සමාජවාදී විප්ලවයේ ජයග්‍රහණ කිසිවක් දකින්න කැමති නැති චම්පික රණවක..
චම්පික රණවක යූ ටියුබ් නාලිකාවක් හරහා කරණ සාකච්ඡාවන් සාමාන්යෙන් මම අහනවා. ඒ අහන්නේ සහ බලන්නේ චම්පික කියන පුද්ගලයා කෙරෙහි පුර්ව අවබෝධයක් සහිතව.සමීප ඇසුරක් නොතිබුණත් ඔහු ගැන මා දන්නේ 1987 වගේ කාලයක ඉඳලා. ඔය චම්පිකලා, රතනලා, ගෙවිඳුලා,පැස්කුවෙල්ලා ගැන අතැඹුලක්‌ සේ අපි දන්නවා.
චම්පිකට ඔහුටම අනන්‍ය වූ පෞද්ගලික ටාර්ගට් එකක් තියෙනවා. කෙසේ හෝ වේගයෙන් ඉහළ යාමේ අරමුණු ඔහුට තියෙනවා. ජාතික නායකයෙකු වීමේ සිහිනයක් තියෙනවා.(ඒක ඔහුගේ පරම අයිතියක්) ජාතියද ආගමද දේශ මාමකත්වයද,ඒ ඕන දෙයක් ඒ අරමුණ වෙනුවෙන් ඔහු පාවිච්චි කරණවා.තමන් සතු හැකියාවන් හරහා තමන්ගේ ප්‍රතිරූපය ඉහළ නංවා ගැනීමට එදා පටන් ඔහු ලොකු උත්සාහයක් ගන්නවා.
චම්පිකට කොතරම් දැනුම තිබුණත්, හැකියාවන් තිබුණත් ඔහු වාමාංශික දේශපාලනයට වෛර කරණ කෙනෙක්.වාමාංශික දේශපාලනය කියන්නේ පීඩිත පන්තියේ යහපත වෙනුවෙන් කරණ දේශපාලනයට.ඒ දේශපාලනය හරහා ගිහින් චම්පිකට පෞද්ගලිකව ඔහුගේ ටාර්ගට් වලට යන්න අමාරුයි. මොකද වාමාංශික දේශපාලනය කරණවා නම් බොහෝ දුර‍ට පෞද්ගලිකත්වය අත්හරින්න වෙනවා. නිස්සරණධ්‍යාශයෙන් කැප කිරීම් පරිත්‍යාගයන් කරන්න වෙනවා. පොදු අරමුණක් වෙනුවෙන් කට්ට කන්න වෙනවා. හිරේ විලන්ගුවේ වැටෙන්න වෙනවා. මාර පොරක් වෙලා සමාජයේ බැබලෙන්න හිතන අයට ඒ නිසා වම සෙට් වෙන්නේ නෑ. ඒ වගේම ඔහු සමාජවාදයට වෛර කරණවා.ජාතිය ආගම දේශප්‍රේමය වගේ මාතෘකා හරහා ඉක්මනින් බැබලෙන්න පුළුවන් කියලා ඔහු දන්නවා. ලංකාව වගේ රටක ඕන තක්කඩියෙකුට ජාතිය ආගම හරහා ගිහින් පහසුවෙන් සුපර්මෑන් කෙනෙක් වෙන්න පුළුවන්නේ!
ඩොනල්ඩ් ට්‍රම්ප් ගැන චම්පික බොහොම ආශ්වාදයෙන් යුතුව නිතර කථාකරණ බව පේනවා. කියුබාව සම්බන්ධ ඔහුගේ විග්‍රහයේ දී පිදෙල් කැස්ත්රෝ සමාජවාදී ප්‍රතිපත්ති වලින් වෙන් කරලා වෙනම අරන් අගය කරණවා. ඔහු බැටිස්ටාගේ පාලනය සමුර්ධිමත් එකක් ලෙස දකිනවා. එහෙත් ඔහු ඒකාධිපතියෙක් බව පමණක් නොකියා බැරි නිසා කියනවා. කියුබානු සමාජවාදී විප්ලවය ජයග්‍රහණය කළ දවසේ පටන් අද දක්වා දිගින් දිගටම ඇමෙරිකාවෙන් කියුබාවට එල්ල වෙන තර්ජන ගර්ජන කුමන්ත්‍රණ සම්බාධක,කෙනෙහිලිකම් කඩාකප්පල් කාරී වැඩ පහසුවෙන් අමතක කරණ චම්පික රණවක එය සමාජවාදයේ අසාර්ථකත්වයක්‌ ලෙස හුවාදක්වන්න උත්සාහ කරණවා. ඇත්තටම සමාජවාදී විප්ලවයේ ජයග්‍රහණ කිසිවක් ඔහු දකින්න කැමති නෑ. ඇමෙරිකන් අධිරාජ්‍ය වාදීන්ගේ අමානුෂීය තිරිසන් ක්‍රියාමාර්ග හමුවේ කියුබාව ඉතාමත් අසීරු තත්වයක මේ මොහොතේ පවතින බව ඇත්තක්‌! කියුබාව වැටුන ගමන් සමාජවාදී කථාව මෙතනින් අවසන් වෙන බව චම්පික හිතනවා.කියුබාව වැටුනත් ලොව පුරා ලක්ෂ සංඛ්‍යාත ජනතාවට බඩගින්න මන්දපෝෂණය විරැකියාව යුධබිය පමණක් උරුමකර දුන් කොල්ල කාරී, මිනීමරු ,වියරු දුෂිත ලෝක ධනවාදයේ හා අධිරාජ්‍ය වාදයේ මර ලතෝනිය හමුවේ සමාජවාදී සමාජයක් පිළිබද විශ්වාසය ශක්තිමත් වෙනවා මිස එය බිඳ වැටෙන්නේ නෑ. ඒ විශ්වාසය බිඳ දමන්න උන් සමත්වන්නේ ද නෑ.
(මුහුණුපොතෙන් උපුටා ගන්නා ලදී)
සම්බන්ධිත පුවත් | Related News
ප්‍රධාන පුවත්
සිවුරට මුවාවී ඉතිහාසයේ වැඩිම ගේම් ගහපු පිරිසක් ඉන්නේ මාලිමාවේ 159 අතරේ.. සිවුරු ඇරපු 50කට වැඩි පිරිසක් ඉන්න ආණ්ඩුවක් මේක.. - උලපනේ සුමංගල හිමි
ඉරාන තෙල් නෞකා 17කට ඇමෙරිකාවෙන් සම්බාධක..
ඥානසාර හිමියන්ගේ කටහඬ ගැන නොව, උන්වහන්සේ කියූ ජාතික කාරණා ගැන අවධානය යොමු කරන්න.. ඊළගට ජම්පරේ අන්දන්නේ මට ලු.. – මහාචාර්ය පූජ්‍ය ඉඳුරාගාරේ ධම්මරතන හිමි
එක් අයෙකු වෙනුවෙන් නීති නමන්න බෑ.. බන්ධනාගාර ආඥා පනතේ නීති රෙගුලාසි සමාලෝචනයට කමිටුවක් පත් කරනවා.. - ජනපති
රට වෙනුවෙන් කැපවූ භික්ෂූන් වහන්සේලා, රණවිරුවන් සහ ජාතික බලවේග මර්ධනය කිරීමට ආණ්ඩුවෙන් මෙහෙයුමක්.. - විමල්ගෙන් හෙළිදරව්වක්
ඇමරිකාව ප්‍රමුඛ කඳවුර අපේ රට තම ග්‍රහණයට නතු කරගෙන අවසන්.. - ජ්‍යෙෂ්ඨ මාධ්‍යවේදී මොහාන් සමරනායක
ඔය ගළවා දැම්මේ ඥානසාර හිමියන්ගේ සිවුර නොවේ.. මහා සංඟරත්නයේ බුද්ධ චීවරය.. පක්ෂ පාට වාද භේද නොසලකා එකාවන්ව නැගී සිටිය යුතුයි.. - විමල් වීරවංශ.
හෙළ ශාසනික ඉතිහාසයේ අඳුරුතම දිනය බවට 2026යේ ඔක්තෝබර් 6 වෙනිදා පත්වුණා.. සුදු අධිරාජ්‍යවාදීන් පවා කවදාවත් සිවුරට අත තිබ්බේ නෑ.. - උදය ගම්මන්පිල
ඥානසාර හිමියන්ට ගිහි වස්ත්‍ර ඇන්දවීම ගැන ත්‍රෛනිකායික මහානායක හිමිවරුන්ගෙන් දැඩි විරෝධය.. - බන්ධනාගාර කොමසාරිස්වරයාට විශේෂ ලිපියක්
ඤාණසාර හාමුදුරුවො වෙනුවෙන් රටපුරා මහා සංඝරත්නය කොළඹ මහාධිකරණයට..
යේමන ගැටුම කලාපීය යුද්ධයක් දක්වා උත්සන්න වෙයි
ඥානසාර හිමියන් ගේ සිවුර ගැලවීම වර්තමාන ආණ්ඩුවේ දැඩිි බෞද්ධ විරෝධී ප්‍රතිපත්තියේ දුෂ්ඨ පිළිබිඹුවක්.. - ජාතික සවිධානවලින චෝදනා..
සමාගම්වලට කැමති මිලකට ඉන්ධන විකුණන්න පුළුවන්- ඛනිජ තෙල් නීතිගත සංස්ථාවේ සභාපති ඩී.ජේ. රාජකරුණා
කච්චතිව් ගිවිසුම් යළි විවෘත කරන්න අදහසක් නැහැ.. - ඉන්දීය මධ්‍යම රජය එරට ශ්‍රේෂ්ඨාධිකරණයට දැනුම්දෙයි..
සුරේෂ් සලේ ගැන එක්සත් ජාතීන් ඇසූ ප්‍රශ්න හමුවේ ආණ්ඩුව මුනිවත රකියි..
ශ්‍රී ලංකාව NATO සංවිධානය සමඟ සබඳතා පැවැත්වීමෙන් වහල් රාජ්‍යයක් බවට පත්වීමේ අවදානමක්.. – ජ්‍යෙෂ්ඨ මාධ්‍යවේදී මොහාන් සමරනායකගෙන් අනාවරණයක්