කටඋත්තරය
(නිමිත්ත - සටනේදී වෙඩි වැදුණු මිතුරා බේරා ගැනීමට ජ්යෙෂ්ඨ අණ නොතකා ගිය ලුතිනන්වරයකු පසුව සිය අණදෙන නිලධාරියාට දුන් කටඋත්තරය)
එක ගමේ ඉස්කෝලෙ
එකට එක පන්තියේ
නොගියාට අපි හිටියෙ
එකට එක බැච් එකේ
තරුවකට හීන දුටු
විසි එකේ කල්ලියේ
ඇකඩමියෙ හිටියෙ අපි
ඉන්ටේක් තිස් දෙකේ...
පදවි මායිම යාය දහ අට
උගේ ගම බව කිව්වා
අක්කලා දෙන්නෙකුත් එක්කල
පවුලෙ බාලම කොල්ලා
මං වගේමයි ඌත් රට ගැන
ඌට වැඩියෙන් හිතුවා
තරුවකට අයිතිය කියන්නම
දුර ගෙවාගෙන ආවා...
ටී පනස් හයකට පැක් එකට උර දෙද්දි
දෙපා අපෙ වාරු නැති හුඟ දවස් ගෙව්වා
නරි කන්ද බහිනකල් අපේ බර බෙදාගෙන
සර් උගෙ එක කරක් මට වාරු දුන්නා...
බංකරේ යුද බිමේ වෙඩි නිවුණු දවස්ල
කියන්නට රස කතා ගොඩ ගහන් උන්නා...
මෝටාර් මල්ටි වෙඩි කලුවරේ පුපුරද්දි
අපේ අත් අත් නොහැරි පෙරමුණේ තිබ්බා...
සර් දන්නවද... ,
" ලෙෆ්ටිනන් සසංඛට වෙඩි වැදිලා කිව්වම
මෝටර් දුම මැදින් මම දුවන් ආවා
" උඹේ පන බේරගෙන නැවතිලා හිටපං "
සර් දුන් ඒ අණත් කඩාගෙන දිව්වා...
" කොහෙ ගියත් අපි එකට මරාගෙන මැරෙමු බං "
කතා වුණු ඌ මගේ ලගම උන් බැචියා
මම ගිහින් බලද්දිත් ලේ විලක් මැද වුණත්
සත්තමයි සර් ඌ පන පිටින් හිටියා...
" දැනන් හිටියා එන වගක් උඹ "
මගේ අත් දෙක අල්ල ගත්තා
කොයි මොහොතෙ හරි එනකල්ම මම
සර් ඌ මග බලල තිබුණා
"මේක අම්මට ගිහින් දීපං "
කරෙන් පංචායුධය ගලවා
මගේ අතමිට මොලවලා ඌ
අන්තිමේ මේ ටිකත් කිව්වා...
" අම්ම ඇඬුවොත් උඹ ඉතිරි වග
අනේ අම්මට මතක් කරපං
පුතා දුන්නේ රටක් වෙනුවෙන්
මගේ අම්මට ඒක කියපං
මගේ හයියත් පපුවෙ පුරවං
දිනන තුරු උඹ සටන් කරපං
ඉදිරිපෙළ මගෙ හිස් වෙච්ච තැන
බැචී උඹ පුරවන්න පලයං...
උඹල දින්නම හිනා වෙනකොට
බැචී මගෙ නම මතක් කරපං
මං නැතත් උඹ මටත් එක්කම
රසට කිරිබත් කටක් කාපං...
දිනන දවසක සිංහ කොඩියෙක්
උඹේ අතිනුන් ඉතින් දාපං...
කවද හරි යලි මුණ ගැහෙමු අපි
බැචී එහෙනං ගිහිං එන්නං... "
තුවක්කුවකට බංකරේකට
යෞවනේ මල් හීන පවරා
තල් කැලේ ගිනි ගහන පොළොවට
සින්න වී අපි ගිහින් තිබුණා
එහෙව් පොළොවෙම හීන එක්කම
අවසානවර හුස්ම ඇදලා
ගිනි දවාලේ මගෙ උකුල උඩ
සර් මගෙ යාලුවා මැරුණා...
( උගෙන් හිස් වුණු සටන් පෙරමුණ
අඩුව මම සර් හදනවා
උගෙ නමට දිනනකල් දවසක
මරාගෙන හරි මැරෙනවා... )
- සින්ධු
සම්බන්ධිත පුවත් | Related News
ප්රධාන පුවත්
කන්කසන්තුරේ තිස්ස රජමහා විහාරය දෙකට කරමින් මැදින් පාරක්.. අමරපුර නිකායේ දැඩි විරෝධය..
''මේ රටේ ගෝඨාභය මරාදමා හෝ විදේශ මැදිහත් වීමෙන් අන්තර්කාලීන පාලනයක් ගොඩනගන්න හැදුවා.. ආණ්ඩුව පවාදීම් රැසක් මේ වන විට කර අවසන්.." - වෛද්ය වසන්ත බණ්ඩාර
සම්බුද්ධ ශාසනයේ ප්රධාන අංගයක් වන පෙරහැර විකාරයක් බව අගමැතිනිය කියන්නේ කොහොමද?.. - වෛද්ය වසන්ත බණ්ඩාර
සවුදිය, තුර්කිය සහ පාකිස්ථානය 'නේටෝ' වැනි යුද සංවිධානයකට අවතීර්ණ වෙයි.. 'මක්කා ඒකාබද්ධ ආරක්ෂක ගිවිසුම' අත්සන් තබයි..
විනිසුරුවන්ගේ විශ්රාම යෑමේ වයස අවුරුදු 67 දක්වා දිගු කිරීමට ජනමත විචාරණයක් අවශ්යයි.. - ශ්රේෂ්ඨාධිකරණය 2022 වසරේදී තීන්දු කරලා..
22වන ව්යවස්ථා සංශෝධන පනත් කෙටුම්පත ගැසට් කෙරේ..
වර්තමාන අර්බුද හමුවේ නාට්යකරුවන් අපේක්ෂාභංගත්වයට පත්වෙලා.. – නාට්යවේදී අඛිල සපුමල්
ලොවටම සහන සැලසූ චීනයේ ගෝලීය සංවර්ධන මුලපිරුමට වසර 5යි: ගෝලීය දකුණේ අනාගතය වෙනුවෙන් චීනයෙන් නව පොරොන්දුවක්..
බන්ධනාගාර කොමසාරිස් තුෂාර උපුල්දෙණියව අයින් කරන්න ආණ්ඩුවට අවශ්ය වුනා.. ආණ්ඩුව දේශපාලනිකව පොලිසිය මෙහෙයවනවා ද යන්න ගැටළුවක්.. - නීතිඥ සංජීව වීරවික්රම
බෞද්ධ සභ්යත්වයට එරෙහිව දියත්වන ප්රහාර උච්ඡතම ස්ථානයකට පැමිණිලා.. ෂානක්කියන්ලා, සුමන්තිරන්ලාගෙන් බෞද්ධ උරුමය විනාශ කරන්න පුරාවිද්යා දෙපාර්තුමේන්තුවටත් බලපෑම්.. දළදා පෙරහැරේ කරඬුව වඩම්මන ඇතුන්ටත් තහංචි වැටෙන ලකුණු!
මැගසින් බන්ධනාගාරය තුළ නොසන්සුන්තාවක්..
උතුරු-නැගෙනහිර බෞද්ධ උරුමය විනාශ කිරීමට සැලසුම්සහගත ප්රහාරයක්.. පුරාවිද්යා වාර්තා වෙනස් කරන්න දෙමළ මන්ත්රීන්ගෙන් බලපෑම්.. - වෛද්ය වසන්ත බණ්ඩාරගෙන් සුවිශේෂී හෙළිදරව්වක්..
පළාත් සභා ඡන්දය ඉක්මනින් පවත්වන්නැයි ඉන්දියාවෙන් දන්වයි..
ඇමරිකානු - ඉරාන යුද්ධය අවසන් ද? - ආචාර්ය ජගත් චන්ද්රවංශගෙන් අනාවරණයක්
'පාස්කු ප්රහාරය ගැන විමර්ශකයින් පත්කරලා තියෙන්නේ කතෝලික පල්ලියෙන්' - අතරමැදි පෙත්සම්කරුවෝ අධිකරණයට කියති..
ගම්මන්පිල, විමල්, දිලිත් ඇතුළු හය දෙනෙක් අධිකරණයට අපහාස කිරීමේ ප්රකාශ ගැන අභියාචනාධිකරණයට දැනුම් දීමට තීරණ කළා.. - කොටුව මහේස්ත්රාත්