රාජ්‍ය කොමිෂන් සභාව සහ උතුරු පළාත් සභාව ඒකපාර්ශවීය වෙමින් සිංහල ජනතාවගේ අයිතිවාසිකම් වලට පයින් ගැසීමට එරෙහිව විරෝධය පළ කිරීමේ පළමු පියවර වශයෙන් විරෝධතා විදුලි පණිවුඩ (ටෙලිග්‍රෑම්) යැවීම, අප්‍රේල් මස 23 උදේ 10.00ට නුගේගොඩ තැපැල් කාර්යාලයේදී ආරම්භ කිරීමට සසුන රැකුමට ගෝලීය සිංහල එකමුතුව විසින් කටයුතු සූදානම් කර තිබේ.

සියලුම වාණිජ නෞකාවන්ට ගමන්කිරීම සඳහා ඉරානය විසින් හෝමුස් සමුද්‍ර සන්ධිය සම්පූර්ණයෙන්ම විවෘත කර තිබේ.

හිටපු බලශක්ති අමාත්‍ය කුමාර ජයකොඩිගේ ඉල්ලා අස්වීම පිළිගත්තද, එය ඉතා ප්‍රමාද වී ගත් තීරණයක් බව ශ්‍රී ලංකා පොදුජන පෙරමුණේ ජාතික සංවිධායක, පාර්ලිමේන්තු මන්ත්‍රී නාමල් රාජපක්ෂ පවසයි.

පසුගිය කාලසීමාව තුළ මෙරටට ඉන්ධන ආනයනය කිරීමේදී රුපියල් බිලියන 17.715 ක් හෙවත් ඇමෙරිකානු ඩොලර් මිලියන 56.27 ක දැවැන්ත මූල්‍ය අක්‍රමිකතාවක් සිදුව ඇති බවට චෝදනා කරමින් අල්ලස් හෝ දූෂණ චෝදනා විමර්ශන කොමිසම වෙත විශේෂ පැමිණිල්ලක් ඉදිරිපත් වී තිබේ.

මැදපෙරදිග කලාපය තුළ පවතින ගැටුම් සඳහා කිසිදු තාවකාලික සටන් විරාමයක් පිළිගැනීමට ඉරානය සූදානම් නැති බවත්, කලාපය පුරා පවතින යුද්ධය සම්පූර්ණයෙන්ම අවසන් විය යුතු බවත් ඉරාන නියෝජ්‍ය විදේශ අමාත්‍ය සයීඩ් ඛාතිබ්සාදේ (Saeed Khatibzadeh) පවසයි.

මෙරටට ඉන්ධන ආනයනයේදී බොරතෙල් බැරලක් ඩොලර් 286ක මුදලකට මිලදී නොගත් බව ලංකා ඛනිජ තෙල් නීතිගත සංස්ථාවේ සභාපති ඩී.ජේ රාජකරුණා මහතා පවසයි.

බලශක්ති අමාත්‍ය කුමාර ජයකොඩි සහ බලශක්ති අමාත්‍යංශ ලේකම් මහාචාර්ය උදයංග හේමපාල සිය ධුරවලින් ඉල්ලා අස්වී තිබේ.

ඊශ්‍රායලය විසින් ලෙබනනයේ සටන් විරාමයක් ප්‍රකාශයට පත් කිරීම ඉරානය සාදරයෙන් පිළිගත් අතර, දකුණු ලෙබනනයේ අල්ලා ගත් ප්‍රදේශවලින් ඊශ්‍රායල පාලනය සම්පූර්ණයෙන්ම ඉවත් කර ගැනීම, සියලුම සිරකරුවන් නිදහස් කිරීම සහ අවතැන් වූ පුද්ගලයින් ඔවුන්ගේ නිවෙස්වලට ආපසු යැවීමේ අවශ්‍යතාවය අවධාරණය කළේය.

යුද්ධය අවසන් කිරීම සඳහා පවතින සාකච්ඡාවල ප්‍රධාන බාධාවක්ව පැවති, ඉරානය සතු යුරේනියම් තොගය භාර දීමට ඔවුන් එකඟ වී ඇති බව ජනාධිපති ඩොනල්ඩ් ට්‍රම්ප් පවසයි.