විනිසුරුවරුන්ගේ විශ්‍රාම වයස දීර්ඝ කිරීමට රජය ගෙන ඇති තීරණය සම්බන්ධයෙන් ජාතික ජන බලවේගය තුළ දැඩි මතභේදයක් හටගෙන ඇති බව ඊයේ (30) 'ලංකාදීප' පුවත්පත වාර්තා කර ඇත.

පාස්කු ඉරුදින ත්‍රස්ත ප්‍රහාරයකින් එල්ල වීමට නියමිත බවට බුද්ධි තොරතුරු ලැබී තිබියදීත් එය වළක්වා ගැනීමට කටයුතු නොකිරීම තුළින් සාපරාධි ලෙස රාජකාරිය පැහැර හැරීම ඇතුළු චෝදනා එල්ල වී සිටින හිටපු ආරක්ෂක ලේකම් හේමසිරි ප්‍රනාන්දුට සහ හිටපු පොලිස්පති පූජිත් ජයසුන්දරට එරෙහිව ගොනුකර තිබෙන නඩුවේ තීන්දුව අද (31) ප්‍රකාශයට පත් කිරීමට නියමිතය.

පසුගිය ජූලි 5 වනදා සහ 6 වනදා මීගමුව බන්ධනාගාරය තුළ ඇති වූ නොසන්සුන්කාරී සිදුවීමට අදාළව, එකල එහි රාජකාරි කළ ප්‍රධාන ජේලර්වරයා ලබා දුන් සාක්ෂිය කිසිදු මාධ්‍යයක පළ කිරීම වළක්වමින් මීගමුව මහෙස්ත්‍රාත් ශිලනි පෙරේරා මහත්මිය විසින් තහනම් නියෝගයක් නිකුත් කර තිබේ.

වසරේ මේ වන විට ජර්මනියේ අධික රස්නය හේතුවෙන් පුද්ගලයින් 9,800ක් පමණ මියගොස් ඇති බව එරට ජර්මනියේ RKI සෞඛ්‍ය ආයතනය පවසා තිබේ.

අධිකරණ පද්ධතිය තුළ යුක්තිය සහ සාධාරණත්වය ඉටු කිරීමේ ක්‍රියාවලිය වඩාත් වේගවත් කිරීමේ අරමුණින් විනිසුරුවරුන්ගේ විශ්‍රාම වයස දීර්ඝ කිරීමට රජය පියවර ගනිමින් ඇති බව අමාත්‍ය සමන්ත විද්‍යාරත්න මහතා පවසයි.

ටෙක්සාස් වැසියෙක් ඉන්දියාවට පරුෂ වචනයෙන් බැන වදිමින් ඉන්දීය ජාතික කොඩිය ඉරා දමන ආකාරය දැක්වෙන වීඩියෝවක් සමාජ මාධ්‍යයේ සංසරණය වේ.

පළාත් සභා සහ පළාත් පාලන ආයතන මහජන නියෝජිතයන්ගෙන් තොරව නිලධාරී පාලනය යටතේ පවත්වාගෙන යාම ජනතාවගේ මූලික අයිතිවාසිකම් උල්ලංඝනය කිරීමක් බව හිටපු මැතිවරණ කොමසාරිස් මහින්ද දේශප්‍රිය මහතා අවධාරණය කරයි.

රැඳවුම් නියෝග මත අපරාධ පරීක්ෂණ දෙපාර්තමේන්තුව භාරයේ රඳවා සිටියදී ඉන් පලායාමට කුමන්ත්‍රණය කළේ යැයි චෝදනා කරමින් නඳුන් චින්තක වික්‍රමරත්න හෙවත් හරක් කටා ඇතුළු විත්තිකරුවන්ට පස් දෙනෙකුට එරෙහිව ත්‍රස්තවාදය වැළැක්වීමේ පනත යටතේ ඉදිරිපත් කර තිබෙන චෝදනා පවත්වාගෙන යාමට හැකියාවක් නොමැති බවට කොළඹ මහාධිකරණය තීරණය කර තිබේ.

ඔස්ට්‍රේලියාවට අමෙරිකානු ඩොලර් මිලියන 2.5ක ණය ආපසු ගෙවීමට අදාළ සයිබර් අපරාධමය වංචාව සම්බන්ධයෙන් රජයේ මුදල් පිළිබඳ කාරක සභාව ඉදිරිපත් කළ වාර්තාව පිළිබඳ විපක්ෂය විසින් ගෙන එනු ලබන සභාව කල්තබන අවස්ථාවේ විවාදය අගෝස්තු 05 වැනිදා පාර්ලිමේන්තුවේදී පැවැත්වීමට නියමිතය.