අල්ලස් කොමිසමට පැමිණි හිටපු ජනාධිපති ගෝඨාභය රාජපක්ෂ පැය දෙක හමාරකට පසු ඉන් පිටව ගොස් තිබේ.

මෙතෙක් රට තුළ පවතින ඉන්ධන අර්බුදය හමුවේ විදුලි කප්පාදුවක් සිදුකර නොමැති වුවත් ඉදිරියේ දී කප්පාදුවක් සිදුකිරීමට ඉඩකඩක් පවතින බව බලශක්ති අමාත්‍ය කුමාර ජයකොඩි මහතා පවසයි.

පසුගිය රජයන් සමයේ විපක්ෂයේ සිටියදී ජනතා විමුක්ති පෙරමුණේ ලේකම්වරයා විසින් ඉදිරිපත් කළ “තෙල් මිල ඉහළ යන විට රජය සිය බදු මුදල් අඩු කරමින් ජනතාවට සහන සැලසිය යුතුය” යන යෝජනාව වර්තමානයේ ක්‍රියාත්මක නොකිරීම පිළිබඳව අද දෙරණ ‘360’ වැඩසටහනේදී මුදල් නියෝජ්‍ය අමාත්‍ය අනිල් ජයන්ත මහතාගෙන් ප්‍රශ්න කරනු ලැබීය.

බාල ගල් අඟුරු නිසා විදුලිය නිපදවීමේ දී දවසකට ඩීසල් කොපමණ ප්‍රමාණයක් වැය කිරීමට සිදුව ඇත්දැයි ආණ්ඩුව ගණන් හිලව් ඇතිවම ප්‍රකාශ කළ යුතු බවත්, ජනාධිපතිවරයා ජනාධිපති ධුරයට පත්වීමට පෙර තමන් ජනාධිපතිවූ පසු තෙල් පෝලිම්, ගෑස් පෝලිම් නොමැති බවත් සිනමා ශාලාවල පෝලිම් පමණක් තිබෙන බවත් පැවසූ බව ආචාර්ය චන්න ජයසුමන මහතා පවසයි.

නැව් ටික මුහුදේ නතර කර තෙල් බෑම සඳහා මේ ගාණ ගෙවිය යුතු බවත්, ඒ ගාණ නොදුන්නොත් තෙල් බාන්න බැරි බව පවසන බවත් වසන්ත සමරසිංහ ඇමතිවරයා පැවසූ කතාවට පිළිතුරු දෙමින් පිවිතුරු හෙළ උරුමයේ නායක උදය ගම්මන්පිල මහතා පවසන්නේ එය අමූලික බොරුවක් බවය.

ලංකා පොහොර සමාගමේ ප්‍රසම්පාදන කළමනාකරු ලෙස කටයුතු කළ සමයේ රජයට රුපියල් මිලියන 8.8කට අධික පාඩුවක් සිදුකළ බවට එල්ල වී ඇති දූෂණ චෝදනා සම්බන්ධයෙන් කරුණු විමසීම සඳහා ලබන මාර්තු 27 වනදා අධිකරණය හමුවේ පෙනී සිටින්නැයි දන්වා බලශක්ති අමාත්‍ය කුමාර ජයකොඩි මහතාට කොළඹ මහාධිකරණය සිතාසි නිකුත් කළේය.

1978 දී ජාතික සැලසුම් කමිටුව අහෝසි කිරීම රටට විශාල පාඩුවක් වූ බවත්, විද්වතුන් සහ උපායමාර්ගික චින්තකයින් සැලසුම් කිරීම සඳහා දායක වූ මෙම කමිටුව වටිනා සංවර්ධන මුලපිරීමක් වූ බවත් අසංග අබේගුණසේකර මහතා පවසයි.

බැග්ඩෑඩ්හි පිහිටි අමෙරිකානු තානාපති කාර්යාලය ඉලක්ක කර ගනිමින් ඩ්‍රෝන සහ රොකට් ප්‍රහාර මාලාවක් එල්ල වී තිබේ.

පවතින ඉන්ධන සපයා ගැනීමේ ගැටලුව සැලකිල්ලට ගෙන රජයේ සියලු පාසල් සෑම බදාදා දිනකම නිවාඩු ලබාදීමට තීරණය කළ බව අධ්‍යාපන අමාත්‍යාංශ ලේකම්, නාලක කලුවැව මහතා පවසයි.