පවතින අයහපත් කාලගුණික තත්ත්වය හේතුවෙන් දිස්ත්‍රික්ක 11ක ප්‍රාදේශීය ලේකම් කොට්ටාස 93කට නිකුත් කර ඇති නායයෑම් අනතුරු ඇඟවීමේ නිවේදන තවදුරටත් දීර්ඝ කර ඇති බව ජාතික ගොඩනැගිලි පර්යේෂණ සංවිධානය පවසයි.

දිවයිනට බලපෑ අධික වර්ෂාව සහිත කාලගුණය හේතුවෙන් ලංකා ලීඩර් නිවුස් වෙබ් අඩවිය තුළ පසුගිය දින දෙකේදී ප්‍රවෘත්ති යාවත්කාලිීන නොවූ අතර ඒ පිළිබඳව ලංකා ලීඩර් පාඨකයන්ට අපගේ කණගාටුව මෙසේ පළකරමු.

දිවයිනට බලපෑ අධික වර්ෂාව සහිත කාලගුණය මේ වනවිට ක්‍රමානුකූලව අඩුවෙමින් පැවතියත්, නායයෑමේ තර්ජනය ක්‍රමානුකූලව වැඩිවන ස්වභාවයක් පෙන්නුම් කරන බව ජාතික ගොඩනැගිලි පර්යේෂණ සංවිධානය පවසයි.

අධික වර්ෂාව නිසා පළාත් රැසක භෝග වගාවන් විශාල වශයෙන් ජලයට යටවී තිබීම නිසා වෙළෙඳපොළට එළවළු, අල, ලූනු වර්ග සැපැයීම අඩුවී ඉදිරියේදී එම භාණ්ඩවල මිල වැඩිවෙනු ඇතැයි පාරිභෝගික අධිකාරියේ සභාපති හේමන්ත සමරකෝන් මහතා පැවැසීය.

අයහපත් කාලගුණික තත්ත්වය හේතුවෙන් මේ දක්වා සිදු වූ මරණ ගණන 159ක් දක්වා ඉහළ ගොස් තිබේ.

ජනාධිපති අනුර කුමාර දිසානායක මහතා විසින් ජනතාවට සංවේදී සේවාවන් කිහිපයක් අත්‍යවශ්‍ය සේවා ලෙස ප්‍රකාශයට පත් කරමින් අතිවිශේෂ ගැසට් නිවේදනයක් නිකුත් කර ඇත.

දිට්වා සුළි කුණාටුවෙන් ඇති වූ ව්‍යසනය මධ්‍යයේ වෛද්‍ය සේවා අඛණ්ඩව සැපයීම සහතික කිරීම සඳහා සෞඛ්‍ය හා ජනමාධ්‍ය අමාත්‍යාංශය ඊයේ(28) සිට දෙසැම්බර් 4 දක්වා ක්‍රියාත්මක වන පරිදි සෞඛ්‍ය අංශයේ සතියක හදිසි අවස්ථාවක් ප්‍රකාශයට පත් කර ඇති බව පවසයි.

ඊයේ(27) පලවූ "The Island" පුවත් පතේ "Huge Question marks remain over Ukraine and Gaza (යුක්රේනය සහ ගාසා තීරය සම්බන්ධයෙන් දැවැන්ත ප්‍රශ්නාර්ථ ලකුණු ඉතිරිව පවතී) " යන මාතෘකාව යටතේ ලින් ඔකර්ස් විසින් රචිත ලිපියක් සම්බන්ධයෙන් රුසියානු තානාපති කාර්යාලය දැඩි විරෝධය පල කර තිබේ.

දිවයිනේ දිස්ත්‍රික්ක 7ක් සඳහා ජනතාවට වහාම ඉවත්වෙන ලෙස දැනුම් දෙමින් නායයෑම් රතු නිවේදනයක් ජාතික ගොඩනැගිලි පර්යේෂණ ආයතනය විසින් නිකුත් කර තිබේ.