රණවිරු සැමරුම් ආරාධනා පත්‍රයට ජනපතිගේ නම ඇතුලත් නොවීම, සහ ජනාධිපතිවරයා වෙනුවට ආරක්ෂක නියෝජ්‍ය අමාත්‍යවරයා ප්‍රධානත්වයෙන් රණවිරු සැමරුම සිදුකරන්නේ යැයි එම ආරාධනා පත්‍රයේ සඳහන් වීම ගැන දෙරණ වාදපිටියේදී ප්‍රශ්න කිරීමකට ලක්වූ අතර එහිදී ජාතික ජනබලවේගයේ පාර්ලිමේන්තු මන්ත්‍රී ලක්ෂ්මන් නිපුන ආරච්චි මහතා පැවසුවේ රණවිරු සැමරුම සමරන්නේ තම පක්ෂයේ ක්‍රමයට අනුව මිස අනෙක් අයගේ ක්‍රමයට නොවන බවයි.

තමන්ගේ අකමැත්තෙන් රණවිරු සැමරුමට ආ පළමු විධායක ජනාධිපතිවරයා අනුර කුමාර දිසානායක ජනාධිපතිවරයා බවත්, එසේ පැමිණ කළ කතාව දෙස බැලූ විට පෙනී යන්නේ එම අවස්ථාවට ජනාධිපතිවරයා නොපැමිණියා නම් ඊට වඩා හොඳ බවත් ජාතික නිදහස් පෙරමුණේ නායක විමල් වීරවංශ මහතා පවසයි.

දෙමළ ඩයස්පෝරාවෙන් කෝටි ගණන් මුදල් තමන්ට ලබාදුන් බවත්, ඡන්ද ව්‍යාපාරය මෙහෙයවනු ලැබුවේ එම මුදල්වලින් බවත් පාර්ලිමේන්තු මන්ත්‍රී අර්ච්චුනා රාමනාදන් පවසයි.

එජාප, සජබ සහ පොහොට්ටු හිටපු ඇමතිවරු, නියෝජ්‍ය ඇමතිවරු, පාර්ලිමේන්තු මන්ත්‍රීවරු, ප්‍රාදේශීය හිටපු සහ දැනට සිටින දේශපාලන චරිත, ප්‍රබල සංවිධානාත්මක අපරාධ කණ්ඩායම් 10ක් සමග සෘජු සම්බන්ධතා පවත්වන බවට බුද්ධි තොරතුරු ලැබී ඇති බව මහජන ආරක්ෂක අමාත්‍ය ආනන්ද විජේපාල පවසයි.

ජනාධිපති අනුර කුමාර දිසානායක මහතා නිරත වූ චීන සංචාරයේදී වියදම් දරන ලද සමාගම් විසින් මෙරට ආයෝජනය කිරීම සඳහා බදු සහන ඉල්ලා ඇතැයි හිටපු පාර්ලිමේන්තු මන්ත්‍රී පාඨලී චම්පික රණවක මහතා සඳහන් කරයි.

ජනාධිපතිවරයා රණවිරු සමරුවට සහභාගී වීම පිළිබඳව ආණ්ඩුපාර්ශ්වයේ ඇතමුන් කළින් පැවසූ කතා සහ පසුව පැවසූ කතා අතර පරස්පර විරෝධීබවක් ඇති බැවින් ජනාධිපතිවරයාට එරෙහි කුමන්ත්‍රණයක් ආණ්ඩුව තුළින්ම ක්‍රියාත්මක වනවාදැයි ප්‍රශ්නයක් මතුවන බව සමගි ජන බලවේගය පාර්ලිමේන්තු මන්ත්‍රී කාවින්ද ජයවර්ධන මහතා පවසයි.

2017 අංක 24 දරන දේශීය ආදායම් පනත සඳහා සංශෝධන කිරීම සඳහා අමාත්‍ය මණ්ඩල අනුමැතිය හිමිව තිබේ.

ඉන්දියා-පකිස්ථාන යුද ආතතිය හදිසියේ උත්සන්න වීමෙන් පසුව, මේ වන විට සටන් විරාමයක් සාක්ෂාත් කර ගෙන ඇත.

යුද්ධ කළේ සාමය වෙනුවෙන් බවත්, යුද්ධය කළේ රට බේරා ගැනීමට බවත් හිටපු ජනපති මහින්ද රාජපක්ෂ මහතා පවසයි.