හෙට එළියට බහින්නෙ සාම්ප්‍රදායිකව බැරියර් එක හොල්ලල ගෙදර ගිය අරගලකරුවන් නෙමෙයි.. ඒව බිදගෙන ගිහින් අරමුණ ජයග්‍රහණය කරපු සෙට් එක..

Feb 4, 2026 at 06:50 PM

|

Lanka Leader

උත්තර දෙන්නෙ නැද්ද දෙන්න උත්තරයක් නැද්ද අපි දන්නෙ නෑ අයියේ.. ඒත් අරගලකරුවන් නිදහස් කරන්න සත්භාවයෙන් පියවරක් හරි ගත්තනම් තරුණ කටයුතු අමාත්‍යාංශය යටතේ කමිටුවක් හැදෙන්න තිබුණ. අරගලය සම්බන්ධ නඩු පිළිබඳව සියලු තොරතුරු එකතු කරගන්න තිබුණ. නිශ්චිත විසදුමක් ලැබෙනකන් නඩු ටික ෆලෝ කරන එක, පක්ෂයේ උන්ට විතරක් නැතුව අනිත් උන්ටත් එක්ක ලෝයර්ස්ල ලබා දෙන එක වගේ දේවල් ඒ කමිටුවක් හරහාම කරන්න තිබුණ. පාර්ලිමේන්තුවට යෝජනාවක් ගෙනල්ල ඒක තුනෙන් දෙකෙන් සම්මත කරල අරගලකරුවන්ව නිදොස් කොට නිදහස් කරන්න තිබුණ. ඒ එකක් වත් කරනව තියා අඩුම තරමෙ මේ එක නඩුවක් ගැනවත් උඹල හොයලවත් බැලුවද අයියෙ..?

අන්න ඒක නිසයි මේව එළියේ කතාකරන්න වුණේ කියන එක විතරක් මතක තියගනින් අයියේ. ඒ වගේම හෙට එළියට බහින්නෙ සාම්ප්‍රදායික ව බැරියර් එක හොල්ලල ගෙදර ගිය අරගලකරුවන් නෙමෙයි ඒව බිදගෙන ගිහින් අරමුණ ජයග්‍රහණය කරපු  සෙට් එක (උඹලත් ඇතිලුව ) කියල මතක තියාගනිල්ල. උන් එළියට බැස්සම මිනිස්සුත් මේව ගැන කතාකරාවි. 

විපක්ෂයත් අරගලකරුවන්ව නිදහස් කරන්න කියාවී. අර්චනා, චාමර සම්පත් එහෙම රෙදි ගැලවෙන්නම කියාවි. එතකොට අපිව නිදහස් කරන්නෙ නැත්තෙ විපක්ෂය විරෝධයක් නිසා නෙමෙයි ඔයාලගෙම ලොකු සහෝදරයොම තමයි කියල නඩු තියෙන ඔයාලට ඡ්න්දෙ දීපු අයත් දැනගනීවි. 

අරගලකරුවො පාරට බැස්සම දැනට ආණ්ඩුවට විරෝධය දක්වන බොහෝ අය ඒවි අපිට සහාය දෙන්න. ඊට පස්සෙ ඉතින් නැති ප්‍රශ්න ඇතිවේවි.

ඉස්සරත් ගෝනි බිල්ලොවෙලා තමන්ගේම උන්ව පාවල දුන්න කියාවි. විජේවීරගෙ පවුලටවත් සලකපු නැති එවුන් අරගලකරුවන් ගැන බලයිද කියාවි. 

ලේ වගුරුවන මට්ටමේ අරගල කරල පැරදිලත් අවස්ථා දෙකකදීම සමාව හම්බවෙලා ප්‍රජාතන්ත්‍රවාදී ප්‍රවාහයට ආපු ඔයාල මේ කෙල්ලො කොල්ලො එකතුවෙලා සින්දු කියල, නටල, චිත්‍ර ඇඳලා, පුස්තකාල හදල, චිත්‍රපට බල බල, ඉඳලා මාස තුනෙන් ජයග්‍රහණය කරපු ආදරයේ අරගලයටවත් නිදහස දෙන්න බැරි තරම් ඔයාල කුහකයි කියාවි.

ප්‍රතිපත්ති ප්‍රකාශනයට වචන දාලා අරගලකරුවන්ගේ චන්දෙ කොල්ල කාලා අන්තිමට ඒ මිනිසුන්ට පිටු පෑවා කියලා කියන්න පටන් ගනීවි. 

එකී මෙකී නොකී තව බොහෝ දේ වේවි..

ඉතින් අයියෙ ඒව වෙන්න කලින් ඔයාල නිදහස දුන්නොත් ඔයාල ගැන ගෞරවයක් හරි හිතේ තියේවි.

එහෙම නැතුව ඉතින් ආණ්ඩුව බිත්තියට හේත්තු කරල අපි ඒක කරගත්තොත් තේරුමක් නෑ නේද..?

යමක් කරන්න කලින් මතක් කලේ යුතුකමක් විදිහට. 

එහෙනං අයියෙ අපි ලියල ඉවරයි. ආයෙත් මෙහෙම ඔයාලට ලියන්නෙ නෑ. 

අයියලට දෙවි පිහිටයි අයියෙ.!!

(මුහුණු පොතින් උපුටා ගන්නා ලදී)