පාස්කු ඉරු දින ත්‍රස්ත ප්‍රහාර සිද්ධිය සම්බන්ධයෙන් සිදු කරන විමර්ශනවලට අදාළව අපරාධ පරීක්‍ෂණ දෙපාර්තමේන්තුව විසින් තමන්ව ත්‍රස්තවාදය වැළැක්වීමේ පනත යටතේ අත්අඩංගුවට ගෙන රඳවා ගැනීම අභියෝගයට ලක් කරමින් රාජ්‍ය බුද්ධි සේවයේ හිටපු අධ්‍යක්ෂ සුරේෂ් සලේ මහතා විසින් ඉදිරිපත් කළ රිට් පෙත්සම අද (14) අභියාචනාධිකරණය හමුවේ යලි සලකා බැලුණි.

සහල් වර්ග සියල්ල එකවර හිඟ නොවන බවත් එකක් හිඟ වන විට තවත් එකක අතිරික්තයක් පවතින බවත් කැබිනට් ප්‍රකාශක අමාත්‍ය නලින්ද ජයතිස්ස මහතා පවසයි.

වී මිලදී ගැනීමේ කටයුතු සඳහා රජය රුපියල් මිලියන 26,000ක ප්‍රතිපාදන වෙන් කර ඇති බව වෙළඳ, වාණිජ, ආහාර සුරක්ෂිතතා සහ සමුපකාර සංවර්ධන අමාත්‍ය වසන්ත සමරසිංහ මහතා පවසයි.

මෙරට පවතින උග්‍ර හෙද හිඟයට කඩිනම් පිළියමක් වශයෙන් දැනට විශ්‍රාම ගැන්වීමට ආසන්න වයසේ පසුවන සියලුම හෙද හෙදියන්ගේ විශ්‍රාම ගැන්වීමේ අවසාන දිනය වසර දෙකකින් කල් තැබීමට පියවර ගන්නා ලෙස රාජ්‍ය සේවා එක්සත් හෙද සංගමය ජනාධිපති අනුර කුමාර දිසානායකගෙන් ලිඛිත ඉල්ලීමක් කර තිබේ.

නිට්ටඹුව වතුපිටිවල ගෘහස්ථ ක්‍රීඩාංගණයේදී පසුගිය ජූලි 9 වනදා සිට 12 වනදා දක්වා අති උත්කර්ෂවත් අන්දමින් පැවැත්වුණු ජාතික පෝතක සහ කණිෂ්ඨ ටයිකොන්ඩෝ ශූරතාවලියේදී අතිවිශිෂ්ඨ දක්ෂතා දක්වන්නට පුත්තලම දිස්ත්‍රික්කය නියෝජනය කළ කටුනේරිය ටයිකොන්ඩෝ ක්‍රීඩා සමාජයේ ක්‍රීඩකයින් සමත් විය.

උතුරු පළාතේ ස්ථාපිත කර ඇති යුද හමුදා කඳවුරු ඉවත් කිරීමට රජය ගෙන ඇති තීරණයට විරෝධය පළ කරමින් ආරක්ෂක ලේකම්වරයා වෙත විශේෂ සන්දේශයක් භාර දීමට 'සසුන රැකුමට ගෝලීය සිංහල එකමුතුව' ඇතුළු සිවිල් සංවිධාන කිහිපයක් කටයුතු කර තිබේ.

පාස්කු ඉරුදින ත්‍රස්ත ප්‍රහාර සිද්ධිය සම්බන්ධයෙන් සිදුකරන විමර්ශනවලට අදාළව ත්‍රස්තවාදය වැළැක්වීමේ පනත යටතේ තමන්ව අත්අඩංගුවට ගෙන රඳවා ගැනීම අභියෝගයට ලක්කරමින් රාජ්‍ය බුද්ධි සේවයේ හිටපු අධ්‍යක්ෂ සුරේෂ් සලේ මහතා විසින් ඉදිරිපත් කළ පෙත්සම වැඩිදුර කරුණු සලකා බැලීම මේ මස 17 වනදා දක්වා කල්තැබීමට අභියාචනාධිකරණය නියම කළේය.

මෙරට දේශපාලන ගමන්මග වෙනස් කළ රෝහණ විජේවීර මහතාගේ ජන්ම දිනය අදට යෙදී තිබේ.

දත්ත ඒකාධිකාරයන් හරහා ඩිජිටල් ආර්ථිකය නව අධිරාජ්‍යවාදී බලවේගයක් බවට පත්වෙමින් ඇති පසුබිමක, ගෝලීය දකුණේ (Global South) රටවල් සඳහා ඊට විකල්ප ජනතා කේන්ද්‍රීය වැඩපිළිවෙළක් සකස් කරන්නේ කෙසේද යන්න පිළිබඳව කෙරෙන විශේෂ සංවාදයක් කොළඹදී පැවැත්වීමට කටයුතු සූදානම් කර තිබේ.