ඉන්දියාවෙන් ගෙන්වීමට සැරසෙන ඖෂධ 37ක් ගැන චෝදනාවක්
මෙරට ඖෂධ සැපයුම්කරුවන් සිටියදී ඖෂධ වර්ග 37 ක් ඉන්දියාවෙන් ගෙන්වීම සඳහා රජය සූදානම් වන බවට සෞඛ්ය වෘත්තීයවේදීන්ගේ විද්වත් සංගමයේ සභාපති රවී කුමුදේශ් චෝදනා කරයි.
අතරමැදියන් නොමැතිව ඉන්දියාවෙන් ඖෂධ මිලදී ගැනීමට ආණ්ඩුව සූදානම් වන බවට අමාත්ය මණ්ඩල පත්රිකාවක් මගින් අනාවරණය වූ බව හෙතෙම සඳහන් කරයි.
එහෙත් බ්රිතාන්ය හෝ ඇමරිකානු ප්රමිතිය අනුගමනය නොකරන ඖෂධ නිෂ්පාදන ආයතන සඳහා අපේ රටේ ඖෂධ නියාමන අධිකාරිය ලියාපදිංචිය නොදෙන බවත් ඉන්දියාවේ ප්රමිතිය අනුව ඖෂධ නිෂ්පාදනය කරන ආයතන සඳහා මෙතෙක් කලකට ඖෂධ නියාමන අධිකාරිය අවසර නොදුන් බව ද ඔහු කීය. ඉන්දියානු ප්රමිතිය ලංකාවට ගැලපෙන්නේ නැති බවට ඖෂධ නියාමන අධිකාරිය තීරණය කරන්නේ නම් එය පිළිගත යුතු බවද රවී කුමුදේශ් පැවසීය.
මෙලෙස ගෙන්වීමට යන ඖෂධ ඇමරිකාවේ හෝ එංගලන්තයේ ප්රමිතියට අනුව නිෂ්පාදනය කර ඇත්නම් හොඳ බවත් එහෙත් ඉන්දියානු ප්රමිතිය වුවද වරදක් නැති බවට අමාත්ය මණ්ඩල පත්රිකාව මගින් දැනුම් දී ඇති බවද හෙතෙම සඳහන් කරයි.
සෞඛ්ය වෘත්තීයවේදීන්ගේ විද්වත් සංගමයේ සභාපති රවී කුමුදේශ් ප්රශ්න කරන්නේ ඖෂධ නියාමන අධිකාරිය තමන්ගේ ප්රතිපත්ති වෙනස් කළාද එසේත් නැතහොත් නියාමන අධිකාරිය දෙබිඩි ප්රතිපත්තියක සිටින්නේද යන්නයි. ඖෂධ නියාමන අධිකාරියේ දැනුවත් වීමකින් තොරව ඖෂධ ගෙන්වීමේ ක්රියාවලිය සිදු කෙරෙන්නේ ද යන්න ගැන රවී කුමුදේශ් ප්රශ්න කරයි.
වැඩිදුරටත් අදහස් දැක්වූ රවි කුමුදේශ් මෙසේද කීවේය.
" මෙලෙස ගෙන්වන ඖෂධවලින් බහුතරයක් මෙරට නිෂ්පාදකයන් දේශීය වශයෙන් නිෂ්පාදනය කරන ඖෂධ. දේශීය නිෂ්පාදකයා සිටියදී සමහර ඖෂධ ලංකාවේ සැපයුම්කරුවන් ඖෂධ සැපයීම සඳහා ලියාපදිංචිය ඉල්ලීම් කළත් එය ප්රතික්ෂේප කර තිබියදී එකවර ඉන්දියාවට මෙහෙම අවස්ථාවක් දෙන්නේ ඇයි. ඉන්දියාවේ ව්යාපාරයට අපි මේ සියල්ල පරයා අවස්ථාවක් දීමේ වුවමනාව මොකක්ද.
අපි කියන්නේ මේකේ වාසිය අපේ රටේ මිනිස්සුන්ට ලැබෙන්න ඕනෑ. අමාත්ය මණ්ඩල පත්රිකාව ගැන අපිට සැකයක් තියෙනවා. මේ නැවත යන්නේ කෙහෙළිය රඹුක්වැල්ල ඇමතිවරයා ගිය පාරේමද. ඒ පාර වැරදියි කියලා ඔප්පු කරලා තියනවනම් ඒ පාරේ අලුත් ඇමතිවරයා, අමාත්යාංශය හෝ ඖෂධ නියාමන අධිකාරිය යනවනම් එය නිවැරදි වෙන්නේ කොහොමද.
ඉන්දියානු ඒකාධිකාරයක් ගොඩනගා ගැනීම තුළ රටට අත්වන වාසිය මොකක්ද. ඖෂධවල මිල සම්බන්ධයෙන් වෙන වාසිය මොකක්ද. ඉන්දියානු ප්රමිතිය අනුමත කිරීමෙන් ඖෂධවල ගුණාත්මක භාවයට හානියක් වෙන්නේ නැද්ද. දේශීය සැපයුම්කරුවන්ගේ ලියාපදිංචිය නොදී ලියාපදිංචිය නොවුනු ඖෂධ ගෙන්වීමට ඉන්දියානු සමාගම් වලට අවසර දීම කෙතරම් සාධාරණද. අපේ රටේ දේශීය නිෂ්පාදකයෝ අතුගෑවිලා යන එක අපිට වාසියිද. එහෙමනම් ඒ අයට විවිධ වරප්රසාද දීලා දේශීය සමාගම් විදියට මෙච්චර කල් නඩත්තු කරන්න ආණ්ඩුව කටයුතු කළේ ඇයි. ඒවා අතුගා දැමීමෙන් වාසිය තියෙන්නේ ආණ්ඩුවටද. නැත්නම් ඇමතිවරයාටද." හෙතෙම පැවසීය.
කෙසේ වුවද අමාත්ය මණ්ඩල පත්රිකාවේ සඳහන්ව ඇත්තේ රටෙහි තවදුරටත් ඖෂධ කිහිපයක අඛණ්ඩ හිඟයක් පවතින බවට අනාවරණය වී ඇති බවයි. මේ හේතුවෙන් ජාතික ඖෂධ නියාමන අධිකාරියේ ලියාපදිංචි සැපයුම්කරුවන් නොමැතිවීම හා ලියාපදිංචි සැපයුම්කරුවන් ප්රසම්පාදනයන්ට සහභාගී නොවීම මෙම හිඟය සඳහා හේතුවී ඇති බවයි. එමෙන්ම ලංකාවේ ඖෂධ සඳහා සාපේක්ෂ කුඩා වෙළඳපොලක් පැවතීම හේතුවෙන් ඇතැම් සැපයුම්කරුවන් තම නිෂ්පාදන ජාතික ඖෂධ නියාමන අධිකාරියෙහි ලියාපදිංචි කර නොමැති බව ද එහි සඳහන් කර ඇත. අත්යවශ්ය ඖෂධ වර්ග 37ක් ඖෂධ වර්ග 16ක් ජාතික ඖෂධ නියාමන අධිකාරියේ ලියාපදිංචිය ලබා නොමැති අතර ඖෂධ වර්ග විසි එකක් සඳහා ලන්සු කැඳවීම් කිහිපයකදී ප්රතිචාරාත්මක ලංසු ඉදිරිපත් වී නොමැති බව ද අමාත්ය මණ්ඩල පත්රිකාවේ සඳහන් කර ඇත. මේ සඳහා අන්තර් කාලීන විධි විධානයක් ලෙස මාස හයක අවශ්යතාව සපුරා ගැනීමට ඖෂධ ප්රසම්පාදනය කිරීමට අමාත්යාංශය බලාපොරොත්තු වන බවද එහි සඳහන් කර තිබේ.
- අරුණ -
සම්බන්ධිත පුවත් | Related News
ප්රධාන පුවත්
ආණ්ඩුවට බැරි බෙදුම්වාදය පරාජය කිරීමේ වගකීම බාරගන්න අපි සූදානම්.. - 'රණවිරු ජනපවුර' ආණ්ඩුවට කියයි..
ඉහළ උසාවිවල විනිසුරු පුටු අටක් හිස්..
සාම ගිවිසුමක් සඳහා අමෙරිකාව සහ ඉරානය අවසන් එකඟතාවකට ආවා - පාකිස්තාන අග්රාමාත්ය ෂෙබාස් ෂරීෆ්
ගෝඨාභය රාජපක්ෂ ඇත්ත මහමොළකරු තේරුම් ගත්තා.. - වෛද්ය වසන්ත බණ්ඩාර
යුක්රේන ගැටුමේදී රුසියාව සමස්ත බටහිර කඳවුරට එරෙහිව තනිව සටන් කරනවා – පුටින්
“පාස්කු ප්රහාරය වළක්වා ගැනීමට අපොහොසත් වූ නිලධාරීන් දැන් මට එරෙහිව පරීක්ෂණ මෙහෙයවනවා”..- සලේ අභියාචනාධිකරණයට කියයි
අලුත් පාස්කු මහ මොළකරුවෙක් සොයාගත්තා නම් FBI, Interpol, Scotlandyard, AFU ආයතනවලටත් දන්වන්න.. - දිලිත් කියයි
ශ්රී ලංකාව මෙතෙක් අනුගමනය කළ මධ්යස්ථ විදේශ ප්රතිපත්තිය තවදුරටත් අනුගමනය කරනු ඇතැයි අපි විශ්වාස කරනවා- ශ්රී ලංකාවේ රුසියානු තානාපති ලෙවාන් S ධගාරියන්
ඊශ්රායලයේ ඉඳලා මෙරට ළමයි එවන ඩොලර් ටික එක ආයතනය හිරවෙලා.. - තවත් හැකර් ප්රහාරයක් ගැන ඩී.වී චානක හෙළිකරයි..
සලේගේ පෙත්සම සලකා බැලීම ජූලි 10 දක්වා කල් යයි.. සලේ වෙනුවෙන් පෙනී සිටි නීතිඥවරයා අයි.එස්.අයි.එස්. ත්රස්ත සංවිධානයේ දෘෂ්ටිවාදය මෙරට තුළ ක්රියාත්මක වූ ආකාරය ගැනත් කරුණු හෙළිකරයි..
MCC ගිවිසුම නැවතත් ශ්රී ලංකාවට ගේන්න යනවා.. – හර්ෂ ද සිල්වා
ලෝකයේ බලශක්ති අර්බුදයක් ඇති වීමට හේතුව අමෙරිකාව සහ චීනයේ බල ඝට්ටනය ද?.. - ගෝලීය බලශක්ති අර්බුදයේ ඇත්ත කතාව ආචාර්ය ජගත් චන්ද්රවංශ හෙළිකරයි..
සුරේෂ් සලේ කියන්නේ අත්අඩංගුවට ගැනීම හෝ රඳවා තබා ගැනීමට කිසිඳු සාක්ෂියක් නොමැති නිර්දෝෂී අයෙක්.. ගනේද්ර සහ ශානි ගහපු ගේම් එක මෙන්න.. - නීතිඥ සංජීව වීරවික්රම හෙළිකරයි
මහාභාණ්ඩාගාර කොල්ලයට මහබැංකුවත් වගකිව යුතුයි.. නන්දලාල්ටත් වැඩ වරදියි.. - මුදල් කාරක සභාවේ සභාපති හර්ෂ කියයි
සලේ විශේෂඥ වෛද්ය මණ්ඩලයකට යොමු කිරීමට අධිකරණයෙන් නියෝග..
සුරේෂ් සලේ වදකාගාරයක දමා මරා දැමීමට හැදූ කුමන්ත්රණය සත්යග්රහය නිසා වැළකුණා.. - වෛද්ය වසන්ත බණ්ඩාර