වැල්ලවායේ වලං පොළොව ගහපු එකේ ඇත්ත කතාව..

Apr 13, 2026 at 08:49 AM

|

Lanka Leader

මම මගේ ඔෆිස් එක ඉස්සරහ  වාහනය පාක් කරන තැන ඒ මිනිස්සුන්ට දීලා.. මගේ පාඩුවේ ඉන්න වෙලාවේ වැල්ලවායේ  ප්‍රාදේශීය සභාවේ නිලධාරීන් ඇවිල්ලා ඒ පවුල් හයට පුදුම කරදරයක් දුන්නේ.  

මේ මිනිස්සු සෑම අවුරුද්දකම මේ ස්ථානය වලංං විකුණනවා ගිය අවුරුද්දෙත් විකුණනවා. ඒ අවස්ථාවත් මම තමයිදුන්නේ මගේ වාහනය අයින් කරලා මම හැමදාම වාහනය ගහන්නේ ඔතන දැන් අවුරුදු දහයක් තිස්සේ ඉතින් මේ කතාව සත්‍ය කතාවක් ඕන කෙනෙකුට ඇවිල්ලා ඒ ස්ථානේ බලන්න පුළුවන් ඒ නිසයි මේ කතාව මේ විදියට දිගහැරුවේ.

සමහර අය සම්පූර්ණ කතාව දන්නැතුව අරහෙන් මෙහෙන් අහුලගෙන ෆේස්බුක් එකේ වියුස් ගන්න දඟලනවා. ඒක කරන්න එපා. සත්‍ය කතා කරන්න බොරු ප්‍රචාරය කරන්න එපා මම මේ කතාවේ මුල ඉඳලා අග වෙනකන් දන්න නිසයි මේ කතාව මේ විදිහට ලියන්න තීරණය කළේ. අවුරුදු ගණනාවක් දන්න නිසා මේ අවුරුද්දේ තමයි ඔය විදියට උනේ ඒකට අසාධාරීන්ට එරෙහිව තමයි මම නැගී සිටියේ.    මම දිගින් දිගටම කතා කරලා කිව්වා ඔය වැඩේ කරන්න එපා කියලා ඒ නිලධාරීන් දැනුවත් කරා. මේ දවස් ටිකේ විතරයි මේ මිනිස්සුන්ට මේ දේ කරගන්න ඉඩ දෙන්න නමුත් මාත් එක්ක එකට එක කියාගත්තු ඒ නිලධාරීන් පසුව වැල්ලවාය ප්‍රාදේශීය  සභාවේ සභාපතිවරයාටත් මම කතා කරා. එතුමාගෙනුත් ඉල්ලීමක් කරා පුලුවන්නම් මේ මිනිස්සු වෙනුවෙන් මේ දවස් ටික දෙන්න කියලා නමුත් සභාපතිතුමා කිව්වේ වෙනත් ස්ථානයක දෙන්නම් ඔතන නම් බැහැ කියලා.  නමුත්   අන්තිමට ඒ මිනිස්සුන්ට යන්න කිව්වේ ටොයිලට් එකක් පැත්තට.  ටොයිලට් එකක් පැත්තේ ඒ වගේ බිස්නස් එකක් වෙන්නෙ නැහැ. ඒක කවුරුත් තේරුම් ගන්න ඕන ඒ අයට දුන්නේ ටොයිලට් එකක් පැත්තලු. ඉතින් බිස්නස් නැතුව ඒ පැත්තේ දාලා මොකටද. ඒ මදිවට රුපියල් 500ක ටිකට් කඩලා.  ඒක කරලා තියෙන්නෙ වැල්ලවායේ  ප්‍රාදේශීය සභාවේ නිලධාරීන්. එහෙම කරලත් මේ මිනිස්සුන්ට ඉන්න දෙන්නැතුව අන්තිමට වැල්ලවායේ  පොලිස් ස්ථානාධිපතිතුමාත් ඇවිල්ලා ඒ මිනිස්සු අයින් කරන්න හදන වෙලාවේ තමයි ඔන්න ඔය සිදුවීම සම්පූර්ණ වුණේ. 

ඊට පස්සේ මම oic මහත්තයටත් මතක් කරලා දුන්නා. මේ වැඩේ කරන්නඑපා මොකද මිනිස්සු මේ දවස්වල කීයක් හරි හොයාගන්න තියෙන චාන්ස් එක නැති කරන්න එපා කාටවත් කරදරයක් නෑ කවුද කියන්නේ මේකේ කරදරයක් වෙලා තියෙනවා කියලා. පේමන්ට් එකේ බඩු දාලා නැහැ. ඒක බොරුවක් ඕනම ඇස් දෙකක් තියෙන කෙනෙකුට පේනවා. බලන්න  oic  මහත්තය මේ මිනිස්සුන්ගෙන් කරදරයක් නැහැ කිසි කෙනෙකුට ඇයි මේ මිනිස්සු ඉවත් කරන්නේ? ඒ නිසා මේ මිනිස්සුන්ට  පාඩුවේ බිස්නස් එක කරගෙන යන්න ඉඩ දෙන්න.     

එහෙම ඇහුවෙත් නැතුව අන්තිමට එතන හිටපු වැඩිහිටි තාත්තා ජිප් එකට දාගෙන ගන්න හදන වෙලාවෙ තමයි නැවතත් ඕවයි සී මහත්තයට මම කිව්වේ සර් වැඩේ ඔහොම කරන්න එපා. ඒක හොඳ නෑ සර්ගේ තනතුරටත්  හොඳ නැහැ. සර් මනුස්සකමින් බලන්න මේක දිහා එතකොට සර්ට උනත්  මේකෙ ඇත්ත නැත්ත නැත්තඒ වෙලාවේ තමයි වයසින් මහත්තයා ඇත්තටම ඒ ගැන හිතලා හිතලා, ඒ මනුස්සයා ජීප් එකෙන් බැස්සලා පාඩුවේ බලන් හිටියේ මොකද වෙන්නේ කියලා. ඔය අතරතුරේ තමයි ඒ වලං ගෙනාපු අය මුට්ටි පොළොවේ ගහලා තමන්ගේ විරෝධය පෑවේ. ඒක ඇත්තටම ලොකු අසාධාරණයක් එතන හිටපු හැමෝම දැක්කා. නමුත් කවුරුත් ඉදිරිපත් වුණේ නෑ කතා කරන්න. ඒ වලං ගෙනාපු කොල්ලා මාත් එක්ක කිව්වා අනේ මහත්තයෝ! මමගෙදර ගෑනිගේ මාලේ උකස් කරලා තමයි මේ වලන් ටික ගෙනාවේ. මම උදේට කාලත් නෑ. අපේ පවුලේ කවුරුත් තාම කාලවත් නැහැ. ඉතින් තාම සල්ලි හොයාගන්න බැරි වුනා. අපෙන් සල්ලි ඉල්ලනවා වැල්ලවායේ  ප්‍රාදේශීය සභාවේ නිලධාරීන් ඇවිල්ලා. රුපියල් පන්දාහක් බඳින්නලු. එහෙම වුණොත් අර ටොයිලට් එක පැත්තෙන් දෙන්නම්ලු. ඉතින් මහත්තයෝ එහෙම වැඩක් නැහැ. මෙතන බිස්නස් එක තියෙනවා. ඔයාටවත් කරදරයක් නෑ නේද මහත්තයෝ ඔයාගේ වාහනේ දාගන්න තියෙන තැන නේද මට මේ දුන්නේ. ඉතින් මහත්තයලා නේද අපට එහෙමනම් කචල් දාන්න ඕන. එහෙම කරන්නැතුව මහත්තයලා අපට ඒ අවස්ථාවක් දුන්න ඇයි. මේ ප්‍රාදේශීය සභාවේ නිලධාරීන්ට ඒක තේරෙන්නෙ නැත්තේ ඇයි. ඒ මිනිස්සුන්ට මනුස්සකමක් නැත්තේ ඇයි. සභාපතිතුමාට මනුස්සකමක් තේරෙන්නේ නැත්තේ ඔහොම කියාගෙන කියාගෙන ගියා.  මම එයාගේ පිටට තට්ටුවක් දාලා කිව්ව ගණන් ගන්න එපා. ඔහොම තමයි මිනිස්සුන්ට තැලෙන යකඩ දැක්කට පස්සේ ආචාර්යා පු#ක උඩ දාගෙන තලනවා කියලා. ඒ නිසා කොල්ලෝ ගණන් ගන්න එපා මගේ ඔෆිස් එක ඉස්සරහා ඔය බඩු ටික තියාගන්න තියාගෙන විකුණගන්න. එහෙම කියල    මම සෑම අවුරුද්දකම  අසරණ මිනිස්සු වෙනුවෙන් ආහාර මඩු ලබාදීම කටයුතු කරනවා. මේ සැරේ ඒ විදිහට ආහාර මඩු ලබාදෙන්න කටයුතු කරා  ඔන්න ඔය අතරතුරේ තමයි මට මතක් වුණේ  මේ අයටත් ඒකෙන් කොටසක් දුන්නනම් හොඳයි කියලා ඊට පස්සේ මම ඒ පවුල් හයටම ආහාර මලු ලබා දුන්නා මලු හයක් ඒ පවුල් හයටම දීල කිව්වේ. ඔන්න ඉතින් මට කරන්න පුළුවන් දේ කරා. ඔයාලා ඔය ටික මගේ ඔෆිස් එක ළඟ තියාගෙන  විකුණගන්න වෙන කරන්න දෙයක් නැහැ. එහෙම කියල මගේ යුතුකම ඉටු කරා. ඔන්න ඕක තමයි එදා සිදුවීම ඇත්ත සිදුවීම සමහරක් වෙලාවට සමහරක් අය මේ සැබෑ සිදුවීම දන්නේ නැහැ. ඒ අවස්ථාවට විවිධ කට්ටිය ඇවිල්ලා වීඩියෝ කරාට සම්පූර්ණ කතාව ඕක තමයි. ඕකේ සම්පූර්ණ වීඩියෝ එකත් මා සතුව තියෙනවා. කාටහරි ඕන්නං ඒ වීඩියෝ එකත් දෙන්නම්. මේක තමයි ඇත්තම කතාව.

ආ තව එකක් කියන්න බැරි උනා අර ආපු නිලධාරීන්ට මම කිව්වේ ඔය ඔතන ඒ අය ඉවත් කරනවකරනව නම් ඊට කලින් ගොඩක් ඉවත් කරන්න තැන් තියෙනවා. ඒ නිසා එන්න යන්න මාත් එක්ක පෙන්නන්න කියලා ඒ නිලධාරීන්ට කතා කරාට පස්සේ ඒකටත් එකඟ වුණේ නැහැ. ඔවුන්ට ඕන වුණේ කාගේ හරි කියමනකට අර අහිංසක මිනිස්සු ඉවත් කරන්න. ඒකට මම තරයේ ප්‍රතික්ෂේප කරල එරෙහි වුණා. ඒ නිසා ඒ නිලධාරිනුත් අද මාත් එක්ක අමනාප වෙලා ඉන්නේ ඔන්න ඔය නිසා.  

වැල්ලවාය ප්‍රාදේශීය සභාවේ සභාපතිතුමනි. ඒ වගේම එම නිලධාරී මහත්ම මහත්මියනි මීට වඩා මිනිසුන් ගැන හිතන්න මනුස්සගමින් හිතන්න  අපේ බලය තාවකාලිකයි. අපේ රැකියාව සමහරක්වෙලාවට තාවකාලිකව වෙන්න පුළුවන්. නමුත් මනුස්සකම තාවකාලිකව පාවිච්චි කරන්න එපා මැරෙනකම්ම තමන්ගේ මනුස්සකම තියාගන්න. ඒ මනුස්සකමින් මේ විශ්වය බලාගෙන ඉන්නවා කිරි උතුරන්න ගෙනාපු මුට්ටිය පොළොවේ ගහන්න තරම් ආවේගයක් එනව කොල්ලෝ අතර, මේ කොල්ලා ඉවසුවා ඇති. අන්තිමට මේ කොල්ලන්ගෙන් පිටවුනේ මොකක්ද දන්නවද? මම වස කුප්පියක් බීලා මෙතන මැරෙනව කියල දරාගන්න බැරුව ඒ මනුස්සයා අඬ අඬා කියද්දි මම ළඟට ගිහිල්ල කිවුවා කොල්ලෝ බය වෙන්න එපා. මේ වැඩේ උඹ පුළුවන් විදියට කරගනියි. අවුරුද්දට මේ වෙළඳාම ඔබට සාර්ථක වෙනවා වැඩේ කරගෙන පලයන් ප්‍රශ්නයක් වුණොත් අපි බලා ගන්නම්. ඔහොම කියලා උගේ හිතේ තිබුණු කේන්තිය ටිකක් හරි මග හරින්න ඒ විදියට කිව්වා. 

ඒනිසා ඒ සිදුවීම එතැනින් නිමාව දුටුවත්  මේ වගේ සිද්ධි තවත් නොවන්නට සමාජය වග බලා ගත යුතුයි  ගංජා කුඩු වෙනත් අපරාධ මේ සමාජෙ ඕන තරම් තියනවා. ඒවා අල්ලන්න පොලිසියට පුළුවන් නමුත් මේ වගේ අහිංසක මිනිස්සුන්ගේ බඩට ගහන්න නම් පොලිස් නිලධාර මහත්වරුනි ඒ වැඩේ කරන්න එපා. ඔබටත් දරු පවුලක් ඉන්න වග අමතක කරන්නේ එපා.

දේශපාලඥයන්ගේ වචන වලට ඔබේ කාකි ඇඳුම පාවා දෙන්න එපා. ඔබ හොඳට ඉගෙන ගෙන ඔබ මේ සමාජයට යහපත් විදියට ජීවත් වෙද්දි එක එක දේශපාලඥයන්ගේ ක්‍රියා කලාපයන් වලට වැඩ කරන්න ගිහිල්ලා අන්තිමට ඔබ මිනිස්සු ඉස්සරහ හෑල්ලුවට ලක් කරගන්න එපා අන්තිමට ම්නිසුන්ගේ ගෞරවයද නැති කරගන්න එපා. එවැනි ස්ථානයට එන්න කලින් හොඳට හිතලා බලන්න. මේ ස්ථානයට ගිහිල්ලා මේ වගේ සිදුවීමක් වුණොත් සමාජයට ඔබ මුහුණ දෙන්නේ කොහොමද ඔබේ නිවසට ඔබ මුහුණ දෙන්නේ කොහොමද? ඔබටත් දරුවන්  සිටිනවා නේද? දෙමව්පියන් සිටිනවා නේද? ඔබේ ගෙදරත් ඔබ සතුටින් ජීවත් විය යුතුයි නේද?. මේ සිදුවීම ගැන හිතලා මින් ඉදිරියටවත් හැමෝම හොඳින් වැඩ කරයි කියලා අපි විශ්වාසය තබනවා.

- usp බණ්ඩාර  (මාධ්‍යවේදී)

මුහුණු පොතින් උපුටා ගන්නා ලදී