චීනයේ සහාය තවදුරටත් ශ්‍රී ලංකාවට හිමිවනවා - ශ්‍රී ලංකාවේ චීන තානාපති කියයි
ඉතිහාසයට නව පරිච්ඡේදයක් එක්කරමින් ශ්‍රී ලාංකිකයින් නව යුගයකට එළැඹ ඇති බව ශ්‍රී ලංකාවේ චීන තානාපති චී ෂෙන්හොන්ග් මහතා පවසයි.
ඔහු මේ බව පැවසුවේ මහජන චීනය පිහිටුවීමේ 75 වැනි සංවත්සරය නිමිත්තෙන් වූ ඊයේ (25) පස්වරුවේ කොළඹ ෂැන්ග්‍රිලා හෝටලයේ පැවති උත්සවයක් අමතමිනි.
එහිදී වැඩිදුරටත් අදහස් දැක්වූ ඒ මහතා පැවසුවේ චීනයේ සහාය තවදුරටත් ශ්‍රී ලංකාවට හිමිවන බවය.
මෙම උත්සවය විදේශ කටයුතු අමාත්‍ය විජිත හේරත් මහතාගේ ප්‍රධානත්වයෙන් පැවති මෙම උත්සවයට, මෙරට චීන තානාපති, චී ෂෙන්හොන්ග්, හිටපු ජනාධිපතිවරුන් වන මහින්ද රාජපක්ෂ, මෛත්‍රීපාල සිරිසේන, ශ්‍රී ලංකාවේ අමෙරිකානු තානාපති ජූලි චන්ග්, මහ බැංකු අධිපති ආචාර්ය නන්දලාල් වීරසිංහ, ව්‍යවසායක දිලිත් ජයවීර යන මහත්ම මහත්මීන් ඇතුළු ආරාධිත අමුත්තන් රැසක් මෙම අවස්ථාවට එක්ව සිටියේය.
එහිදී වැඩිදුරටත් අදහස් දැක්වූ ශ්‍රී ලංකාවේ චීන තානාපති චී ෂෙන්හොන්ග් මහතා,
"චීනය සැමදා ශ්‍රී ලංකාවේ විශ්වාසවන්ත මිතුරෙකු සහ ප්‍රයෝජනවත් සහකරුවෙකු ලෙස සිටිනවා. චීනය සහ ශ්‍රි ලංකාව අතර සමීප සහ ගැඹුරු සහයෝගීතාව නැවත නැවතත් පෙන්නුම් කර තිබෙනවා. හැකියාවන්ගෙන් වඩාත් සන්නද්ධ වූ ශ්‍රී ලංකාව එහි ස්වෛරීත්වය, ආරක්ෂාව, සංවර්ධනය සහ ගෞරවනීයභාවය රැකගනිමින් කලාපීය සහ ජාත්‍යන්තර තලයේ දැවැන්ත කාර්යභාරයක් ඉටුකිරීමට සමත්වේවි. සාර්ථක ජනාධිපතිවරණයක් පැවැත්වීම ගැන ශ්‍රී ලංකාවේ අප සහෝදර සහෝදරියන්ට උණුසුම් සුබපැතුම් එක්කරන්න මම මෙය අවස්ථාවක් කරගන්නවා. ශ්‍රී ලංකාවේ ජනතාව දැන් නව යුගයකට එළැඹ සිටින්නේ ඔවුන්ගේ ඉතිහාසයට නව පරිච්ඡේදයක් එක්කරමින්. චීනය අනෙකුත් මිතුරු රටවල සහය සමඟ ජනාධිපති අනුර කුමාර දිසානායකගේ ශක්තිමත් නායකත්වය යටතේ උත්සාහවන්ත, බුද්ධිමත්, වික්‍රමාන්විත ශ්‍රී ලංකා ජනතාවට සියලු අවදානම් සහ අභියෝග පිටුදකිමින් වර්තමාන අර්බුදයෙන් පූර්ණ ලෙස මිදී ජාතික ආර්ථිකය යළි පනගන්වා සශ්‍රීකත්වය උදාකර ගැනීමට හැකිවනු ඇතැයි මම තරයේ විශ්වාස කරනවා."
එහිදී අදහස් දැක්වූ විදේශ කටයුතු අමාත්‍ය විජිත හේරත් මහතා,
"ආර්ථික අර්බුදය පැවති සමයේ චීනය ශ්‍රී ලංකාවට ලබාදුන් සහය වෙනුවෙන් මම ස්තුතිය පළකරන අතර, තීරයක් සහ මාවතක් වැඩසටහන යටතේ මෙරට සාර්ථක ලෙස ව්‍යාපෘති රැසක් නිමකිරීම පිළිබඳවත් මෙහිදී සිහිපත් කරනවා. දැනට ක්‍රියාත්මක ණය ප්‍රතිව්‍යුහගතකරණ වැඩසටහන සඳහා චීන මූල්‍ය ආයතන විසින් අඛණ්ඩව ලබාදෙන සහාය පිළිබඳව ශ්‍රී ලංකා අතිශය කෘතඥ වනවා. ආර්ථිකය ප්‍රකෘතිමත් කිරීමේ අභියෝගවලට අප තවදුරටත් මුහුණ දෙද්දී චීනයේ සහෝදරත්වය, සහාය සහ අඛණ්ඩ පාර්ශ්වකරුවකුවීම ශ්‍රී ලංකාව අපේක්ෂා කරනවා. චීන සංචාරකයින්ගේ ආගමනය අඛණ්ඩව ඉහළ යමින් පවතින අතර, මේ වසරේ පළමු මාස 6 තුළ චීන සංචාරකයින් 77,000 ඉක්මවා මෙරටට පැමිණ තිබෙනවා. ශ්‍රී ලංකාව විසින් මෑතකදී හඳුන්වා දුන් නිදහස් වීසා බලපත්‍ර වැඩසටහනට චීනය ද අයත් වන බව මෙහිදී සිහිපත් කරන්න කැමතියි."
- අද දෙරණ
සම්බන්ධිත පුවත් | Related News
ප්‍රධාන පුවත්
නේපාලයට යළිත් මහා ගංවතුරක් – නිවාස හා පාලම් ගසාගෙන යයි (වීඩියෝ)
හිටපු ජනපති මහින්ද රාජපක්ෂ රෝහල්ගත කෙරේ..
ඔන්ටාරියෝ ව්‍යවස්ථාදායකය 'දෙමළ ජන සංහාරයක්' නිල වශයෙන් පිළිගෙන නැහැ.. කොටි හිතවාදීන් ගොතන ලද ජන සංහාරක ප්‍රබන්ධය බිඳ වැටිලා.. - ආචාර්ය නෙවිල් හේවගේ
ඥානසාර හිමි උදෙසා කොළඹ බලා එන පාගමනේ තෙවන දිනය අද..
"ජේවීපී එකෙන් මගෙ සිවුර ගලවනවා.. සිරගත වුනත් කවදාවත් මෙහෙම දෙයක් වෙලා නෑ මහත්තයෝ.." - අත්අඩංගුවට ගැනීමට පෙර ඥානසාර හිමි පැවසූ කතාව නීතිඥ සංජීව වීරවික්‍රම හෙළිකරයි..
අනුරාධපුර පූජා නගරය ගොඩනැගීමට ඉන්දියාවෙන් විශාල ආධාරයක් ලැබෙනවා.. - ජනපති ඉබ්බාගමුවේදී පවසයි
මමත් මාලිමාවට රැවටුනා.. ඥානසාර හාමුදුරුවෝ හිරේ ඉන්නකොට ගැටුමක් ඇතිකරලා කරන්න හදපු දේත් අපිට ආරංචි වුනා.. - මහාචාර්ය පූජ්‍ය පාතේගම ඤානිස්සර හිමිගෙන් ප්‍රබල අනාවරණයක්..
රුසියාවෙන් ඇමරිකාවට ඩීසල්.. ට්‍රම්ප් සහ පුටින් අතර ඓතිහාසික ගිවිසුමක්.. - යුක්රේනයට අලුත් ජනපති කෙනෙක් පත් කරගන්නැයි ට්‍රම්ප් කියයි
2022න් පස්සෙ ළමා රෝහලට ඩොනේෂන් ගත්තේ නැතිනම් ලැබිච්ච දේවල් වලට මොකද වුනේ?.. 2026 ඔක්තෝබර් වෙනකල් තොරතුරු වෙබ් අඩවියේ තිබුනා.. ඒත් දැන් නෑ.. - වෛද්‍ය චමල් සංජීවගෙන් බරපතළ හෙළිදරව්වක්..
ඥානසාර හිමිට දුන් ජනපති සමාව ගැන රනිල් හෙළි කරයි..
මාලිමා ආණ්ඩුව බටහිර "ප්‍රොක්සි" ආණ්ඩුවක්.. - ඥානසාර හිමි සිද්ධිය සහ රටේ වත්මන් තත්ත්වය ගැන වෛද්‍ය වසන්ත බණ්ඩාරගෙන් විශේෂ හෙළිදරව්වක්..
බලවත් ජාතීන්ගේ වුවමනා එපාකම් මත සිදුවන ගමන ආපසු හැරවිය නොහැකි බියකරු අන්තයකින් අවසන් විය හැකියි.. - මොහාන් සමරනායක අනතුරු අඟවයි
ඥානසාර හිමියන් වෙනුවෙන් "නිදහසේ පාද යාත්‍රාව" මහනුවර ශ්‍රී දළදා මාලිගාව අබියසින් ඇරඹෙයි..
බටහිර ද්විත්ව ප්‍රමිතිය හෙළි කළ ජාත්‍යන්තර නාටකය: ICC තහංචි සහ නවනීදන් පිල්ලේට නොබෙල් හිමිවීම..
බ්‍රසීල ජනාධිපතිවරණයේ පළමු වටයෙන් බොල්සොනාරෝ පුත්‍රයාට ජයක්.. – බ්‍රසීල දේශපාලනයේ නව හැරවුමක්?
ඊශ්‍රායලය අභ්‍යන්තරයේ සිවිල් යුද්ධයක අවදානමක්.. – ආචාර්ය ජගත් චන්ද්‍රවංශ හෙළිකරයි..