‘දේශ හිතෛෂි ජාතික ව්‍යාපාරයේ’ කැඳවුම්කරු ආචාර්ය ගුණදාස අමරසේකර, එහි මහලේකම් වෛද්‍ය වසන්ත බණ්ඩාර ඇතුළු කණ්ඩායමක් විසින් ශ්‍රී ලංකා සංචාරක සංවර්ධන අධිකාරියේ සභාපතිවරයා විසින් රාජ්‍ය නොවන සංවිධානයකට මීට පෙර නිකුත් කරන ලද ලිපියක් අවලංගු කරන ලෙස නියෝගයක් ඉල්ලා ගොනු කරන ලද පෙත්සමක් විභාගයට ගනු ලැබූ අවස්ථාවේදී ශ්‍රී ලංකාවේ LGBTQ ප්‍රජාව විශේෂයෙන් ඉලක්ක කර ගනිමින් සංචාරක ප්‍රවර්ධන වැඩසටහන් පැවැත්වීමෙන් වැළකී සිටීමට ශ්‍රී ලංකා සංචාරක සංවර්ධන අධිකාරිය ප්‍රතිපත්තිමය තීරණයක් ගෙන ඇති බව නීතිපතිවරයා අද (04) අභියාචනාධිකරණයට දැනුම් දුන්නේය.

ශ්‍රී ලංකාවට නාවික සැතපුම් 40ක් පමණ දුරින් අනතුරට ලක්වූ ඉරාන යුද නෞකාවට ප්‍රහාරයක් එල්ලවීමෙන් මුහුදුබත්වී ඇති බවට විදෙස් මාධ්‍ය සිදුකෙරෙන ප්‍රකාශ සම්පූර්ණයෙන්ම ප්‍රතික්ෂේප කරන බව නාවික හමුදා මාධ්‍ය ප්‍රකාශක කමාන්ඩර් බුද්ධික සම්පත් මහතා පවසයි.

ලංකාවට ආසන්න මුහුදු සීමාවේදී ඉරාන නෞකාවකට ප්‍රහාරයක් එල්ලවී ඇති බවත්, එම නෞකාවේ සිටි සියයකට වැඩි ප්‍රමාණයක් අතුරුදන් වී ඇති බවත් අද පාර්ලිමේන්තුවේදී පාර්ලිමේන්තු මන්ත්‍රී නාමල් රාජපක්ෂ මහතා පවසයි.

ශ්‍රී ලංකාවට ඔබ්බෙන් වු මුහුදු ප්‍රදේශයේදී ඉරාන නෞකාවට සබ්මැරීන ප්‍රහාරයක් එල්ල වී ඇති බව ශ්‍රී ලංකා නාවික හමුදාව සහ ආරක්ෂක අමාත්‍යාංශය උපුටා දක්වමින් රොයිටර්ස් පුවත් සේවය වාර්තා කර තිබේ.

අපරාධ පරීක්ෂණ දෙපාර්තමේන්තුව විසින් ත්‍රස්තවාදය වැළැක්වීමේ පනත යටතේ රඳවා ප්‍රශ්න කරන හිටපු බුද්ධි ප්‍රධානී සුරේෂ් සලේ සම්බන්ධයෙන් මෙතෙක් අධිකරණයට කරුණු වාර්තා කර නොමැති බව කොටුව මහේස්ත්‍රාත් ඉසුරු නෙත්තිකුමා අද ප්‍රකාශ කර තිබේ.

අද දින අභියාචනාධිකරණය හමුවේ CA/Writ/1044/2025 නඩුව විභාගයට ගත් අවස්ථාවේ දී සංචාරක සංවර්ධන අධිකාරියේ සභාපති වෙනුවෙන් පෙනීසිටි නීතිපති දෙපාර්තමේන්තුව අධිකාරියේ අධ්‍යක්ෂක මණ්ඩල තීන්දුවක පිටපතක් ඉදිරිපත් කරමින් සඳහන් කළේ සමලිංගික සංචාරක කර්මාන්තය ප්‍රචලිත කිරීම සඳහා කිසිඳු ආකාරයකින් ක්‍රියා නොකරන බවය.

ගාල්ල වරායට නාවික සැතපුම් 40ක පමණ දුරින් අනතුරකට ලක්ව ඇති ඉරාන නාවික හමුදාවට අයත් නෞකාවේ සිටි 35 දෙනෙකු පමණ මේ වනවිට ශ්‍රී ලංකා නාවික හමුදාවේ මුදාගැනීමේ කණ්ඩායම් විසින් ගොඩබිමට රැගෙන එමින් පවතී.

ශ්‍රී ලංකාව තුළ සමරිසි ප්‍රජාව ඉලක්ක කරගත් සංචාරක ප්‍රවර්ධන ව්‍යාපෘතියක් ක්‍රියාත්මක කිරීමට අනුමැතිය දෙමින් ශ්‍රී ලංකා සංචාරක සංවර්ධන මණ්ඩල සභාපතිවරයා නිකුත් කළ ලිපිය බලරහිත කරන්නැයි ඉල්ලා දේශ හිතෛෂී ජාතික ව්‍යාපාරයේ කැඳවුම්කරු වෛද්‍ය ගුණදාස අමරසේකර, එහි මහ ලේකම් වෛද්‍ය වසන්ත බණ්ඩාර, නීතිඥ නුවන් බැල්ලන්තුඩාව ඇතුළු පිරිසක් විසින් අධිකරණයට පෙත්සමක් ගොනු කර තිබුණි.

ඉරානයට පහර දීම සඳහා එක්සත් ජනපදයට තම ඒකාබද්ධ හමුදා කඳවුරු භාවිතා කිරීමට අවසර දීම ප්‍රතික්ෂේප කිරීමට මැඩ්රිඩ් ගත් තීරණය සම්බන්ධයෙන් එක්සත් ජනපදය ස්පාඤ්ඤය සමඟ ඇති සියලුම වෙළඳ සබඳතා අත්හිටුවන බව ජනාධිපති ඩොනල්ඩ් ට්‍රම්ප් නිවේදනය කර තිබේ. කෙසේ වුවද ඉරානයට එරෙහිව ට්‍රම්ප්ගේ "අසාධාරණ සහ භයානක" මැදිහත්වීම ස්පාඤ්ඤ අගමැති පේද්‍රෝ සැන්චෙස් හෙළා දැක තිබේ.