අයහපත් කාලගුණය හේතුවෙන් දිවයිනේ දිස්ත්‍රික්ක 04ක් සඳහා තවදුරටත් නායයෑම් රතු නිවේදන නිකුත් කර ඇති බව ජාතික ගොඩනැගිලි පර්යේෂණ සංවිධානය පවසයි.

ශ්‍රී ලංකාවේ අවතැන් වූවන්ට සහන සැලීමට යැයි පවසා ඉතාලියේ සිටින සමාජ ක්‍රියාකරුවකු රුපියල් ලක්ෂ 25කට ආසන්න මුදලක් (යුරෝ 6500) වංචා කර ඇතැයි ඉතාලියේ එම පරිත්‍යාගශීලිහු චෝදනා කරති.

ආපදා තත්ත්වයෙන් මහ කන්නයේ එළවලු වගාවෙන් සියයට 40 කට පමණ හානි සිදුව ඇතැයි කෘෂිකර්ම දෙපාර්තමේන්තුව පවසයි.

ශ්‍රී පාදස්ථානයට පසුගිය දිනවල ඇහැලුණු අධික වර්ෂාවත් සමග ශ්‍රි පාද හැටන් මාර්ගයේ මහගිදඹ ප්‍රදේශයේ පස් කන්දක් කඩා වැටීමෙන් පසු එම කන්දේ තිබු ඉපැරණි වන්දනාකරුවන් ශ්‍රී පාදස්ථානය කරුණෘ කිරිමට උපයෝගි කර ගත් බවට සැකකරෙන යකඩ පඩිපෙළක් සහ ආරක්ෂිත දම්වැලක් හමු වූ බව ශ්‍රි පාදස්ථානාධිපති ඌව වෙල්ලස්ස විශ්ව විද්‍යාලයේ කුලපති, සබරගමු රත්නපුර මහ දිසාවේ ප්‍රධාන සංඝ නායක , පැල්මඩුලු දාගැබ් රජමහා විහාරාධිශ්වර , ධර්ම කිර්ති ශ්‍රි ත්‍රිපිටකාචාර්ය, ශ්‍රි සුමංගල රතනපාල ධම්මරක්ඛිතාභිධාන , බෙන්ගමුවේ ශ්‍රි ධම්මදින්න නාහිමියන් පැවසූහ.

කවුරුන් හෝ අන්ධකාරයේ යනවිට දුන්නු හුළු අත්තට පයින් ගසනවා නම් කරන්න දෙයක් නැති බවත්, යම් යම් ඉඟි සහ තොරතුරු කළින්ම කවුරුන් විසින් හෝ ලබාදෙනවා නම් ඒ ගැන සොයා බැලීමකින් තොරව තොරතුරු ලබාදුන් අයට දෝශාරෝපනය කරනවා නම් කරන්න දෙයක් නැති බව මහාචාර්ය පූජ්‍ය ඉඳුරාගාරේ ධම්මරතන හිමියෝ පවසති.

දෙරණ නාළිකාවෙන් පසුගිය 12 වෙනිදා කාලගුණ අධ්‍යක්ෂ ජනරාල්වරයා ඉදිරි කාලගුණය පිළිබඳ බරපතළ අනතුරු ඇඟවීමක් සිදුකළේ නම් දෙරණ ආයතනය සහ එහි අයිතිකරු දිලිත් ජයවීර එය බරපතළ ප්‍රවෘත්තියක් ලෙස සලකා කටයුතු කළ යුතුව තිබුණු බව මහාචාර්ය නිර්මාල් රංජිත් දේවසිරි මහතා පවසයි.

“දිට්වා” සුළිකුණාටු තත්ත්වයෙන් දිවයිනේ පාසල් 500කට අධික සංඛ්‍යාවකට බලපෑම් ඇති වී පාසල් දරුවන් ලක්ෂයකට අධික පිරිසක් ද පීඩාවට පත් වී ඇතැයි අධ්‍යාපන අමාත්‍යාංශයේ ලේකම් නාලක කළුවැව මහතා පවසයි.

ආණ්ඩුවට එරෙහිව පසුගියදා නුගේගොඩදී පැවැත්වූ විරෝධතා රැලියට සහභාගි වූ විපක්ෂයේ පක්‍ෂ ඉදිරියේදී පැවැත්වීමට නියමිත මැතිවරණවලට මෙන්ම ඕනෑම අභියෝගයකට මුහුණදීමට පොදු සන්ධානයක් ගොඩනැඟීමට සාකච්ඡා ආරම්භ කර ඇතැයි ශ්‍රී ලංකා නිදහස් පක්‍ෂයේ ජ්‍යෙෂ්ඨ උපසභාපතිවරයෙක් පවසයි.

ආර්ථික තීන්දු තීරණ ගැනීමේදී සහ සැලසුම් සකස් කිරීමේදී නිවැරදි දත්ත ඉතා වැදගත් බවත්, එබැවින් සෑම විටම නිවැරදි දත්ත ඉදිරිපත් කිරීම නිලධාරීන්ගේ වගකීම බවත් ජනාධිපති අනුර කුමාර දිසානායක මහතා පෙන්වා දුන්නේය.