පාර්ලිමේන්තුවට ඉදිරිපත් කළ ආර්ථික පරිවර්තන පනත් කෙටුම්පත සහ මූල්‍ය කලමණාකරණය පිළිබඳ පනත් කෙටුම්පත මෙරට සමස්ත ආර්ථික දරාසිටින ක්ෂේත්‍රයන් සම්බන්ධයෙන් ඉදිරිගමන් මග තීරණය කරන පනත් දෙකක් බවත්, කඩිමුඩියේ ගෙන එන මෙම පනත් දෙක රටේ සමස්ත ආර්ථිකයට බලපාන තීරණාත්මක පනත් දෙකක් හෙයින් එවැනි පනත් දෙකක් ගෙන ඒමට තාවකාලිකව ටෙම්පරියක් අදින ජනාධිපතිවරයාට ඇති අයිතිවාසිකම කුමක් දැයි සත්‍ය සහ යුක්තිය උදෙසා නීතිඥයෝ සංවිධානය ප්‍රශ්න කරයි.

ආණ්ඩුක්‍රම ව්‍යවස්ථාවට අනුව ව්‍යවස්ථානුකූලව ජනාධිපතිවරණය පැවැත්විය යුතුව තිබෙන නමුත් එම අවස්ථාව මගහැර ජනමත විචාරණයක් මගින් ජනාධිපති රනිල් වික්‍රමසිංහගේ ධූර කාලය තවත් වසර පහකින් දීර්ඝ කර ගැනීමට එක්සත් ජාතික පක්ෂ කෘත්‍යාධිකාරී මණ්ඩලය තුළ සාකච්ඡා වී ඇතැයි විශ්වසනීය දේශපාලන ආරංචි මාර්ග සඳහන් කර ඇති බව ඉරිදා මව්බිම වාර්තා කර තිබේ.

මැයි මස 27 වනදා සවස 03:00ට, කොළඹ 7, පුස්තකාල සහ ප්‍රලේඛන සේවා මණ්ඩල ශ්‍රවනාගාරයේදි "ජාතික න්‍යාය පත්‍රයක මූලාරම්භය (ජාතියට එක් න්‍යාය පත්‍රයක්)" සම්මුතියට අත්සන් තැබීම ජාතික සංවිධාන නියෝජිතයන් විසින් සිදුකරනු ලබයි.

ජනාධිපති මැතිවරණය මේ වසරේ ඔක්තොබර් 17 වන දින පවත්වන බවත්, එම මැතිවරණය කිසිවකුටත් වළක්වාලිය නොහැකි බවත් අධිකරණ අමාත්‍ය විජයදාස රාජපක්ෂ මහතා පැවසිය.

චමුදිත සමරවික්‍රම මහතා, නිශ්ශංක සේනාධිපති මහතා සමග පවත්වන සාකච්ජාවක දී නිශ්ශංක සේනාධිපති මහතා පවසා ඇත්තේ කොවිඩ් වසංගත සමයේ ඇස්ට්‍රාසෙනිකා එන්නත එක් මාත්‍රාවක් ලබා දී ඉතිරි මාත්‍රාව ලබා ගැනීමට නොහැකිව තිබු බවත්, නොමිලේ එම එන්නත ලබා දීමට ඔහු ඉදිරිපත් වූවත් එවකට රජය ඒවා ලබා නොගත් බවත් ය.

ඉන්දියාවේදී අත්අඩංගුවට පත් ශ්‍රී ලාංකික අයි.එස් සාමාජිකයන්ගේ දැඩි අන්තවාදී ආගමික මතවාදය සහ ඔවුන් ඇසුරු කළ පුද්ගලයන් හේතුවෙන් මෙරට තුළ ආරක්ෂාව තර කිරීමට ආරක්ෂක අංශ පියවර ගෙන ඇති බව වාර්තා වේ.

මේ වනවිට පාර්ලිමේන්තුවට ඉදිරිපත් කර ඇති ස්ත්‍රී පුරුෂ සමාජභාවය පිළිබඳ පනත් කෙටුම්පතට එරෙහිව සමස්ත ලංකා බෞද්ධ මහා සම්මේලනය ශ්‍රේෂ්ඨාධිකරණය හමුවේ නඩු පවරා ඇතැයි වාර්තා වෙයි.

ජනාධිපතිවරණයට පෙර පාර්ලිමේන්තු මැතිවරණය පවත්වන ලෙස ජනාධිපති රනිල් වික්‍රමසිංහ මහතා වෙත එල්ල වන බලපෑම් මේ වනවිට එන්න එන්නම වැඩි වී ඇති බව වාර්තා වේ.

දෙමළ ඊළමක් උදෙසා ස්වාධීන ජනමත විචාරණයක් පැවැත්වීමට පියවර ගන්නා ලෙසත්, ශ්‍රී ලංකා රජය විසින් දෙමළ ජනයාට එරෙහිව සිදු කරන ලද ජන සංහාරය පිළිගන්නා ලෙසත් ඉල්ලා සිටින සුවිශේෂී යෝජනාවක් කොංග්‍රස් නියෝජිත විලි නිකල් විසින් එක්සත් ජනපද කොංග්‍රසයට ඉදිරිපත් කර ඇතැයි ටැමිල් ගාඩියන් වෙබ් අඩවිය සඳහන් කරයි.