අනුරගෙ යාපනය සහ නුවරඑළිය සංචාරයන් ඔහුගෙ සහ රටේ අනාගතයෙ දිශානතිය තීරණය කරනු ඇත..
අනුරගෙ යාපනය සහ නුවරඑළිය සංචාරයන් වලදි ජනතාව ඒකරාශී වීම ෆොටෝ ෂූට් එකක්, නාට්‍යයක් නොවේනම් එය රටක් විදිහට දකුණෙ ජනතාව ලැබූ ජයග්‍රහණයකි.
එහෙත් නිදහස් උත්සවයෙ ජනාධිපතිගෙ කැත චායාරූප ගත් කණ්ඩායම එළවා දමා ජනාධිපති මාධ්‍ය අංශයට අලුතින් බඳවා ගෙන ඇති චායාරූප ශිල්පීන් එළියට දාන චායාරූප මල් නාට්‍ය වල රූපරාමු සේය. ඒ නිසා ඒවා ව්‍යාජ රංගනයක්දැයි සැක සිතේ.
එය එසේ නොවේ යැයි උපකල්පනය කර මම මගේ අදහස ලියන්නෙම්...
උතුරු නැගෙනහිර සහ උඩරට වතුකරයෙ නිල නොවන ආධිපත්‍යය හිමි ඉන්දියාවට බව දේශපාලනයෙ අ යනු ආ යනු කියවන්න හැකි ඕන කෙනෙක් දන්නවා රහසකි. ද්‍රවිඩ ජනතාවගෙ චන්ද අභිලාෂයන් තීරණය කරන්නෙ ඉන්දීය පාලක දේශපාලනයයි. යාපනය යනු නිල නොලත් තමිල්නාඩුවකි.
මෙන්න මේ තමන්ගෙ ආධිපත්‍යය දකුණෙ නායකයෙක් සතු වෙනවාට ඉන්දියාව කැමති වේවිද...?
ගැටළුව එයයි...
කැමති වෙනවා නම් කැමති වෙන්නෙ එකම එක හේතුවකට පමණි. එනම් ඒ නායකයා තමන්ගෙ අණසකට යටත් ද්‍රවිඩ දේශපාලන පක්ෂ වලටත් වඩා සුචච කීකරු, ඉජූ ඉජූ කිව්වාම නැට්ට වනන තමන්ගෙ ව්‍යාපාරික සහ භූ දේශපාලනික අවශ්‍යතා ඉෂ්ඨ කර ගත හැකි රූකඩ නායකයෙක් නම් පමණි.
අනුර සහ ආණ්ඩුව ඉතාමත් වේගයෙන් එම ඉන්දියානු ව්‍යාප්තවාදයෙ බූවල්ලා විසින් ග්‍රහණය කරගනිමින් ඇත. ශ්‍රී ලංකාවෙ කොන්ද පණ නැති දුර්වල නායකයෙක් පත් කිරීම ඉන්දියාවෙ අරමුණයි. එවිට ඔවුන්ගෙ අභිප්‍රායන් ජයග්‍රහණය කිරීමට පහසුය.
2015 මහින්ද රාජපක්ෂ ගෙදර යවා සිරිසේන ගෙන ඒමත්, 2019 තමන්ගෙ කැමැත්තෙන් තොරව බලයට ආ ගෝඨාභය නියමිත කාලයට කලින් ගෙදර යැවීමත්, තමන්ගෙ අණසකට යටත් කර ගත හැකි යැයි සිතූ රනිල් වික්‍රමසිංහ ඉන්දියාවෙ අණසකට යටත් නොවි ජාතිකවාදී කඳවුර සහ අත්වැල් බැඳගත් හෙයින් ඔහුව පන්නා දමා දේශපාලන බෙලහීන, අත්දැකීම් රහිත නායකයෙක් වන අනුර කුමාර දිසානායක මේ රටේ නායකයා කිරීමත් පසුපස ඉන්නා ප්‍රබලතම සාධකය ඉන්දියාවයි.
භූදේශපාලනය කියවගන්න පුළුවන් අයෙකුට එය කියවා ගැනීම එතරම් අසීරු නැත. ( Geopolitics නොදන්නා එවුන් කමෙන්ට්ස් වල කුණුහරුප වපුරනු ඇත)
චීනය තමන්ගෙ වේගවත් ආර්ථික ගමන කරා යන සේද මාවත සංකල්පයෙහි ශ්‍රී ලංකාව ආර්ථික මර්මස්ථානයකි. චීනය ශ්‍රී ලංකාවේ ආර්ථික ආධිපත්‍යය පැතිරවුවහොත් ඔවුන් සමඟ නිරතුරුවම ආර්ථික යුද්ධයක නියැලී සිටින ඉන්දියාවට එය තර්ජනයකි.
එම නිසා දේශපාලනික වශයෙන් පමණක් නොව භූ විද්‍යාත්මකවද ශ්‍රී ලංකාව වැදගත් සන්ධිස්ථානයකි.
ඉන්දියාව වසරක් තුළ දි ජනාධිපති අනුරත්, අගමැති හරිනිත් ඉන්දියාවට ගෙන්නා ගත්තේ ඒ නිසාය. එහෙත් ආණ්ඩුව පාලනය කරන්නෙ ටිල්වින් සිල්වා ප්‍රමුඛ පැලවත්තෙ යටි බිම් ගත දේශපාලන කණ්ඩායම වන බැවින් ඉන්දියාව මෑතකදි ටිල්වින්වද ඉන්දියාවට ගෙන්නා ගත්තේය. ( චීනයෙ නියෝජිතයන් පැලවත්තටම ගොස් ටිල්වින් හමු වන්නේද ඒ නිසාය)
සාම්ප්‍රදායික උතුරේ ද්‍රවිඩ පක්ෂ සහ වතුකරයෙ වෘත්තීය සමිති ( පසුකාලීනව දේශපාලන පක්ෂ නායකයන් වූයේ එම වෘත්තීය සමිති නායකයින්ය ) තමන්ව රැවැට්ටුවා යැයි යන මතයක් ද්‍රවිඩ ජනතාව තුළ ඇත.
එහෙත් ඔවුන්ට ඒ පක්ෂ හැර විකල්පයක් තිබුණේ නැත...
එහෙත් දැන් ඔවුන්ට දකුණු ඉන්දීයානු චිත්‍රපටියක මෙන් රළු, ගොරෝසු පෙනුමක් ඇති දකුණෙ විකල්ප සිංහල නායකයෙක් හමුව ඇත.
ද්‍රවිඩ ජනතාවගෙ සාමාන්‍ය ජීවතයෙ පදනම තොරොම්බල් දකුණු ඉන්දියානු චිත්‍රපටයි. යාපනයෙ සහ කඳුකරයෙ සෑම නිවසකම බලන්නෙ තමිල්නාඩු දූර්දර්ශන් චැනලයයි. අනුර ගෙ බාහිර පෙනුම සහ තමන්ගෙ එකෙක්යැයි ඔවුන්ට වැලඳ ගත හැකිය. එමෙන්ම ඔහුගෙ පහළ මධ්‍යම පන්තික හැසිරීම ද්‍රවිඩ ජනතාවගේ ආකර්ෂණය දිනා ගැනීම පුදුමයක් නොවේය.
අනුරගෙ දේශපාලන අනාගතය තීරණය වන්නෙ දැන්ය...
ඔහු ලක්ෂ 25 ක් පමණ වන ද්‍රවිඩ චන්ද පදනම වෙනුවෙන් ලක්ෂ 150 ක් පමණ වන සිංහල චන්ද සහ මුස්ලිම් චන්ද පදනම බිල්ලට දෙයිද...?
මේ වන විට දකුණේ බුද්ධිමත් ජනතාව අනුර සහ ආණ්ඩුවෙන් වේගයෙන් විතැන් වෙමින් ඇත. ඒ නිසා අනුර ද්‍රවිඩ ජනතාව පසුපස යාම ස්වභාවික තත්වයකි.
මෙන්න මේ තත්වයට උතුරේ ද්‍රවිඩ සාම්ප්‍රදායික පක්ෂයන් වන දෙමළ ජාතික සන්ධානය (TNA), ද්‍රවිඩ ජාතික ජනතා පෙරමුණ (TNPF) වැනි පක්ෂ සහ වතුකරයේ ලංකා කම්කරු කොන්ග්‍රසය (CWC) සහ ද්‍රවිඩ ප්‍රගතිශීලී සන්ධානය (DPA) කෙලෙස ප්‍රතිචාර දක්වයිද...?
ඔවුන් ඔවුන්ගේ බලය සහ ග්‍රහණය එහෙම ලේසියෙන් අත්හරීවිද...? ඔවුන්ට ප්‍රජාතන්ත්‍රවාදී දේශපාලන බලය අහිමි වන විට ඔවුන් නැවතත් ප්‍රජාතන්ත්‍රවාදී නොවන විකල්ප ක්‍රියාමාර්ග වලට අවතීර්ණ වෙයිද...?
එවිට ඉන්දියාවෙ භූමිකාව කෙසේ වේවිද...?
උතුරෙ ජනතාව සහ වතුකරයේ ද්‍රවිඩ ජනතාව සමග කරන දේශපාලන ගනුදෙනුව දැලි පිහියෙන් කිරි කනවා වගේ වැඩකි. තමන්ගෙ ජීවිත කාලයම විවේචනාත්මක සහ කැරලිකාර දේශපාලන ක්‍රියාමාර්ගයක නිරත වූ අනුර ප්‍රමුඛ කණ්ඩායම මේ උභතෝකෝටිකය කෙසේ කලමණාකරනය කර ගනීවිද...?
දකුණේ සිංහල ජනතාව රවටනවාට වඩා දකුණේ නව නායකයා දෙස බලාපොරොත්තු සහගතව සිටින උතුරේ සහ වතුකරයේ ද්‍රවිඩ ජනතාව රැවට්ටීමෙ ආදිනාව භයානක ප්‍රතිඵල ගෙන දෙනවා ඇත. බොරුව සහ රැවටීම කලාවක් නම් අනුර එහි පිකාසො බව අමුතුවෙන් කිව යුතු නොවේ.
වතුර රත්වන තුරු අනුර සහ කණ්ඩායම දේශපාලන දිය හැලියෙ දියබූං ගසනු ඇත. නටනු ඇත. ප්‍රීතිවනු ඇත.. අනුර මේ කරන්නෙ දාන් ඇදීමකි. එකෙක් කපා බිල්ලට දී තමා ඔහු දාන් යාමටය. එහෙත් සෙල්ලම ලෙල්ලම වුවහොත් අවසානයේදී නැවතත් ටිංකිරි කන්න වෙන්නෙ මේ රටේ ජනතාවටය. ඒ නිසා තමන්ගේ දේශපාලන පැවැත්ම වෙනුවෙන් අනුර කරන මේ මජර ක්‍රියාව නැවැත්විය යුතුය. මක්නිසාද යත් අප මෑත කාලයේදී බිහිසුණු අත්දැකීම් විඳ ඇති රටක් සහ ජාතියක් නිසාය.
- නිලන්ත සත්සර ගමගේ
(මුහුණු පොතින්)
සම්බන්ධිත පුවත් | Related News
ප්‍රධාන පුවත්
සිවුරට මුවාවී ඉතිහාසයේ වැඩිම ගේම් ගහපු පිරිසක් ඉන්නේ මාලිමාවේ 159 අතරේ.. සිවුරු ඇරපු 50කට වැඩි පිරිසක් ඉන්න ආණ්ඩුවක් මේක.. - උලපනේ සුමංගල හිමි
ඉරාන තෙල් නෞකා 17කට ඇමෙරිකාවෙන් සම්බාධක..
ඥානසාර හිමියන්ගේ කටහඬ ගැන නොව, උන්වහන්සේ කියූ ජාතික කාරණා ගැන අවධානය යොමු කරන්න.. ඊළගට ජම්පරේ අන්දන්නේ මට ලු.. – මහාචාර්ය පූජ්‍ය ඉඳුරාගාරේ ධම්මරතන හිමි
එක් අයෙකු වෙනුවෙන් නීති නමන්න බෑ.. බන්ධනාගාර ආඥා පනතේ නීති රෙගුලාසි සමාලෝචනයට කමිටුවක් පත් කරනවා.. - ජනපති
රට වෙනුවෙන් කැපවූ භික්ෂූන් වහන්සේලා, රණවිරුවන් සහ ජාතික බලවේග මර්ධනය කිරීමට ආණ්ඩුවෙන් මෙහෙයුමක්.. - විමල්ගෙන් හෙළිදරව්වක්
ඇමරිකාව ප්‍රමුඛ කඳවුර අපේ රට තම ග්‍රහණයට නතු කරගෙන අවසන්.. - ජ්‍යෙෂ්ඨ මාධ්‍යවේදී මොහාන් සමරනායක
ඔය ගළවා දැම්මේ ඥානසාර හිමියන්ගේ සිවුර නොවේ.. මහා සංඟරත්නයේ බුද්ධ චීවරය.. පක්ෂ පාට වාද භේද නොසලකා එකාවන්ව නැගී සිටිය යුතුයි.. - විමල් වීරවංශ.
හෙළ ශාසනික ඉතිහාසයේ අඳුරුතම දිනය බවට 2026යේ ඔක්තෝබර් 6 වෙනිදා පත්වුණා.. සුදු අධිරාජ්‍යවාදීන් පවා කවදාවත් සිවුරට අත තිබ්බේ නෑ.. - උදය ගම්මන්පිල
ඥානසාර හිමියන්ට ගිහි වස්ත්‍ර ඇන්දවීම ගැන ත්‍රෛනිකායික මහානායක හිමිවරුන්ගෙන් දැඩි විරෝධය.. - බන්ධනාගාර කොමසාරිස්වරයාට විශේෂ ලිපියක්
ඤාණසාර හාමුදුරුවො වෙනුවෙන් රටපුරා මහා සංඝරත්නය කොළඹ මහාධිකරණයට..
යේමන ගැටුම කලාපීය යුද්ධයක් දක්වා උත්සන්න වෙයි
ඥානසාර හිමියන් ගේ සිවුර ගැලවීම වර්තමාන ආණ්ඩුවේ දැඩිි බෞද්ධ විරෝධී ප්‍රතිපත්තියේ දුෂ්ඨ පිළිබිඹුවක්.. - ජාතික සවිධානවලින චෝදනා..
සමාගම්වලට කැමති මිලකට ඉන්ධන විකුණන්න පුළුවන්- ඛනිජ තෙල් නීතිගත සංස්ථාවේ සභාපති ඩී.ජේ. රාජකරුණා
කච්චතිව් ගිවිසුම් යළි විවෘත කරන්න අදහසක් නැහැ.. - ඉන්දීය මධ්‍යම රජය එරට ශ්‍රේෂ්ඨාධිකරණයට දැනුම්දෙයි..
සුරේෂ් සලේ ගැන එක්සත් ජාතීන් ඇසූ ප්‍රශ්න හමුවේ ආණ්ඩුව මුනිවත රකියි..
ශ්‍රී ලංකාව NATO සංවිධානය සමඟ සබඳතා පැවැත්වීමෙන් වහල් රාජ්‍යයක් බවට පත්වීමේ අවදානමක්.. – ජ්‍යෙෂ්ඨ මාධ්‍යවේදී මොහාන් සමරනායකගෙන් අනාවරණයක්