මධ්‍යම පළාත් ආණ්ඩුකාර මහාචාර්ය සරත් අබේකෝන් මහතා එම ධූරයෙන් ඉල්ලා අස්වීමේ ලිපිය ජනාධිපති අනුර කුමාර දිසානායක මහතා වෙත යොමු කර තිබේ.

ජනතා විමුක්ති පෙරමුණේ නිර්මාතෘ දිවංගත රෝහණ විජේවීර මහතාගේ 83 වන ජන්ම දිනය යෙදී තිබුණු ඊයේ (ජූලි 14) දින ඔහුගේ පුත් උවිඳු විජේවීර මහතා විසින් රූපවාහිනී නාලිකාවක සංවාදයකට එක්වෙමින් සඳහන් කර සිටියේ, තමාගේ පියා වන රෝහණ විජේවීරයන් අද වන විට ජීවතුන් අතර සිටියේ නම් ඔහුගේ වයස අවුරුදු 83ක් වන බවයි.

ශ්‍රී ලංකාවේ යුරෝපා සංගම් (EU) නියෝජිත පිරිස විසින් රුසියාවට එරෙහිව එල්ල කරන චෝදනා සාවද්‍ය සහ නොමඟ යවන සුළු ඒවා බව පවසමින් ශ්‍රී ලංකාවේ රුසියානු තානාපති කාර්යාලය දැඩි විරෝධය පළ කර තිබේ. රුසියාව ගෝලීය වශයෙන් විශ්වාසවන්ත සහකරුවෙකු නොවන බව පෙන්වීමට යුරෝපා සංගමය උත්සාහ කරමින් සිටින බවට රුසියානු තානාපති කාර්යාලය චෝදනා කරයි.

දැනට ක්‍රියාත්මකවන වේගවත් සංවර්ධන ව්‍යාපෘති හේතුවෙන් රට තුළ ඉදිකිරීම් ක්ෂේත්‍රයේ වෘත්තිකයින්ගේ දැඩි හිඟයක් මතුව ඇති බව නියෝජ්‍ය අමාත්‍ය ටී. බී. සරත් පවසයි.

විනිසුරුවන්ගේ විශ්‍රාම යන වයස දීර්ඝ කිරීම සම්බන්ධයෙන් අධිකරණ ක්ෂේත්‍රයෙන් හෝ විනිසුරුවන්ගෙන් මෙතෙක් කිසිදු නිල විරෝධයක් රජයට ලැබී නොමැති බව ජාතික ජන බලවේගයේ පාර්ලිමේන්තු මන්ත්‍රී රුවන් මාපලගම මහතා පවසයි.

තමන් ආණ්ඩුවක් පිහිටුවා තිබුණද, රාජ්‍ය බලය තවමත් සම්පූර්ණයෙන් තමන් සතු වී නොමැති බව නාගරික සංවර්ධන නියෝජ්‍ය අමාත්‍ය එරංග ගුණසේකර මහතා පවසයි.

ලෝක බලවතුන් අතර ඇති වී තිබෙන නව තරගකාරීත්වය හමුවේ අභ්‍යවකාශය බෙදාගැනීම සඳහා වන නවතම යුද්ධයක් ඉතා ආසන්නයේ පවතින බව 'දෙවන පරපුර' දේශපාලන පක්ෂයේ නායක උවිඳු විජේවීර මහතා පවසයි.

මීගමුව බන්ධනාගාරයේ ඇති වූ නොසන්සුන්තාව සම්බන්ධයෙන් අපරාධ පරීක්ෂණ දෙපාර්තමේන්තුව මගින් දැනට සිදු කර ඇති සියලු විමර්ශනවල ප්‍රගතිය දැක්වෙන වාර්තාවක් ජූලි 16 වන දා අධිකරණය හමුවට ඉදිරිපත් කරන ලෙස මීගමුව ප්‍රධාන මහේස්ත්‍රාත් ශිලනි පෙරේරා එම දෙපාර්තමේන්තුව භාර නියෝජ්‍ය පොලිස්පති ශානි අබේසේකරට නියෝග කළා ය.

පාස්කු ඉරු දින ත්‍රස්ත ප්‍රහාර සිද්ධිය සම්බන්ධයෙන් සිදු කරන විමර්ශනවලට අදාළව අපරාධ පරීක්‍ෂණ දෙපාර්තමේන්තුව විසින් තමන්ව ත්‍රස්තවාදය වැළැක්වීමේ පනත යටතේ අත්අඩංගුවට ගෙන රඳවා ගැනීම අභියෝගයට ලක් කරමින් රාජ්‍ය බුද්ධි සේවයේ හිටපු අධ්‍යක්ෂ සුරේෂ් සලේ මහතා විසින් ඉදිරිපත් කළ රිට් පෙත්සම අද (14) අභියාචනාධිකරණය හමුවේ යලි සලකා බැලුණි.