මහා කළු සිංහලයන්ගේ පළායාම සහ ඉතිහාසය නොදන්නා පරපුරක ආගමනය

Sep 25, 2024 at 12:21 PM

|

Lanka Leader

'අන්න මහ කළු සිංහලයා පලා යනෝ'... 

මෙවැනි වචනයක් ඇත්තේ අපේ ඉතිහාසය තුළය. 

හැබැයි ඒ ඉතිහාසය වර්තමාන  පරපුර දන්නේ නැත. 

ඔවුන් වැඩිපුරම දන්නේ නිවන් සුව ප්‍රාර්ථනා කිරීම සහ තව කෙනකුට අපහාස කිරීම පමණි.

සොළී හමුදාව වළගම්බා රජු පසුපස හඹා එන විට ගැබ්බර සෝමාදේවිය සමඟ රජු ආරක්ෂා වීම සඳහා පලායන්නේය.  

රජු පලායන විට සොළීන්ට ඇසෙන්නට ගිරිනම් නිගණ්ඨයා උස් හඬින් කිව්වේ  අන්න මහා කළු සිංහලයා පලා යන බවයි.

එසේම මාස කිහිපයක් ගැබ්බර සෝමා දේවිය රජු සමග ගමන් කළේය දේවිය සමඟ යාමෙන් බර වැඩි කම නිසා කරත්තේ සෙමින් සිදුවීම හේතුවෙන් රජු සොලීන්ට හසුවේයැයි දේවිය කල්පනා කළේය.

එබැවින්  රාජ්‍යයේ ආරක්ෂාව උදෙසා රජු ආරක්ෂා කිරීම පිණිස සහ සොළීන් නොමග යවනු පිණිස දේවිය කරත්තයෙන් බැස රජුට පලායාමට දේවිය ඉඩ සැලසුවේය.

එයින් පසුව රජු සැඟව ගොස් නැවත සේනා සංවිධානය කොට රාජ්‍යයේ ආරක්ෂාව තහවුරු කල බව අතීත කතාවන් මගින් අප අසා ඇත්තෙමු. 

ගැබ්බර සෝමා දේවිය සොළීන්ට හසු වූයේ තමන්ගේ ජීවිතය පවා පූජා කරමිනි. 

එදා ගැහැණියකට කළ හැකිව තිබූ දේ අද මේ රටේ ගැහැණුන් පමණක් නොව පිරිමින් දහසකටවත් කළ හැකිදැයි අපේ හදවත් වලින් විමසිය යුතුව ඇත. 

එවන් අතීතයක් තිබූ අප අද බඩ රැක ගැනීමට අපගේ භාවිතාව තුළින් ඉඩ ලබාදෙමින් පවතී. 

ඉතිහාසය කන්න දැයි විමසමින් ඉතිහාසය විෂය ධාරාවන් ධර්මිෂ්ඨ රාජ්‍යයක් යටතේ ඉවත් කිරීමේ ප්‍රතිඵල අද වන විට ලැබෙමින් පවතී. 

විශ්ව විද්‍යාල වල විශාල උපාධි ප්‍රමාණයක් ලබාගෙන සිටින විශේෂයෙන් දකුණේ බෞද්ධයයි කියාගන්නා ඇතැම් දේශපාලන කණ්ඩායම් වල නායකයන් ඉතිහාසය කෙසේ වෙතත් තමන්ගේ බුදු දහමේ මූලික  ඉගැන්වීම්වල තිබෙන ධර්ම සංගායනාවන්  පැවැත්වූයේ කිනම් කාලෙකදැයි දන්නෙවත් නැත. 

එවන් රජුන්ගෙන් අපේ රටේ ධර්මය ආරක්ෂා කරගත හැකිද?.

එදා රජුන් ධාර්මිකව රට පාලනය කලද අප රටේ පසුගිය කාලයේ සිටි පාලකයන් රාජ්‍ය ධනය භාණ්ඩාගාරයෙන් සොරාගෙන කමින් රට අස්ථාවර කර රට පාවාදීමට කටයුතු කර ඇත්තේය. 

එබැවින් පසුගිය කාලයේ රට පාලනය කළ සොර මුලට මේ රටේ මහජනතාව  පිළිතුරු ලබාදී ඇතත්  එමගින් රට අස්ථාවර වීමට ඉඩ ලබාදිය යුතු නැත. 

රටට වින කටින ලද සොරුන් නැවත පත් කිරීමට අප උත්සාහ කළ යුතු නැත. 

එහෙත් එදා අපේ මුතුන් මිත්තන් රට ආරක්ෂා කළාක් මෙන් සිහිනුවණින් වර්තමානයේ අපේ රට බඩ ගැන නොසිතා ආරක්ෂා කළ යුතුව  ඇත.

එබැවින් මේ රටේ ආරක්ෂක හමුදාවන් පාවාදෙන,සමරිසි සම ලිංගික ගණිකා වෘත්තිය නීතිගත කළ රාජ්‍යයක් ක් බිහි කරන මේ රට අනාගමික රාජ්‍යයක් කර  රට කෑලි වලට කඩා බෙදා පාලනය කිරීමට අප කිසිසේත් ඉඩ දිය යුතු නැත. 

මේ අපගේ පමණක් නොව ඔබගේත් රටයි අපේ දරුවන් පවා පමණක් නොව ඔබගේ දරුවනුත් අනාගතයේ සුරක්ෂිතව ජීවත් විය යුතුව ඇත. 

එබැවින් මේ රට සූරා කන හොරකමට දූෂණයට වංචාවට විරුද්ධ වන්න එය අයිතියකි. 

එහෙත් ඔබ ඉපදුනු මාතෘ භූමියට විරුද්ධ නොවන්න. 

එය කෑලි වලට කැඩීමට ඉඩ නොදෙන්න. 

එය අනාගත ඔබේ දරුවාගේ ද අනාගතය විනාශ කරවන්නක් බව තේරුම් ගැනීමට ඉහල සාක්ෂරතාවයක් ඇති ඔබ හට හැකි වේ යැයි සිතමු.

එසේම මාලිමාවේ ප්‍රතිපත්ති ප්‍රකාශයේ 230  වෙනි පිටුවෙහි  සඳහන් වන්නේ 2015-2019 යහ පාලන කාලයේ ගෙන එන ලද ව්‍යවස්ථාව ගෙන එන බවයි.

එදා රනිල් මෛත්‍රී පාලනය යටතේ  ජයම්පති වික්‍රමරත්න ලාල් විජේනායක හරිනි අමරසූරිය විසින් දායකත්වය ලබාදී සකසන ලද එම ආණ්ඩුක්‍රම ව්‍යවස්ථා කෙටුම්පත සකසන ලද අයවලුන් පිළිවෙලින් සමගි ජන බලවේගය සහ ජාතික ජන බලවේගයේ සාමාජිකයන් බවට හඳුනාගත යුතුව ඇත. 

ඔවුන් විසින් සකසන ලද රටට එරෙහි එම වාර්තාව  ඉදිරි පාර්ලිමේන්තුවකදී එම දෙපිරිස විසින්ම එකතුව තුනෙන් දෙකක බලයක් ලබා දී අනුමත කරනු නොහැකි යැයි කිසිවෙකුට සහතික ලබාදිය නොහැක. 

අපි ඔබට සෝමා දේවිය මෙන් වීමට යැයි නොකියමු ..සෝමා දේවිය තම කුසේ සිටි දරුවා ගැනවත් අමතක කර රට ගැන සිතුවේය. 

අප ඔබට යෝජනා කරන්නේ ඔබගේ දරුවා ගැන සිතා රටට එරෙහි එම ව්‍යවස්ථා කෙටුම්පත  පරාජය කිරීමට දැන් සිටම සිහියට තබාගත යුතු බවයි.

- මහජන යුතුකම් කේන්ද්‍රය

ලාල් විජේනායකලාගේ ආණ්ඩුක්‍රම ව්‍යවස්ථා කෙටුපතේ පිටපත් සහ ජාතික ජන බලවේගයේ ප්‍රතිපත්ති ප්‍රකාශනයේ 230 පිටුව පහළින්...