පවතින තත්ත්වට හමුවේ බේකරි නිෂ්පාදනවල මිල ඉහළ දමනවාද නැද්ද යන්න සම්බන්ධයෙන් අද (23) තීරණයක් ගන්නා බව සමස්ත ලංකා බේකරි හිමියන්ගේ සංගමය පවසයි.

ජනතාව අසීරුතාවයට පත්ව සිටින මේ මොහොතේදී සෑම පවුලකටම කොව්ඩ් පැතිරුණු සමයේදී ගෝඨාභය රජය දුන්නාසේ රුපියල් දස දහසක සහනාධාර මුදලක් දෙන ලෙස හිටපු අමාත්‍ය වෛද්‍ය චන්න ජයසුමන මහතා රජයෙන් ඉල්ලීමක් කරයි.

කොළඹ මහා නගර සභා සීමාව තුළ ක්‍රියාත්මක වූ වාහන නැවැත්වීමේ ගාස්තු අය කිරීම අද (23) දින පෙරවරු 6.00 සිට නැවත ආරම්භ කරන බව කොළඹ මහ නගර සභාව නිවේදනය කරයි.

බස් ගාස්තු ඉහළ නැංවිමට අදාළ යෝජනාව අද (23) කැබිනට් මණ්ඩලයට ඉදිරිපත් කිරීමට නියමිතව තිබේ.

අමෙරිකාව විසින් ඉරානයේ බලශක්ති යටිතල පහසුකම් ඉලක්ක කර ප්‍රහාර එල්ල කළහොත්, ලෝක තෙල් ප්‍රවාහනයට අතිශය වැදගත් වන හෝමුස් සමුද්‍ර සන්ධිය සම්පූර්ණයෙන්ම වසා දමන බව ඉරානය ප්‍රකාශ කර ඇත.

ලංකා සුදු ඩීසල් මිල ගණන්වල වැඩිවීම, බස් ගාස්තු ඉහළ නැංවීමේ සූත්‍රයට ගැලපූ විට මේ වනවිට පවතින බස් ගාස්තුවට සියයට 10කට වඩා වැඩි අගයකින් බලපා ඇතැයි ජාතික ගමනා ගමන කොමිෂන් සභාව පවසයි.

ලංකා IOC සමාගම විසින් සිය ‌බෙදුම්හල්වල බෙදා හරින ඔක්ටේන් 95 පෙට්‍රල් සහ සුපර් ඩීසල් මිල ගණන් ද ඉහළ නංවා ඇත.

වර්තමාන රජය විසින් සිදුකරන ලද අසාමාන්‍ය ඉන්ධන මිල ඉහළ දැමීම හුදෙක් ලෝක වෙළඳපොළේ මිල ඉහළ යාමක් නොව, මේ වැඩබැරි කයිවාරුකාර පුනරුද ආණ්ඩුව ජනතාව පීඩාවට පත් කරමින් සිදුකරන “කළුකඩ සූදුවක්” බව ජාතික නිදහස් පෙරමුණේ නායක විමල් වීරවංශ මහතා පවසයි. අද (22) පෙරවරුවේ බත්තරමුල්ල, රොබට් ගුණවර්ධන මාවතේ පිහිටි පක්ෂ මූලස්ථානයේ පැවති විශේෂ මාධ්‍ය හමුවකට එක්වෙමින් ඒ මහතා මේ බව සඳහන් කළේය.

ඉරානය එක්සත් ජනපදයට සහ ඊශ්‍රායල් සියොන්වාදී පාලන තන්ත්‍රයට එරෙහි යුද මෙහෙයුම් නැවැත්වීම සඳහා උපායමාර්ගික කොන්දේසි හයක් ඉදිරිපත් කර ඇති බව ඉරාන ආරක්ෂක හමුදාවේ ඉහළ ආරක්ෂක නිලධාරියෙක් අල් මයාඩීන් පුවත් සේවය වෙත පැවසීය.