අම්බේඩ්කාර් තුමා පංච ශීලය සමාදන්වී බුදු දහම වැලඳ ගැනීම..

Mar 24, 2026 at 07:32 AM

|

Lanka Leader

👉 මේ දකින පින්තූරය කොහේ එකක් වෙන්න පුළුවන්ද? 

👉 මේ ලංකාව නොවෙයි නම් තායිලන්තය හෝ බුරුමය වැනි බෞද්ධ රටක් කියලා බොහෝ දෙනෙකුට හිතෙන්න පුළුවන්. 

👉 ඒත් මේ ලංකාව හෝ වෙනත් බෞද්ධ රටක් නෙමෙයි ඉන්දියාව කියලා කිව්වොත් බොහෝ දෙනෙකුට පුදුම හිතෙයි. 

👉 මේ ස්ථානය තමයි ඉන්දියාවේ ඉන්දියාවේ මහාරාෂ්ට ප්‍රාන්තයේ නාග්පූර් නගරයේ පිහිටා ඇති දීක්ෂ භූමි කියන ස්ථානය.  

👉 මේ ස්ථානයේදී තමයි ඉන්දියාවේ පළමු අධිකරණ ඇමතිවරයා වූ බීම්රාඕ අම්බෙඩ්කාර් මහතා ලක්ෂ පහක අතිවිශාල දලිත් ජනතාවක් සමග බුදුදහම වැලඳගන්නේ. 

👉 මේ සිදුවීම වුණේ 1956 ඔක්තෝබර් 14 වැනිදා. 

👉 එදා අම්බේඩ්කාර් තුමා තමන්ගේ බිරිඳත් එක්ක පංච ශීලය සමාදන්වෙලා නිල වශයෙන් බුදු දහම වැලදගත්තා. මේ අවස්ථාවට සහභාගි වූණු ලක්ෂ පහක පමණ දලිත් ජනතාවත් එදා බුදුදහම වැලදගත්තා. 

👉 මේක ලෝක ඉතිහාසයේ එක් දිනක් තුළ සිදුවූ දැවැන්තම ආගමික පරිවර්තනයක් විදිහට සැලකෙන සුවිශේෂී සිදුවීමක්. 

👉 මේ සුවිශේෂී දිනය හඳුන්වන්නේ ධම්ම චක්‍ර ප්‍රවර්තන දිනය විදිහට. අදත් එතුමාගේ අනුගාමිකයන් ඇතුළු බෞද්ධයන් මේ දිනය ඉහළින් සමරනවා. මේ පේන්නේ එවැනි අවස්ථාවක ඡායාරූපයක්. 

👉 අම්බෙඩ්කාර්තුමාගේ ක්‍රමය අනුගමනය කරමින් 2018 වසරේදීත් 55000ක පමණ විශාල දලිත් ජනතාවක් බුදු දහම වැලඳගෙන තිබුණා. 2023 වසරේදීත් මේ ස්ථානයේ එවැනිම දෙයක් සිදුවුණා. 

👉 ඒ අනුව අම්බෙඩ්කාර් එදා කළ ක්‍රියාව ඉන්දියාවේ බෞද්ධ පුනර්ජීවනයට අද දක්වාම බලපෑම් කරමින් තිබෙන සුවිශේෂී කටයුත්තක්. 

👉 ශ්‍රී ලංකාවේ ජීවත් වන බෞද්ධයන් ප්‍රමාණය මිලියන 15ක් පමණ වන විට වර්තමාන ඉන්දියාවේ මිලියන 10 පමණ විශාල බෞද්ධ ජනතාවක් ජීවත් වන අය බොහෝදෙනා දන්නේ නැහැ. 

👉 ඉන්දියානු ජනගහනයේ ප්‍රතිශතයක් විදිහට මේ ප්‍රමාණය 0.8ක තරම් පුංචි අගයක් වුණත්, සංඛ්‍යාත්මකව ඒ පිරිස ඉතා විශාලයි. 

👉 අම්බෙඩ්කාර්තුමා බුදු දහම වැලඳගෙන හරියටම දින 53කට පස්සේ 1956 දෙසැම්බර් හය වැනිදා එතුමා අභාවප්‍රාප්ත වෙනවා. 

👉 හැබැයි ඉන්දියාවේ බෞද්ධ ප්‍රබෝධය පිටුපස අම්බෙඩ්කාර්තුමාගේ මැදිහත් වීම තවමත් සජීවීව පවතින්නක්. 

👉 මේ පිළිබඳ වැඩි විස්තර සහිත වීඩියෝව ඔබට නෙක්ස්ට් පේජ් යූටියුබ් නාලිකාවෙන් නරඹන්න පුළුවන්.