රුවන් රණසිංහ විකේතනය කරමු!

Jul 19, 2026 at 06:39 AM

|

Lanka Leader

සංචාරක නියෝජ්‍ය ඇමති 'මහාචාර්ය' රුවන් රණසිංහ දෙවෙනි වතාවටත් ආතල් එකක් දුන්නා.

මීට පෙර ඔහු සුද්දියො එක්ක පපරේ නැටුවා. 

දැන් අශ්වයො පිටේ ගිහිල්ලා පෙයාර්ස් කෑවා.

රුවන් රණසිංහගේ මේ හැසිරීම තේරුම් ගන්න නම් ඊට කළින් රුවන් රණසිංහ කවුද කියලා තේරුම් ගන්න ඕන.

රුවන් රණසිංහගේ Phd එක තියෙන්නේ චීනයේ. චීනයේ උපාධි වර්ග දෙකක් තියෙනවා. එකක් තියෙනවා ඇත්තටම ඇකඩමික් වැඩ කරලා ගන්න ඒවා.

ඊලගට දේශපාලනය කරලා ගන්න ඒවා. ලංකාවේ වාමාංශික දේශපාලන පක්ෂ වලට චීනයේ සහ රුසියාවේ එවැනි උපාධි කෝටා එකක් ලැබෙනවා.

රුවන් රණසිංහ කවදාවත් තමන්ගේ ඇකඩමික් පසුබිම ගැන, රීසර්ච් ඒරියා ගැන කතා කරලා තියෙනවා දැකලා තියෙනවද ? 

ඔහු කතා කරන්නේ නැහැ.

ඔය 'ඊනියා' මහාචාර්යවරයා වැඩ කළේ ඌව වෙල්ලස්ස විශ්ව විද්‍යාලයේ. එතුමගේ ගුරා එතුමාගෙ පක්ෂයෙත් ගුරා. ලංකාවේ විශ්ව විද්‍යාල පද්ධතිය වැඩ කරන හැටි.

රුවන් රණසිංහ කුලියාපිටියේ. අන්තම දුප්පත් පවුලක ඔහු.

එතුමාගේ ගෙදර තියෙන්නේ ප්‍රධාන පාරෙන් කිලෝමීටර බර ගානක් ඈතක.

පාර ඉවර වෙලා වාහන මග නවත්තලා නියරක් දිගේ පයින් ඔහුගේ ගෙදරට යන්න ඕන.

මම ඔහුගේ පසුබිම හාස්‍යයට ලක් කරනවා නෙවෙයි, ඔහුට මෙහෙම වුණේ ඇයි කියලා තේරුම් ගන්න මේ පසුබිම වැදගත්.

එහෙම රුවන් රණසිංහ තමන්ගේ ලෝකය හදාගන්නේ ජවිපෙ දේශපාලනයෙන්.

ඔහු ගමෙන් කොළඹ එන්නේ ජවිපෙ නිසා. 

ඔහු පෝනියා පිටේ ගිහින් පෙයාස් කන්නේ මේ පසුබිම නිසා.

රුවන් රණසිංහගේ අභ්‍යන්තර හීනමානයේ 'ලොකු පොරක්' වෙන්න නම් කරන්න ඕන වැඩ තියෙනවා.

ඔහු දැකපු ෆ්‍රේම් එකක් තියෙනවා.

රුවන් රණසිංහලාගේ ගැටළුව ඔවුන් නිර්ප්‍රභූන් වුනත්, ඔවුන් නිර්ප්‍රභූත්වය මාකට් කළත් ඔවුන්ගේ අභ්‍යන්තර ආශාව තියෙන්නේ ප්‍රභූන් වෙන්න.

ප්‍රභූන් වගේ සැලකුම් ලබන්න. ප්‍රභූන් කරන වැඩ කරන්න. 

අශ්වයො පැදීම ප්‍රභූ වැඩක්. 

ඔහු බලන් ඉන්න මිනිස්සුන්ට දැවැන්ත විහිලුවක් වෙන වැඩක් වුනත් ආඩම්බරෙන් හිතට අරන් කරන්නේ ඒකයි.

ඔහු අශ්වයා පිට නගිද්දී එතැන ඉඳපු පිරිස කතා දෙකක් කියනවා.

"අපේ ඇමතිතුමාට D.S ට වෙච්ච දේ වෙයිද දන්නේ නැහැ"

D.S මැරුනේ අශ්වයාගෙ පිටෙන් වැටිලා. (මේ වගේ කනාටු පෝනියො නෙවෙයි, ඒ කාලේ විදේශයන්ගෙන් ගෙන්නලා බ්‍රීඩ් කරලා, පිලිවෙලට පෝෂනය කරලා හදපු ඇත්තම අශ්වයො)

නිර්ප්‍රභු රුවන් රණසිංහ සහ ඔහුගේ පිරිසෙ යටිහිතේ තියෙනවා පොනියා පිට නැගලා ගිහින් ඩී. එස් වගේ වෙන්න. ඒ පන්තියට ඇතුල් වෙන්න.

"බයිසිකලේකට නගිනවා වගේ නගින්න"

හැබැයි රුවන් රණසිංහට පෝනියා පිටේ නගින්න බැරි බව එතැන මිනිස්සු දන්නවා.

රුවන් රණසිංහ D.S ගේ පන්තියට ඇලුම් කළාට ඔහුට අශ්වයා පිටේ යන්න බැහැ.

අශ්වයො පිටේ නැගලා නැති වුනාට ඔහු බයිසිකල් පැදලා තියෙනවා.

ඔවුන් රුවන්ගේ මට්ටමින් දෙන උපදෙස තමයි "බයිසිකලයකට නගිනවා වගේ නගින්න"

එතැන දී රුවන් වහගන්න හදන  නිර්ප්‍රභූත්වය එළියට එනවා. මිනිස්සුන්ගේ හිතෙත් ඔහු ඩී. එස් ට ඇන්දුවට, ඔහු නිර්ප්‍රභූ බව පේන්නට තියෙනවා.

රුවන් බයෙන් ගැහි ගැහි, ඒ බය මකාගන්න හයියෙන් දොඩව දොඩවා පෝනියා පිටේ යනවා.

ඊටත් වඩා ජෝක් විදියට ඔහුගේ පසුපසින් මාලිමාවේ මන්ත්‍රී වෙච්ච ටියුෂන් කාරයෙක් පන බයේ ගැහි ගැහි පෝනියා පිටේ එනවා (බුවාගේ නම මතක නෑ) (රුවන් නටන දවසෙ බුවාත් නැටුවා) 

ඔය මාලිමා ආණ්ඩුවේ 'කෝට්' එකත් එක්ක බැඳිලා ඉන්න උත්සාහ කරන බුවාලගෙන් එක්කෙනෙක් රුවන් රණසිංහ.

ඔවුන් කෝට් එකෙන් හොයන්නේත් ප්‍රභූත්වය. පෝනියා පිට උඩ නැගීම වගේම තමයි.

දැන් මහාචාර්ය, සංචාරක නියෝජ්‍ය ඇමතිට නොතේරෙන කරුණු මේවා!

* පෙයාර්ස් මැජික් වෙන්නේ ලංකාව වගේ රටකට විතරයි. ලෝකයේ ඉඳලා ලංකාවට පෙයාර්ස් කන්න කිසිම මනුස්සයෙක් එන්නේ නැහැ.

ලංකාවට එන සංචාරකයන්ට පෙයාර්ස් මැජික් නැහැ.

අඩුම තරමේ ඉන්දියාවේ පෙයාර්ස් පාරේ විකුණනවා රුපියල් විස්සයි. ලංකාවටත් පෙයාර්ස් ගෙන්නන්නේ චීනයෙන්. 

ඉන්දියන්කාරයොන්ටවත් පෙයාර්ස් මැජික් මැහැ.

සුද්දොන්ට සහ විදේශිකයන්ට පෙයාර්ස් මැජික් නැති බව, පෙයාර්ස් මැජික් රුවන් රණසිංහට තේරෙන්නෙ නැහැ.

* වර්තමාන සමාජයේ ලංකාවේ දි පෝනියො උඩ ගමන් කිරීම හද්ද ග්‍රාම්‍ය වැඩක්. අපේ ඇස් වලට ඒක සත්ත්ව හිංසාවක්.

අර ගම් වලින් කොළඹ ආපු මිනිස්සු සහ මුස්ලිම් පවුල් වල මිනිස්සු ගෝල්ෆේස් එකේ ඉන්න නාටු ගැහිච්ච පෝනියො පිටේ තමන්ගේ ළමයි යවලා රුපියල් සීයක් ගෙවලා ග්‍රාම්‍ය සතුටක් ලබනවා.

පෝනියො නාටු වෙලා. බලන් ඉන්න අපිට ඒක ඉතාම අවර ගනයේ වැඩක්. සත්ත්ව හිංසාවක් 

හැබැයි අපේ රටේ නියෝජ්‍ය ඇමතිවරයෙක් වූ රුවන් රණසිංහට තාම තියෙන්නේ ගම් වලින් කොළඹ ඇවිල්ලා, ගෝල් ෆේස් එකේදි අශ්වයා පිටේ ළමයා යවලා ෆොටො එකක් ගහන ගැමියෙක්ගේ මනසක්.

* සුද්දො ගහෙන් පෙයාර්ස් කඩලා හෝදන්නෙවත් නැතුව එහෙමම කටින් කාලා, පොතු බිමට දාන්නේ නැහැ.

සුද්දො තියා ලංකාවේවත් ශිෂ්ඨ මනුස්සයෙක් එහෙම කෑම කන්නෙ නැහැ. 

ඒවා ග්‍රාම්‍ය වැඩ. රුවන් රණසිංහ තාම ඉන්නේ එතන. ගහෙන් කඩන් හෝදන්නෙ නැතුව, කපන්නෙ නැතුව, කාලා පොතු බිම දාන ග්‍රාම්‍ය තැනක.

ඩී. එස් වගේ වෙන්න හැදුවට පන්තිය ප්‍රකාශයට පත්වෙන හැසිරීම් ඔබ හොඳින් නිරීක්ෂණය කළොත් පෙනෙනවා.

* පීකෝ ට්‍රේල් කියන්නෙ සුද්දොම ලංකාවේ හොයාගත්තු දෙයක්. ලංකාවේ පීකෝ ට්‍රේල් එක හැදුවෙත් ස්පාඤ්ඤකාරයෙක්.

සුද්දො එතැන දී එන්ජෝයි කරන්නේ ඇවිදීම මිසක් නාටු ගැහිච්ච පෝනියො පිට යෑම නෙවෙයි.

අඩුම තරමේ ලංකාවට එන සුද්දො එතනින් මිදිලා. ඔවුන් තායිලන්තයට අලියා පිටේ යන්න ගියාට ලංකාවට එන්නේ ඊට වඩා සිවිලයිස්ඩ් වැඩකට 

හැබැයි අපේ සංචාරක නියෝජ්‍ය ඇමති රුවන් රණසිංහ ඉන්නේ එහෙම මානසිකත්වයක.

"සුද්දො සහ අපි පෝනියො පිටේ යනවා" වගේ තැනක.

මේ මානසිකත්වයේ ඉන්න බුවාලගේ ඊලග කඩයිම තමයි ළමයි කොළඹ 'හොඳ' පාසල් වලට දැමීම. 

ඒක අතිරේක කතාවක්. (පසුව ලියමි)

කොහොම වුනත් මේ තමයි නිර්ප්‍රභූත්වය මාකට් කළාට, ප්‍රභූත්වය පිළිබඳ හීන දකින රුවන් රණසිංහලා.

මොවුන් ඇමති ධූරය සහ දේශපාලනය පාවිච්චි කරන්නේ තමන්ගේ පුද්ගලික ජීවිතයේ ඇරියස් කවර් කරගන්න. 

මේ උදවිය දැන් කරන්නේ එක එක සල්ලිකාරයො එක්ක බ්ලැක් ලේබල් බිබී (රුවන් දන්න හොඳම බෝතලය) පාටි දාන එක. 

මේ වගේ බුවාලට දේශපාලන බලය හිමි වීමේ ජාතික ගැටලුව තමයි මොවුන්ගේ අභ්‍යන්තර අරගල වලට කතා කරන තක්කඩියන්ට පහසුවෙන්ම මොවුන් පාවිච්චි කළ හැකි වීම.

මොවුන් නටවන්න උවමනා බෝතලයක් සහ අපාර්ට්මන්ට් එකක්. එතැන සිට ඕනෑම තක්කඩියෙකුට මොවුන් ලවා ඕනෑම වැඩක් කරගත හැකියි.

මොවුන්ගේ හැසිරීම විකේතනය කළාම අවසාන සත්‍යය තමයි, මොවුන් ප්‍රභූන්ට වෛර කරන්නේ ඔවුන්ට ප්‍රභූන් වීමට නොහැකි වූ නිසා විතරයි.

ඔවුන් නිර්ප්‍රභූත්වය සමරන්නෙ නැහැ. ඔවුන් තමන්ගේ නිර්ප්‍රභූ අනන්‍යතාවයට වෛර කරනවා. හැබැයි ඔවුන් වචනයෙන් පරිසමාප්ත අර්ථයෙන්ම, හැසිරීමෙන්ම ප්‍රභුත්වයට සැතපුම් ගණනක් දුරයි.

හැබැයි ඒ රුවන් රණසිංහ යනු සමස්ථ ජවිපෙ දේශපාලනයේ එක් හරස් කඩක් පමණයි. ජවිපෙ ඉතිරි බුවාලගෙත් කිසිම වෙනසක් නැහැ.

- සචින් රත්වත්ත