බුදුන්වහන්සේ ලංකාවෙ උපන් බවට ගෙනයන ව්‍යාජ මතයේ යටි අරමුණ ඔබ දන්නවා ද?

Jan 17, 2024 at 03:39 PM

|

Lanka Leader

බුදුන්වහන්සේ ලංකාවේ දී උපත ලැබූ කියන පුද්ගලයින් ගැන හෙළි කිරීම වැදගත්, එක අතකින් වැදගැන්මක් නැති ලඳබොළඳ කතා බහක් වුවත් ඔවුන්ගේ උත්සහය පරාජය කළ යුතුයි, එළවා එළවා පහර දිය යුත්තේ පුරාවිද්‍යාත්මක කරුණු වලින්,  මෝඩ  ශ්‍රධාවන්තයා මුළා කිරීමට වඩා බරපතල වන්නේ තරුණ ප්‍රජාව මුළා කිරීමයි. අනාගත සමජය මුළා කිරීමයි. එපමණක් නොව චීවරය දරාගත් පිරිසක්,  යොදා ගැනීමේ සැඟවුනු  රහස කුමක් ද? 

භික්ෂුව සතු සමාජ බලය හෑල්ලුවට පත් කිරීමයි. හාස්‍යයට පත්කිරීමයි. එයයි මෙහි යටි අරමුණ.

බුදුන්වහන්සේගෙ උපත ලංකවෙ ද?  ඉන්දියාවේ ද ? ( ලුම්බිණිය )

* අනාගමිකයින්ගෙ තවත් උත්සාහයක්, බුදු උපත පිළිබඳව බොදු ජනතාව අතර ඇතිකිරීමට දරණ විචිකිච්චාව. මේ සඳහා ගිහි කුලීකරුවන් පමණක් නොව මුදලට ලොල්වූ සිවුරු පොරවාගත් කුලීකරුවන් ද සිටින බව තහවුරු වී හමාරයි.

* අනාගමිකයින් ගෙ උත්සාහයන් හුදු අයාලේ යන බොළඳ කාරණයක් නොව ලෝක දේශපාලනය බැඳී පවතින්නක්, ගෝලීයකරණ දේශපාලනය හා බැඳී පවතිනක්, අප තේරුම්ගත යුත්තේ එයයි. ආගමික විශ්වාසයන් අකාමකා දමා ඕලාරික සමාජයක් බිහි කිරීම නව ලිබරල් වාදයේ  උවමනාවක් . එවැනි පිංපි සමාජයක් බිහි වූ පසු රට ග්‍රහනයට ගැනීම පහසු නිසයි.

* බුදු උපත ලුම්බිණියෙ සිදුවූ බවට පොත පතේ - වංශ කතාවල -  දේශාටන වාර්තාව - ශෙල්ලිපි මගින් -  පුරාවිද්‍යාත්මක කැණීම් වලින් -  රසායනික විද්‍යාත්මක පරීක්ෂණ වලින් තහවුරු වී ඇත.

* එම කරුණු කාරණා එකින් එක පෙළගස්වා බලමු  ->

1. සැදැහැවතුන් විසින් වන්දනාමාන කළයුතු ස්ථානයක් ලෙස බුදු උපත සිදුවූ ස්ථානය හඳුන්වා දී ඇත්තේ මහා පරිණිබ්බාන සූත්‍රයයි.

 ( දීඝනිකාය - සූත්‍ර පිටකය.)

2.  ක්‍රි.පු. 249 දී ධර්මාශෝක රජු ලුම්බිණියට පැමිණ පිහිටවූ  ශිලා ස්ථම්භය හා ශෙල් ලිපිය.

( උපගුප්ත මහ රහතන් වහන්සේ විසින් මෙම ස්ථානය බුදු උපත සිදු වූ ස්ථානය ලෙස රජුට පෙන්වා ඇත.)

3. ක්‍රි.ව. 300 දී සෙං සායි චීන භික්ෂුවගේ දේශාටක වාර්තාව .

4. ක්‍රි.ව. 406 දී පාහියං චීන භිෂුවගේ දේශාටක වාර්තාව .

5. ක්‍ර්‍රි.ව. 634 දී හියුං සාං චීන භික්ෂුවගේ දේශාටක වාර්තාව .

( මෙම හැම දේශාටක වාර්තාවකින්ම -  අශෝක ස්ථම්භය - ශෙල් ලිපිය - මායාදේවී විහාරය ඇතුළු විහාර සංකීර්ණය -  පොකුණු හා වටපිටාව ගැන පරස්පරයකින් තොරව එකසේ විස්තර සපයා ඇත. එය අතිශයින්ම වැදගත් කාරණයකි, තමන් ඇසින් දුටු දේ පමණක් නොව ප්‍රජව මුණ ගැසී ඔවුන්ගෙන් ද තොරතුරු රැස්කර ඇත,  

6. ක්‍රි.ව. 1312 දී ලුම්බිණිය වැඳ පුදා ගැනීමට පැමිණි  නේපාල රිපූ රජු විසින් ද අශෝක සෙල් ලිපියේම  තැබූ සටහන.  

" ඕම්මනි පද්මේ හූම් රිපු මල්ල චිරං ජයතු

7. 1896 දී එවක ඉන්දීය ආණ්ඩුකාර  ජෙනරාල් බඩ්ඩා ෂම්මර් හා බ්‍රිතාන්‍ය පුරාවිද්‍යා මහාචාර්ය ඇලෝසියස් ෆයිසර් දෙදෙනා විසින් එවක කැළෑවෙන් වැසීගිය  මෙම ස්ථානය පරීක්ෂාකර සංරක්ෂණය කිරීමේ නූතන යුගය ආරම්භ කළේ.

8. ක්‍රි.ව. 1896 දී  කැණීම් ආරම්භ කළ පසු , ජර්මන් ජාතික පුරාවිද්‍යා මහාචාර්ය ඇන්ටන් ජුසේ විසින්  අශෝක ස්ථම්භය සොයාගනු ලැබුවා. 

9. ක්‍රි.ව. 1899 දී  පී. සී. මුජිබර් , 1903 දී ජෙනරාල් කේෂර් සම්සර් සහ 1956 දී නේපාල මහේද්‍ර රජු, ලුම්බිණියට පැමිණ සංරක්ෂණ කටයුතුවලට මැදිහත් වූවන් .

10.  ක්‍රි.ව. 1967 අප්‍රේල් මාසයේදී  එක්සත් ජාතීන්ගෙ මහ ලේකම් යූ තාන්ට් ලුම්බිණියට පැමිණ , ජාත්‍යන්තර සහාය ලබාදීමට කටයුතු කළා.  එහි ප්‍රතිඵලයක් ලෙසයි,  යුනෙස්කෝව මැදිහත් වී ලුම්බිණිය ලෝක උරුමයක් බවට පිළිගන්නේ 

11. ක්‍රි.ව. 1970  කැණීම්වලින් අශෝක ටැම් ලිපිය සොයා ගනු ලැබුවා . මෙම සෙල් ලිපිය මගින් ලුම්බිණිය පිළිබඳව එතෙක් පැවැති අදහස් - මතිමතාන්තර වඩාත් තහවුරු කළා. 

" හිද බුද ජාතෝ .............."

12 . සෙල් ලිපියේ සිංහල පරිවර්තනය  ->

     "  දෙවනපියදසී රජුගේ රාජ්‍යත්වයෙන් අවුරුදු 20 ක් ගිය කළ, මෙහි සාක්‍යමුණි උපන්නේ යයි  සළකා තමාම  පැමිණ  ගෞරව කළේය . භාග්‍යවතුන් වහන්සේ මෙහි උපන්නේ යයි අසා දැඩි ඇල්මෙන් යුක්තව ශිලා ටැඹක් පිහිටුවීය.  ලුම්බිණී ග්‍රාමය බද්දෙන් නිදහස්කොට අර්ථලාභ ඇතිකළේය. "

   පරිවර්තනය -  මහාචාර්ය අභය ආරියවංශ .

13.  ක්‍රි.ව.  2011 දී  එංගලන්තයේ  ඔරිහෑම් විශ්වවිද්‍යාලයේ  පුරාවිද්‍යා  මහාචාර්ය රොබින් කණින්හැම් මහතා විසින් නේපාල, ඉන්දියානු හා ජපන් පුරාවිද්‍යයින් වන ඩෙවලා ,  මිත්‍රබාබු, ක්‍රිෂ්ණ , රිජාල්  සමග සිදුකළ කැණීම්වලින්  " මයාදේවි "  විහාරය සොයාගනු ලැබුවා . 

14 . මෙහිදී  සොයාගත් කැටයම් සහිත ගසක පොත්තක් ඇමෙරිකාවේ දී කාබන් 14 රසායනික  පරීක්ෂණයට ලක් කිරීමෙන් පසු හෙළි වූ කරුණු අතිශයින් වැදගත්. එමගින්  ලුම්බිණියේ ඉදිකිරීම් ක්‍රි.පූ. 6 වන සියවසට අයත් බව විද්‍යාත්මකව තහවුරු කළා.

(නෝර්වේ කුක්කන් ඒගැන නන්දොඩවනවා

15. ක්‍රි.පූර්ව 6 වන සියවස බුදුන්වහන්සේගෙ ජීවමාන කාලපරිච්චේදයයි .  බුද්ධ පරිනිර්වාණය සිදුවන්නේ ක්‍රි.පූර්ව 544 දී.

16. ලුම්බිණිය අශෝක රජුගෙ නිර්මණයක් මිස සැබෑ බුදු උපත සිදු වූ ස්ථානය නොවේ යයි  ගොඩනගා තිබූ  මතය ද, ලංකාවේ උපන්නේ යයි සංවිධානාත්මකව ගෙන යන බෞද්ධ විරෝධීන්ගෙ මතය ද,  සුනුවිසුනු විය. 

17. එපමණක් නොව නෝර්වේ කුක්කන්ගෙ තවත් තර්කයේ වන්නේ , බුදු උපත ඉන්දියාවේ සිදු වූ බව කියන්නේ සුද්දන් බවත් , එය සුද්දන්න්ගේ කූට ක්‍රියාවක් ලෙසයි.  සුද්දන්ගේ මුදලින් යැපෙන ඩොලර්වලට රට, ජාතිය , ආගම පාවා දෙන මොවුන් සැබැවින්ම සුද්දන්ට එරෙහිවීමක් නොව එය අප රැවටීමටයි එසේ කියන්නෙ.

සාමාන්‍ය ජනතාව තුළ පවතින සුද්දන්ට එරෙහි විරෝධයට, අවිශ්වාසයට මුවාවී,  ඔවුන්ගේ බොරුව විරෝධය සමග මුසුකිරීමට දරණ කුපාඩි උත්සායකි. 

18. බුදු උපත ලුම්බිනියේ යයි කීම සුද්දාගෙ බොරුවක් බව කියන නෝර්වේ කුක්කන් ක්‍රි.ව. 300 දී සෙං සායි , ක්‍රි.ව. 406 දී පාහියං ක්‍රිව 634 දී හියුං සාං චීන භික්ෂූන් ගේ වාර්තා ගැන කතා කරන්නෙ නැත, ලෝක ඉතිහාසයේ ඇති වැදගත්ම දේශාටන වාර්තා වන්නේ මෙම දේශාටන වාර්තායි ,  ලුම්බිණිය වැඳ පුදා ගැනීමට පැමිණි මෙම භික්ෂූන් වහන්සේලා ඒ බව සටහන් කළා පමණක් නොව ලුම්බිණියේ වටපිටව පමණක් නොව , වෙනත් බෞද්ධ පූජනීය ස්ථාන ගැනත් ,  ලුම්බිණිය වැඳ ගැනීමට වෙනත් රටවලින් භික්ෂූන්ගේ පැමිණීම ගැනත්,  තම ගමන් මාර්ගයේ තොරතුරු ගැනත් විස්තර සපයා ඇත.  පාහියං භික්ෂුව ලංකාවටත් පැමිණි අතර  මෙහි පුද බිම් ගැනද විස්තර සපයා ඇත. තමන් විසින්ම  නිරීක්ෂණය කර, විවිධ පුද්ගලයන්ගෙන් තොරතුරු රැස්කර ඇති

මෙහි සුවිශේෂත්වය වන්නේ දේශාටන විස්තර  වාර්තා සමාන වීමයි,  අවුරුදු 100 - 200 -300 පරාසයක් තුළ ලියා ඇතත් පරස්පර නොවීමයි. ඒ නිසා එම වාර්තාවලින් හෙළි කරුණු අතිශයින් ප්‍රබලයි.  නෝර්වේ කුක්කන් ඒ ගැන හා හූවක් නැත.  බුදු උපත ලුම්බිණියේ සිදු වූ බවට වෙනත් මූලාශ්‍රයක් අවශ්‍ය නැත. 

19. ලුම්බිණිය පිළිබඳව තොරතුරු යුනෝස්කො වෙබ් පිටුවෙන් ද දැක ගත හැකිය, 

20. මේවන විට ලංකාවේ බුදු උපත සිදුවූ යයි කියන කණ්ඩායම් 4 කි. 

මීවන පළාතේ භික්ෂුව "හිරිවඩුන්න ", තවත් කණ්ඩායමක් මැදවචිය ඉසින් බැස්ස ලෙන, තවත්  කණ්ඩායමක් අනුරාධපුර අභය ගිරිය, තවත් පිරිසක් තෙල්දෙනියෙ බඹරගල .  -   මාර වැඩක් නෙ, මේ හාදයින්ට අනුව බුදුන්වහන්සේ ලංකාවෙම 4 පළක ඉපිදිලා.  -

21. මෙම කණ්ඩායම් වලින් මීවනපළතේ කණ්ඩාමට නොර්වේ මුදල් ලැබෙනවා.

FB එකේ කුලී හමුදාවක් ඉන්නවා මීට පක්ෂව ලියන්න. කවුරුන් හෝ අදහසක් පළ කළොත් බලු රෑනක් වගේ වටකර බොරු බේගල් ඇද බාන අතර මඤ්ඤං ප්‍රශ්න අසනවා.

22. මේ කිසිවෙක් ඉතිහාසඥයන් හෝ පුරාවිද්‍යාඥයින් නොවේ, ඔවුන් අතර උසාවියේ ගාස්තුවට පෙනී ඉන්න නීතිඥයින් කිහිප දෙනෙක් , රැවුල වවාගත්තු, කොණ්ඩේ වවාගත්තු , තට්ටෙ පෑදුනු කිහිප දෙනෙක් මේ මතය වෙනුවෙන් පෙනී ඉන්නවා. ඔවුන්ගේ සුදුසුකම් දිග රැවුල, දිග කොණ්ඩය හා තට්ටයයි.

23.  මේ තරම් සෙල්ලිපි තියෙන රටක , මහාවංශය ඇතුළු ඓතිහාසික පොත්පත් තියෙන රටක, බුදුරදුන් ලංකාවෙ උපන් බවට ඍජු සධකයක් නැහැ.  එහෙම   නැති වුනාට , සෙල්ලිපි වල, පොත්පත්වල වචන ඇහිඳ ගෙන , කෑලි ඇහිඳ ගෙන වැරදි අර්ථකථන දෙනවා සාමාන්‍ය අයව මුලා කරන්න. 

24. බොහෝ දෙනා මෙලෙස බටහිර මුදල්වලින් ගෙන යන මේ පාහර ක්‍රියාව ගනන් ගන්නෙ නැහැ. හාස්‍යයට ලක්කරනවා. මෝඩයො කියනවා,  

       සැබැවින්ම ඊට එහා දෙයක් මෙහි ගැබ් වෙනවා, මේ කුක්කන් සමග FB එකේ වාද කළා, ඔවුන් උත්සාහ ගන්නේ මාතෘකාව වෙනතකට යොමු කරන්නයි, ඍජුව මාතෘකාවට අනුව කතා කරන්නෙ නැහැ. 

 මෙය බරපතල කාරණයක්, නෝර්වේ රට ලංකාවෙ ඊළමක් හදන්න ක්‍රියාත්මක වූ රටක් බව බොහෝ දෙනාට දැන් අමතකයි, එදා ඊළමක් වෙනුවෙන් පෙනී සිටි නෝර්වේ විදේශ ඇමැති දැන් රනිල්ගෙ උප දේශකයෙක් .  

25.  මෙහි අරමුණ කුමක්ද ? 

මේ සඳහා යොදාගෙන ඇත්තේ චීවරධාරීන් පිරිසක්, කුමන්ත්‍රණකරුවන්ගේ  මුදලට ලොල් වී මේ ජඪ වැඩේ කරනවා, චීවරය දරාගෙන බුදුන්වහන්සේ උපන් ස්ථානය ගැන  මෙසේ වැරදි මත පළ කරන විට,  චීවරයට- භික්ෂුවට ඇති බෞද්ධ ජනයාගෙ  ගෞරවය නැති වෙනවා, ශ්‍රද්ධාවන්ත බෞද්ධයන්ගේ භික්ෂුවට ඇති ගෞරවය නැතිකරන්න යොදා ඇති හොඳම උපායක් - උගුලක් බවයි මගේ හැඟීම, සිංහල බෞද්ධ සමාජයේ එක් ආරක්ෂකයෙක් භික්ෂුව,එම ආරක්ෂකයා වනසා දැමීමේ උපායකි මෙය.

එසේ නම් ලුම්බිණිය බුද්ධ කාලීන නිර්මණයක් බව විද්‍යාත්මකවත් ඔප්පුවන යුගයක  බුදු උපත සිදුවූයේ කොහිදැයි ව්මසිය හැක්කේ අංගොඩ නේවාසිකව ප්‍රතිකාර ලබන මානසික ලෙඩුන්ට පමණි.

නමුත් මෙය මානසික ලෙඩුන්ගේ ක්‍රියාවක් නොව ,  සමස්ථ භික්ෂු සමාජයට බෞද්ධයන් ලවාම  අවමන් කිරීමට, හෑල්ලුවට පත්කිරීමට දරණ ගෝලීයකරණ  කුමන්ත්‍රණයකි.

(අන්තර්ජාලයෙන් උපුටාගන්නා ලදී)