ඉරාන කාන්තාව, ඉස්ලාම් විප්ලවයට පෙර සහ පසු?

Aug 4, 2024 at 06:07 PM

|

Lanka Leader

👉 එදා 1976 ඉස්ලාම් විප්ලවයට පෙර ඉරානයේ කාන්තා සාක්ෂරතාව 24%ක් වූ අතර 2022දී එම අගය 85%කි. 

👉 එදා ඉස්ලාම් විප්ලවයට පෙර එරට සිටි විශේෂඥ වෛද්‍යවරියන්ගේ සංඛ්‍යාව 1988ක් වූ අතර 2012දී  එම අගය 20177කි. 

👉 ඉරානය වනාහී 2015 වසරේදී ජනගහනයට සාපේක්ෂව ලෝකයේ වැඩිම ඉන්ජිනේරු උපාධිධාරීන් ප්‍රමාණය බිහිකළ රට වන අතර, අද එරට විද්‍යා විෂයන්ට අදාළ උපාධිධාරීන්ගෙන් සීයට 70%ක්ම කාන්තාවෝ වෙති. 

👉 තවමත් විශාල ආගමික නැඹුරුවක් සහිත රටක් වන ඉරානය සිය ආගමික නිර්ණායකවලට සාපේක්ෂව කාන්තාවන් හිස් ආවරණ පැළඳීම වැනි කාරණා නීතියෙන්ම ස්ථාපිත ඇත. එහෙත් හිස් ආවරණ පැළඳි කාන්තාවන් අධ්‍යාපනය, සමාජ තත්ත්වය, වෘත්තීය මට්ටම, ආර්ථිකය ආදිය අතින් ඉතා ඉහළ තැනකට ගෙන ඒමට නූතන ඉරානය සමත් වී තිබේ. 

👉 එහෙත් මේ කිසිවක් නොදන්නා ලිංගිකත්වය හා මත්ද්‍රව්‍ය පමණක් මැජික් ලෙස සලකන ලංකාවේ රැඩිකල් ලිබරල් ළිං මැඬියෝ තවමත් ඉස්ලාම් විප්ලවයට පෙර අඩ නිරුවතින් දුම්පානය කළ කාන්තාවන්ගේ පුදුමාකාර නිදහස ගැන පමණක් කවි කතා ලියති.  

👉 අපගේ අදහස සෑම ආගමික නීතියක්ම කොන්දේසි විරහිතව සාධාරණීකරණය කළ යුතු බව නොවේ. එය අදාළ සන්දර්භයට සාපේක්ෂ වන සංකීර්ණ කාරණයකි. 

👉 ප්‍රශ්නය වන්නේ බටහිර කෝණයෙන් පමණක් සියල්ල දකිමින් නිරුවතින් සිටීමේ නිදහස ගැන පමණක් කතා කරන අය, ඊට වෙනස් මාර්ග ඔස්සේ ඉරානය වැනි රටවල් අත් කරගත් සැබෑ ජයග්‍රහණ ගැන කිසිවක් නොදැන සිටීමය. 

👉 ඒ නිසාම ලිංගිකත්වය හා මත්ද්‍රව්‍ය පමණක් උත්කර්ෂයට නංවමින් එය මානව නිදහසේ ඉහළම ඵලය ලෙස හුවාදැක්වීමට අදහස් කරන අයට, ලෝකයේ එකම සංස්කෘතිය බටහිර සංස්කෘතිය පමණක් විය යුතු යැයි සිතන කරන අයට මෙන්ම ආගම රටක දියුණුවට බාධාවක් වෙතැයි සිතන අයටද ඉරානයෙන් උගත හැකි පාඩම් බොහෝය. 

👉 එය යල් පැන ගිය බටහිර කේන්ද්‍රිය ඒක ධ්‍රැවීය ලෝකය වෙනුවට අනාගත බහුධ්‍රැවීය ලෝකයේ හැඩය කෙබඳු විය යුතුදැයි අපට මැනවින් පෙන්වා දෙන්නකි. 

- ඉසුරු ප්‍රසංග