තුන්වන ලෝක යුද්ධය දැනටමත් ආරම්භ වී ඇති බව රුසියාවේ ප්‍රමුඛ විදේශ ප්‍රතිපත්ති විශේෂඥ ෆෙඩෝර් ලුකියානොව් Komsomolskaya Pravda පුවත්පත සමඟ සම්මුඛ සාකච්ඡාවකට එක්වෙමින් පවසා තිබේ. “අප්‍රසන්න” නමුත් “කළමනාකරණය කළ හැකි” ලෝක පර්යාය බිඳ වැටෙමින් පවතින බව පවසන ඔහු දැනට ඊශ්‍රායලය සහ හමාස් අතර පවතින ගැටුම් උත්සන්න වීම ඇතුළු ගැටුම් නිරාකරණය කිරීම සඳහා යාන්ත්‍රණයක් නොමැති බවද ඔහුගේ විශ්වාසය බව අවධාරණය කළේය.

ගාසා තීරයට දිගින් දිගටම පහර දෙන්නේ හමාස් සටන්කාමීන් මුලිනුපුටා දැමීමට බවත්, එතෙක් ගාසා තීරයේ සටන් විරාමයක් ආරම්භ නොවනු ඇති බවත් ඊශ්‍රායල අග්‍රාමාත්‍ය බෙන්ජමින් නෙදන්යාහු මාධ්‍ය හමුවක් පවත්වමින් පවසා තිබේ.

ඊශ්‍රායලය සහ පලස්තීන සටන්කාමී කණ්ඩායමක් වන හමාස් අතර යුද්ධය මධ්‍යයේ රුසියානු රජය එහි මුස්ලිම් බහුතරයක් වෙසෙන ප්‍රදේශවල යුදෙව් විරෝධී විරෝධතා දාමයකට මුහුණ දී තිබේ.

හමාස් තුරන් කිරීම සඳහා ගාසා තීරයට පමණක් බෝම්බ හෙලන බවට ඊශ්‍රායලයේ ප්‍රකාශයන් "විකාර රූපී" ප්‍රකාශයන් බව දේශපාලන විශ්ලේෂක ජැක්සන් හින්කල් පසුගිය 26 වනදා සම්මුඛ සාකච්ඡාවකට එක්වෙමින් පැවසීය. ඊශ්‍රායල හමුදා ගාසා තීරයේ සිවිල් ජනතාව ඉලක්ක කර ගැනීම කෙරෙහි ඔවුන්ගේ අඛණ්ඩ යුද මෙහෙයුම් වල අවධානය යොමු කර ඇති බව ඔහු අවධාරණය කළේය.

එක්සත් ජාතීන්ගේ සංවිධානයේ මහා මණ්ඩලයේ විශේෂ සැසියක් අතරතුරදී මැදපෙරදිග කලාපයට ඉක්මන් සහ තිරසාර මානූෂීය සටන් විරාමයක් ඉල්ලා කළ යෝජනාව සම්මත වී තිබේ.

චීනයේ හිටපු අග්‍රාමාත්‍ය ලී කෙකියැං (Li Keqiang) හෘදයාබාධයක් හේතුවෙන් අභාවප්‍රාප්ත වූ බව එරට මාධ්‍ය වාර්තා කරයි.

ඊශ්‍රායල - හමාස් ගැටුමේ දී ඉන්දීය අග්‍රාමාත්‍ය නරේන්ද්‍ර මෝදි ප්‍රමුඛ හින්දු ජාතිකවාදී ඉන්දීය රජයේ සහාය හිමිවන්නේ ඊශ්‍රායල අග්‍රාමාත්‍ය බෙන්ජමින් නෙදන්යාහුගේ රජයට බව සඳහන්ය.

අමෙරිකාවේ ලුවිස්ටන්, මේන් ප්‍රදේශයේ සිදුකළ වෙඩිතැබීම් මාලාවෙන් මියගිය ගණන 22ක් දක්වා ඉහළ ගොස් ඇතැයි විදෙස් මාධ්‍ය වාර්තා පවසයි.

රුසියාව සිය උපායමාර්ගික න්‍යෂ්ටික බලවේග අත්හදා බැලීමේ අරමුණින් දැවැන්ත අභ්‍යාසයක් පවත්වා ඇති බව ක්‍රෙම්ලිනය ඊයේ(25) ප්‍රකාශ කළේය. මෙම අභ්‍යාසවලට රුසියානු හමුදාවේ න්‍යෂ්ටික බලකායේ කොටස් ත්‍රිත්වය වන අන්තර් මහද්වීපික බැලස්ටික් මිසයිල ඒකකය, න්‍යෂ්ටික සන්නද්ධ සබ්මැරීන ඒකකය සහ උපාය මාර්ගික බෝම්බ හෙලන යානා ඒකකය සම්බන්ධ වී ඇති බව රුසියානු පුවත් සේවා පවසයි.