සීමාවාසික වෛද්යවරුන්ට අතිකාල දීමනා ලබා දෙනු... නැතිනම් බාල ගිරි දෝෂය අද නොවේ හෙට ක්රියාත්මක කරනු - මහජන යුතුකම් කේන්ද්රය
ශ්රී ලංකාවේ සීමාවාසික වෛද්යවරුන්ට ඔවුන්ගේ දැනට ලබා දෙන ලබන වැටුප දීර්ඝ කාලයක සිට වැඩි කර නොමැති අතර, එම වැටුප වැඩිකර ලබා දෙන ලෙස විවිධ ඉල්ලීම් ඉදිරිපත් කර ඇතත් එය මෙතෙක් විවිධ හේතු කියමින් බලධාරීන් විසින් ප්රමාද කරමින් ඇති බව වාර්තා වේ.
මේ පිළිබඳව අදහස් දක්වන මහජන යුතුකම් කේන්ද්රය පවසන්නේ මේ සම්බන්ධයෙන් දීර්ඝ කාලයක සිට විවිධ ඉල්ලීම් ඉදිරිපත්ව ඇතත් විවිධ හේතු දක්කමින් මුදල් අමාත්යාංශය, මහා භාණ්ඩාගාරය සහ දේශ පාලන අධිකාරිය තමන්ගේ වැටුප පමණක් වැඩි කරගෙන ඇති බවයි.
මහජන යුතුකම් කේන්ද්රය වැඩිදුරටත් මෙසේ ද පවසයි.
"ලෝකයේ ඉතා අවම වැටුපකින් වැඩිම කාලයක් වැඩ කරනු ලබන ශ්රී ලංකාවේ සීමාවාසික වෛද්යවරුන්ට ඔවුන්ගේ දැනට ලබා දෙන ලබන වැටුප දීර්ඝ කාලයක සිට වැඩි කර නොමැති අතර එම වැටුප වැඩිකර ලබා දෙන ලෙස විවිධ ඉල්ලීම් ඉදිරිපත් කර ඇතත් එය මෙතෙක් විවිධ හේතු කියමින් බලධාරීන් විසින් ප්රමාද කරමින් ඇත.
එය හරියට බාලගිරි දෝෂය අද නොවේ හෙට යන්න වගේය.
එසේම මේ රටේ උගත්ම පිරිසකගේ ශ්රමය අසීමිත ලෙස සූරාකමින් ඇත.
මේ සම්බන්ධයෙන් දීර්ඝ කාලයක සිට විවිධ ඉල්ලීම් ඉදිරිපත්ව ඇතත් විවිධ හේතු දක්කමින් මුදල් අමාත්යාංශය මහා භාණ්ඩාගාරය සහ දේශ පාලන අධිකාරිය ඔහේ වගේ වගක් නොමැතිව තමන්ගේ වැටුප පමණක් වැඩි කරගෙන ඇත.
මහ බැංකු අධිපතිවරයා වැටුප් වැඩි කිරීම සම්බන්ධයෙන් නිදහසට කරුණු කියමින් එය සාධාරණය කරමින් ලෝකය හා සසඳමින් කරුණු ඉදිරිපත් කර තමන්ගේ පැලැන්තිය පමණක් බේරා ගනිමින් කටයුතු කරන ආකාරය ලැජ්ජා සහගතව බලා සිටීමට ශ්රී ලංකාවාසීන්ට සිදුව ඇත.
ලෝකයාට සාපේක්ෂව මෙරට වෛද්යවරුන්ට වැටුප් ලැබෙන්නේ නැති බව ඔහු හෝ දේශපාලන අධිකාරිය නොදන්නා බවක් අඟවමින් ඇත.
එහෙත් ඔහුගේ ආයතනයට පැය අටේ සේවයට බඳවා ගන්නා ආධුනික නිලධාරීන් හට රුපියල් ලක්ෂ එකහමාරක පමණ වැටුපක් ලබාදීමට කටයුතු කරන බවට දැන්වීම් පවා දමා ඇත.
ශ්රී ලංකා වරාය අධිකාරියේ කළමනාකරණ සේවයට බඳවා ගන්නා නිලධාරීන්ට පවා පැය අටේ සේවයට පමණක් රුපියල් ලක්ෂයකට ආසන්න වැටුපක් ආධුනික කාලයේ පවා ගෙවීමට ඔවුන් කටයුතු කර ඇත.
එසේම මේ වෙනුවෙන් කතා කළ යුතු සෞඛ්ය අමාත්යාංශයේ සිටින ඇතැම් රාජ්ය නිලධාරීන් ඔවුන්ගේ දරුවන් වෛද්යවරුන් වශයෙන් ත්රිවිධ හමුදා වන් හි සේවය කරනු ලබන බැවින් ඔවුන්ට එය දැනෙන්නේ නැති බැවින් සාධාරණය වෙනුවෙන් පෙනී සිටීමට ඉදිරිපත් වීමක්ද දකින්නේ නැත.
මක්නිසාදයත් ඔවුන්ගේ ත්රිවිධ හමුදාවන්හි සේවය කරන සීමාවාසික වෛද්යවරුන් වශයෙන් සිටින දරුවන්ට ආහාර දීමනාව වශයෙන් පමණක් රුපියල් තිස් දහසකට ආසන්න මුදලක් ලැබෙන හෙයින් සහ එයට අමතරව වැටුපක් ලැබෙන හෙයින් එය ඔවුන්ට දැනෙන්නේ නැත.
එබැවින් සීමාවාසික වෛද්යවරුන් වශයෙන් සේවය කරනු ලබන සියලුම වෛද්යවරුන්ට තමන්ගේ පැය අටේ සේවා කාලයට අමතරව වැඩ කරනු ලබන සියලුම වේලාවන්ට අතිකාල දීමනා ලබාදීමට කටයුතු කළ යුතුව ඇත.
වෙනත් ආයතන වල පවා ස්ථිර නොවන සේවකයින්ටද එවැනි දීමනා හිමි වන බැවින් මෙම මහා ශ්රම සූරා කෑමට එරෙහි වීමට කටයුතු කළ යුතුව ඇත.
එබැවින් දැනට සීමාවාසික වෛද්යවරයෙකුට ගෙවනු ලබන රුපියල් 56000/= වැටුප ගණනය කර ඒ වෙනුවෙන් ඔවුන්ට පැයකට ලැබිය යුතු අතිකාල දීමනා ප්රමාණය නිර්ණය කර පැය අටේ සේවාවට අමතරව වැඩ කරනු ලබන පැය ගණන සඳහා මෙම වහල් ශ්රමය අවසන් කිරීම සඳහා ඒ වෙනුවෙන් ඔවුන්ට අති කාල දීමනා ලබාදිය යුතුව ඇත.
රටේ ඉහළම උගත් පිරිසට සලකනු ලබන්නේ මෙවැනි ආකාරයකට නම් ඔවුන් මෙරට හැරදා යෑම සාධාරණ වනු ඇත.
එබැවින් කම්කරු නීති අනුවත් මෙම පැය අටේ සේවාවට අමතරව කරනු ලබන පැය ගණන් සඳහා ශ්රී ලංකාවේ උගත් අධ්යාපනය වෙනුවෙන් දීර්ඝ කාලයක් කැප කිරීම් කර ඇති ඒ හේතුව නිසාම ඔවුන්ගේ වයස අවුරුදු තිහකට ආසන්න වී ඇති පිරිසට අති කාල දීමනා ලබාදීමට කටයුතු කර ඔවුන්ගේ අනාගතය සුරක්ෂා කළ යුතුව ඇත.
එය ඔවුන්ට පමණක් නොවන ශ්රී ලංකාවේ සෞඛ්ය වෙනුවෙන් කරන ආයෝජනයක් ද වනු ඇත.
මෑතක මහා බැංකුවේ වැඩි කරගත් වැටුපට අමතරව ඒ හා සමානව විශාල අතිකාල දීමනා ප්රමාණයකුත් ලැබෙන්නේ නම් ඉතා අවම වැටුපකට වැඩ කරනු ලබන සීමා වාසික වෛද්යවරුන්ට අතිකාල දීමනා ලබාදීමට එකඟතාවය පළකිරීමට මහා බැංකු අධිපතිවරයාට හා මුදල් අමාත්යංශයේ ලේකම්වරයාට කිසිදු බාධාවක් නොමැත.
එසේම අදාල වෛද්යවරුන්ට වැටුප් වෙනුවට අතිකාල දීමනා ලබාදීම නිසා වෙනත් අයගේ අයිතිවාසිකම් උල්ලංඝනය වන්නේ ද නැත.
එබැවින් දේශයේ සෞඛ්ය ආරක්ෂාව සඳහා කඩිනමින් මේ සම්බන්ධයෙන් කටයුතු කිරීමට අදාළ බලධාරීන් කටයුතු කරනු ඇතැයි උදක්ම බලාපොරොත්තු වෙමු."
මහජන යුතුකමක් වෙනුවෙන්,
මහජන යුතුකම් කේන්ද්රය
සම්බන්ධිත පුවත් | Related News
ප්රධාන පුවත්
කන්කසන්තුරේ තිස්ස රජමහා විහාරය දෙකට කරමින් මැදින් පාරක්.. අමරපුර නිකායේ දැඩි විරෝධය..
''මේ රටේ ගෝඨාභය මරාදමා හෝ විදේශ මැදිහත් වීමෙන් අන්තර්කාලීන පාලනයක් ගොඩනගන්න හැදුවා.. ආණ්ඩුව පවාදීම් රැසක් මේ වන විට කර අවසන්.." - වෛද්ය වසන්ත බණ්ඩාර
සම්බුද්ධ ශාසනයේ ප්රධාන අංගයක් වන පෙරහැර විකාරයක් බව අගමැතිනිය කියන්නේ කොහොමද?.. - වෛද්ය වසන්ත බණ්ඩාර
සවුදිය, තුර්කිය සහ පාකිස්ථානය 'නේටෝ' වැනි යුද සංවිධානයකට අවතීර්ණ වෙයි.. 'මක්කා ඒකාබද්ධ ආරක්ෂක ගිවිසුම' අත්සන් තබයි..
විනිසුරුවන්ගේ විශ්රාම යෑමේ වයස අවුරුදු 67 දක්වා දිගු කිරීමට ජනමත විචාරණයක් අවශ්යයි.. - ශ්රේෂ්ඨාධිකරණය 2022 වසරේදී තීන්දු කරලා..
22වන ව්යවස්ථා සංශෝධන පනත් කෙටුම්පත ගැසට් කෙරේ..
වර්තමාන අර්බුද හමුවේ නාට්යකරුවන් අපේක්ෂාභංගත්වයට පත්වෙලා.. – නාට්යවේදී අඛිල සපුමල්
ලොවටම සහන සැලසූ චීනයේ ගෝලීය සංවර්ධන මුලපිරුමට වසර 5යි: ගෝලීය දකුණේ අනාගතය වෙනුවෙන් චීනයෙන් නව පොරොන්දුවක්..
බන්ධනාගාර කොමසාරිස් තුෂාර උපුල්දෙණියව අයින් කරන්න ආණ්ඩුවට අවශ්ය වුනා.. ආණ්ඩුව දේශපාලනිකව පොලිසිය මෙහෙයවනවා ද යන්න ගැටළුවක්.. - නීතිඥ සංජීව වීරවික්රම
බෞද්ධ සභ්යත්වයට එරෙහිව දියත්වන ප්රහාර උච්ඡතම ස්ථානයකට පැමිණිලා.. ෂානක්කියන්ලා, සුමන්තිරන්ලාගෙන් බෞද්ධ උරුමය විනාශ කරන්න පුරාවිද්යා දෙපාර්තුමේන්තුවටත් බලපෑම්.. දළදා පෙරහැරේ කරඬුව වඩම්මන ඇතුන්ටත් තහංචි වැටෙන ලකුණු!
මැගසින් බන්ධනාගාරය තුළ නොසන්සුන්තාවක්..
උතුරු-නැගෙනහිර බෞද්ධ උරුමය විනාශ කිරීමට සැලසුම්සහගත ප්රහාරයක්.. පුරාවිද්යා වාර්තා වෙනස් කරන්න දෙමළ මන්ත්රීන්ගෙන් බලපෑම්.. - වෛද්ය වසන්ත බණ්ඩාරගෙන් සුවිශේෂී හෙළිදරව්වක්..
පළාත් සභා ඡන්දය ඉක්මනින් පවත්වන්නැයි ඉන්දියාවෙන් දන්වයි..
ඇමරිකානු - ඉරාන යුද්ධය අවසන් ද? - ආචාර්ය ජගත් චන්ද්රවංශගෙන් අනාවරණයක්
'පාස්කු ප්රහාරය ගැන විමර්ශකයින් පත්කරලා තියෙන්නේ කතෝලික පල්ලියෙන්' - අතරමැදි පෙත්සම්කරුවෝ අධිකරණයට කියති..
ගම්මන්පිල, විමල්, දිලිත් ඇතුළු හය දෙනෙක් අධිකරණයට අපහාස කිරීමේ ප්රකාශ ගැන අභියාචනාධිකරණයට දැනුම් දීමට තීරණ කළා.. - කොටුව මහේස්ත්රාත්