ඉන්ධන මිල ගණන් සංශෝධනයට සමගාමීව බස් ගාස්තු සංශෝධනය කිරීම පිළිබඳව දින දෙකක් ඇතුළත තීරණයක් ගන්නා බව ජාතික ගමනාගමන කොමිෂන් සභාව (NTC) නිවේදනය කර තිබේ.

සීහලේ ලෝක උරුම පදනම විසින් සංවිධානය කළ ජාතිමාමක – දේශමාමක ජාතික සමුළුව ජුනි මස 28 වන දින අති සාර්ථක අයුරින් කොළඹ බන්ඩාරනායක අනුස්මරණ සම්මන්ත්‍රණ ශාලාවේදී පැවැත්විය.

රණවිරු සැමරීම තෙවන ඇසින් පසුවිපරම, උතුරුකරයේ පදිංචි සිංහල ජනයාගේ හිමිකම් සහ අයිතිවාසිකම් සුරක්‍ෂිත කිරීම පිළිබඳ විද්වත් කථිකාව,2025 ජූලි මස 01 වැනිදා අඟහරුවාදා ප.ව. 02 ට කොළඹ 7, නිදහස් චතුරශ්‍ර මාවතේ, ජාතික පුස්තකාල හා ප්‍රලේඛන සේවා මණ්ඩල ශ්‍රවණාගාරයේ දී පැවැත් වේ.

බැංකුවලට ඇප ලෙස පවරා තිබෙන දේපළ පවරා ගැනීමේ බලය හිමිවන අත්හිටුවා තිබූ ' පරාටේ' නීතිය ඊයේ (30) මධ්‍යම රාත්‍රීයේ සිට නැවත බලාත්මක විය.

කොළඹ ඩොක්යාර්ඩ් සමාගමේ කොටස්වලින් සියයට පනස් එකක් (51%) ඉන්දියාවේ ආරක්ෂක අමාත්‍යාංශය (MOD) මගින් කළමනාකරණය කරනු ලබන මැසගන් ඩොක් (MDL) සමාගමට ලබා දී ඇත්තේ පර්චසයක් රුපියල් 62,250 බැගින් යයි පෙරටුගාමී සමාජවාදී පක්ෂයේ අධ්‍යාපන ලේකම් පුබුදු ජයගොඩ මහතා පවසයි.

අද (30) දින මධ්‍යම රාත්‍රියේ සිට බලපැවැත්වෙන පරිදි ඉන්ධන මිල සංශෝධනය කිරීමට ලංකා ඛනිජ තෙල් නීතිගත සංස්ථාව පියවර ගෙන ඇත.

හිටපු අමාත්‍ය ගාමිණී ලොකුගේ මහතා අභාවප්‍රාප්ත වී තිබේ.

විදුලිබල සංශෝධන පනත් කෙටුම්පත පිළිබඳ ශ්‍රේෂ්ඨාධිකරණයේ තීරණය නියෝජ්‍ය කථානායක වෛද්‍ය රිස්වි සාලි මහතා විසින් අද (30) පාර්ලිමේන්තුවට දැනුම් දෙන ලද අතර, ඒ අනුව අදාළ පනත් කෙටුම්පතේ වගන්ති කිහිපයක් ආණ්ඩුක්‍රම ව්‍යවස්ථාව උල්ලංඝනය කර ඇති බවත් ඒ අනුව විශේෂ පාර්ලිමේන්තු බහුතරයකින් සහ මහජන ජනමත විචාරණයකින් අනුමැතිය ලබාගත යුතු බවට ශ්‍රේෂ්ඨාධිකරණය දැනුම් දී තිබේ.

වෙළෙඳ අමාත්‍ය වසන්ත සමරසිංහ මහතාට එරෙහිව අද (ජුනි 30) අල්ලස් හෝ දූෂණ චෝදනා විමර්ශන කොමිෂන් සභාවට පැමිණිල්ලක් ඉදිරිපත් කර තිබේ.