නාසිවාදයට එරෙහිව එක්සත් ජාතීන් වෙත ඉදිරිපත් වූ යෝජනාවට රටවල් 50ක් පමණ එරෙහි වෙයි

Dec 20, 2023 at 11:44 AM

|

Lanka Leader

එක්සත් ජාතීන්ගේ මහා මණ්ඩලය වෙත නාසිවාදය උත්කර්ෂයට නැංවීමට එරෙහිව රුසියාව විසින් කෙටුම්පත් කරන ලද යෝජනාවට ඊයේ(22) රටවල් 49ක් එරෙහිවී ඇති අතර රටවල් 118ක් යෝජනාව සම්මත කර ඇත.

මේ අතර සාමාජික රටවල් 14ක් ඡන්දය දීමෙන් වැළකී සිටියහ. ඓතිහාසික සංශෝධනවාදය හෙවත් පිළිගත් අදහස් සහ විශ්වාසයන්ගෙන් වෙනස් වන සහ විශේෂයෙන් වැරදි හෝ වංක ලෙස පෙනෙන ආකාරයෙන් වෙනස් කිරීමට උත්සාහ කරන අදහස් සහ විශ්වාසයන්ට සහාය වීම සහ දෙවන ලෝක යුද්ධයේදී සිදු කරන ලද මනුෂ්‍යත්වයට එරෙහි අපරාධ ප්‍රතික්ෂේප කිරීමට එරෙහිව සුදුසු ක්‍රියාමාර්ග ගන්නා ලෙස යෝජනාව මගින් එක්සත් ජාතීන්ගේ සාමාජිකයින්ගෙන් ඉල්ලා සිටියේය.

"නාසිවාදය උත්කර්ෂයට නැංවීම, නව-නාසිවාදය සහ සමකාලීන වර්ගවාදය, වාර්ගික වෙනස්කම් කිරීම්, විජාතික භීතිකාව සහ ඒ ආශ්‍රිත නොඉවසීම උත්සන්න කිරීමට දායක වන අනෙකුත් භාවිතයන්" උත්කර්ෂයට නැංවීමට එරෙහිව සටන් කරන ලෙස මොස්කව් පරිපාලනය විසින් දශක දෙකකට ආසන්න කාලයක් තිස්සේ සෑම වසරකම ඉහත යෝජනාව ඉදිරිපත් කරමින් සිටී.

ඊයේ(22) පැවැති ඡන්ද විමසීමකදී, එක්සත් ජනපදය, එක්සත් රාජධානිය, කැනඩාව, ප්‍රංශය, ස්පාඤ්ඤය, ජර්මනිය, ඉතාලිය සහ ජපානය මෙන්ම යුක්රේනය, ජෝර්ජියාව, ලැට්වියාව, ලිතුවේනියාව ඇතුළු එක්සත් ජාතීන්ගේ සාමාජික රටවල් 49ක් යෝජනාවට විරුද්ධත්වය ප්‍රකාශ කළහ. ඒ අතර තවත් රටවල් 14ක් ඡන්දය දීමෙන් වැළකී සිටි බවත් මාධ්‍ය වාර්තා පවසයි.කෙසේ වුවද සැසිවාරයේ සම්පූර්ණ වාර්තාව එක්සත් ජාතීන්ගේ සංවිධානය තවමත් ප්‍රකාශයට පත් කර නොමැත.

"බටහිර රටවල් සමූහයක් රුසියානු මුලපිරීම දේශපාලනික මෙන්ම රුසියානු කේන්ද්‍රීයව ඉදිරිපත් කළ  විශේෂිත ලියවිල්ලක් බවට වර නැගීමට උත්සාහ කළා." එක්සත් ජාතින්ගේ සංවිධානයේ රුසියාවේ ස්ථිර නියෝජිත Maria Zabolotskaya මාධ්‍ය වෙත පැවසීය. " රුසියාව ඉදිරිපත් කළ යෝජනාව මගින් ඔවුන්ගේ ගැටළු පිළිබිඹු වන බව යමෙකුට පෙනී යන්නේනම්, එම ගැටළු නිරාකරණය කර ගැනීමට කටයුතු කිරීම වැදගත් වන නමුත්, නව-නාසිවාදය, වර්ගවාදය සහ විජාතික භීතිකාවට එරෙහි එක්සත් ජාතීන් තුළ ගොඩ නැගෙන සහයෝගීතාවය අඩපණ කිරීමට උත්සාහ නොකළ යුතුයි." ZMaria Zabolotskaya වැඩිදුරටත් පැවසීය.

කෙසේ වුවද, ඡන්දයේ ප්‍රතිඵල “ඔවුන් වෙනුවෙන්ම පෙනී සිටිනවා” යනුවෙන් පැවසූ සබොලොට්ස්කය  චීනය, බ්‍රසීලය, ඊශ්‍රායලය ඇතුළු රුසියාවේ යෝජනාවට සහයෝගයට ඡන්දය දුන් සැමට කෘතඥතාව පළ කරමින් අදහස් දැක්වීය.

කෙසේ වුවද රුසියාව 2021 දී මෙම යෝජනාව එකසත් ජාතීන් වෙත ඉදිරිපත් කළ අවස්ථාවේදී එක්සත් ජනපදය සහ යුක්රේනය යන රටවල් දෙක පමණක් විරුද්ධ වූ අතර තවත් රටවල් 49 ක් ප්‍රධාන වශයෙන් වොෂින්ටනයේ සහචරයින් ඡන්දය දීමෙන් වැළකී සිටියහ. කෙසේ වෙතත්, 2022 දී,එම රටවල් ඡන්දය දීමෙන්  වැළකී සිටීම වෙනුවට,  ජර්මනිය, ඉතාලිය, ඔස්ට්‍රියාව සහ ජපානය අක්ෂයට අයත් රටවල් ඇතුළු සාමූහික බටහිරයන් ප්‍රථම වරට රුසියානු යෝජනාවට එරෙහිව ඡන්දය ප්‍රකාශ කළහ. https://www.rt.com/news/589356-unga-anti-nazism-resolution/