ඇයි ආණ්ඩුව රජයේ සේවකයින්ට සහල් කිලෝ 20 ක් දෙන්නේ? - ඇත්ත කතාව..

Jun 29, 2026 at 07:31 AM

|

Lanka Leader

- ආණ්ඩුව අප්‍රේල් මාසයේ සහල් කිලෝ කෝටි 15 ක් ඉන්දියාවෙන් ආනයනය කලා. ඒ පොන්නි සම්බා. කිව්වේ කීරි සම්බාවල මිල බස්සන්න මේ ආනයනය කලා කියලා.

- ආණ්ඩුවට උපදෙස් දෙන සෙට් එක කිව්වේ කීරි සම්බා මිල වැඩිවීමට හේතුව අවශ්‍ය තරම් තොග නැති නිසා කියලා. හැබැයි පොන්නි සම්බා කිලෝ කෝටි 15 ක් ගෙනල්ලත් කීරි සම්බා මිල අඩු උනේ නම් නෑ. 

- ගෙනාපු පොන්නි සම්බා අඩු මිලට අලෙවි වෙන කොට ගොඩක් තැන්වල ෆ්‍රයිඩ් රයිස්වලට ඒක භාවිත කරන්න පටන් ගත්තා. අදවන විට ආපනශාලාවල ෆ්‍රයිඩ් රයිස් සදහා යොදා ගන්නේ මේ ආනයනය කල සහල්.

- දේශීය නාඩු පරිභෝජනය කල පාරිභෝගිකයන් පිරිසකතුත් මේ පොන්නි සම්බාවලට මාරු උනා.

- ඒ නිසා දේශීය සහල් අලෙවිය විශාල ලෙස අඩු උනා. වී මෝල්වල වී ඉතිරියක් ආවා. වී මිල කඩා වැටුනා.

- ඒ අතරේ ආණ්ඩුව මිලට ගත්ත වී ටොන් 120,000 ට කරගන්න දෙයක් නැති උනා. මෝල්වලට ඉල්ලන්නේ තුට්ටු දෙකට. 

- දැන් කරන්න දෙයක් නෑ. ගබඩා හිස් කරගන්නත්  ඕන යල කන්නයේ වී මිලට ගන්න. 

- සහල් කිලෝ 20 බැගින් රජයේ සේවකයන්ගේ ඇගේ ගහන්න හදන්නේ මේ නිසා.

- කොහොම උනත් තියෙන තත්ත්වයේ හැටියට ගොවීන් හිතන තරම් ඉහල සහතික මිලක් නම් ඔවුන්ට ලැබෙන එකක් නෑ. ඒ වෙනුවට ගොවීන්ට යම් සහනාධාරක් දෙන්න ගොඩක් දුරට ඉඩ තියෙනවා.

- මේ වෙන දේවල් බලලා ලංකාවේ වෙළද ඇමති ගැන ඉන්දියානු ගොවීන් නම් සතුටු වෙනවා ඇති. මහ කන්නයේ අස්වැන්න ගෙට ගත්ත හැටියෙම සහල් ආනයනය කරන්න ඉතින්.....?

- ඉස්සර මෙයාලා විපක්ෂයේ ඉන්න කොටනම් කිව්වේ සහල් ආනයනය කරන්නේ කොමිස් ගන්න කියලා. කිලෝවට රු. 2 ගණනේ කොමිස් ගත්තත් මේ අප්‍රේල් මාසයේ විතරක් රු. කෝටි 30 ක බිස්නස් එකක්. ඒත් මෙයාලා එහෙම කරන එකක් නෑ.

(සමාජ මාධ්‍යයෙන් උපුටා ගන්නා ලදී)