑ.. බන්ධනාගාර ආඥා පනතේ නීති රෙගුලාසි සමාලෝචනයට කමිටුවක් පත් කරනවා.. - ජනපති
රට වෙනුවෙන් කැපවූ භික්ෂූන් වහන්සේලා, රණවිරුවන් සහ ජාතික බලවේග මර්ධනය කිරීමට ආණ්ඩුවෙන් මෙහෙයුමක්.. - විමල්ගෙන් හෙළිදරව්වක්
ඇමරිකාව ප්‍රමුඛ කඳවුර අපේ රට තම ග්‍රහණයට නතු කරගෙන අවසන්.. - ජ්‍යෙෂ්ඨ මාධ්‍යවේදී මොහාන් සමරනායක
ඔය ගළවා දැම්මේ ඥානසාර හිමියන්ගේ සිවුර නොවේ.. මහා සංඟරත්නයේ බුද්ධ චීවරය.. පක්ෂ පාට වාද භේද නොසලකා එකාවන්ව නැගී සිටිය යුතුයි.. - විමල් වීරවංශ.
හෙළ ශාසනික ඉතිහාසයේ අඳුරුතම දිනය බවට 2026යේ ඔක්තෝබර් 6 වෙනිදා පත්වුණා.. සුදු අධිරාජ්‍යවාදීන් පවා කවදාවත් සිවුරට අත තිබ්බේ නෑ.. - උදය ගම්මන්පිල
ඥානසාර හිමියන්ට ගිහි වස්ත්ර ඇන්දවීම ගැන ත්‍රෛනිකායික මහානායක හිමිවරුන්ගෙන් දැඩි විරෝධය.. - බන්ධනාගාර කොමසාරිස්වරයාට විශේෂ ලිපියක්
ඤාණසාර හාමුදුරුවො වෙනුවෙන් රටපුරා මහා සංඝරත්නය කොළඹ මහාධිකරණයට..
යේමන ගැටුම කලාපීය යුද්ධයක් දක්වා උත්සන්න වෙයි
ඥානසාර හිමියන් ගේ සිවුර ගැලවීම වර්තමාන ආණ්ඩුවේ දැඩිි බෞද්ධ විරෝධී ප්‍රතිපත්තියේ දුෂ්ඨ පිළිබිඹුවක්.. - ජාතික සවිධානවලින චෝදනා..
සමාගම්වලට කැමති මිලකට ඉන්ධන විකුණන්න පුළුවන්- ඛනිජ තෙල් නීතිගත සංස්ථාවේ සභාපති ඩී.ජේ. රාජකරුණා
කච්චතිව් ගිවිසුම් යළි විවෘත කරන්න අදහසක් නැහැ.. - ඉන්දීය මධ්‍යම රජය එරට ශ්‍රේෂ්ඨාධිකරණයට දැනුම්දෙයි..