මන්නාරමේ සමූහ මිනීවළවල් දෙකකින් හමු වූ මිනිස් අස්ථි කොටස්වල සාම්පල් ඇමරිකාවේ ෆ්ලෝරීඩා විශ්වවිද්‍යාල රසායනාගාරය වෙත යවා කාබන් පරීක්ෂණයක් සිදුකිරීමට මන්නාරම අධිකරණය පසුගිය 16 දා අවසර ලබා දී තිබේ.

බිත්තරයක මිල තීරණය කිරීම සඳහා මිල සූත්‍රයක් ඉදිරිපත් කරන ලෙස බිත්තර වෙළෙඳ සංගම් රජයෙන් ඉල්ලා තිබේ.

අන්තර්ජාලය ඔස්සේ සිදුකරන වංචාවලට සම්බන්ධ විදේශිකයින් කිහිපදෙනෙකු, වැඩි වශයෙන් චීන ජාතිකයන් පසුගියදා අත්අඩංගුවට ගැනීමෙන් පසුව, නීති සහ රෙගුලාසි යාවත්කාලීන කිරීම සඳහා නීතිපති දෙපාර්තමේන්තුව ඇතුළු අදාළ බලධාරීන්ගෙන් පොලිසිය දැන් මගපෙන්වීම අපේක්ෂා කරයි.

ගාසා තීරයේ හමාස් සංවිධානයේ නායක යාහ්යා සින්වාර් ඝාතනය කර ඇති බව ඊශ්‍රායලය නිල වශයෙන් ප්‍රකාශ කර තිබේ.

ඔක්තෝබර් 01 වැනිදා සිදුවිය යුතු විදුලි ගාස්තු සංශෝධනය ලංකා විදුලිබල මණ්ඩලයේ වගකීම් විරහිත ක්‍රියාකලාපය හේතුවෙන් මෙතෙක් ක්‍රියාත්මක වී නොමැති බව සමගි ඛනිජ තෙල් වෘත්තීය සමිති ඒකාබද්ධ බලවේගය පවසයි.

අග්‍රාමත්‍ය හරිනි අමරසූරිය හා ශිෂ්‍ය සංගම් අතර ඊයේ විශේෂ සාකච්ඡාවක් පැවති අතර රාජ්‍ය විශ්වවිද්‍යාලවල පවතින ගැටලු සම්බන්ධයෙන් යෝජනාවක් ශිෂ්‍ය සංගම් විසින් අගමැතිවරියට ලබා දී තිබේ.

ජනාධිපති අනුර කුමාර දිසානායක මහතා රුසියාවේ පැවැත්වෙන BRICS සමුළුවට සහභාගී නොවන්නේ කිසියම් විදේශීය බලවේගයක බලපෑම් හේතුවෙන්දැයි සමගි ජන බලවේගය පක්ෂයේ හිටපු පාර්ලිමේන්තු මන්ත්‍රී ඉරාන් වික්‍රමරත්න මහතා විමසා සිටියි.

මහ මැතිවරණය සඳහා එක් ඡන්ද දායකයකු වෙනුවෙන් අපේක්ෂකයකුට වියදම් කළ හැකි මුදල මැතිවරණ කොමිසම විසින් ඊයේ (17දා) ගැසට් මගින් ප්‍රකාශයට පත්කිරීමට කටයුතු කර ඇත.

‘සහජීවනය සඳහා අත්වැල් බැඳගනිමු’ තේමාව යටතේ හයවන ලෝක බෞද්ධ සමුළුව දින තුනක් පුරා චීනයේදී පවත්වා තිබේ.