ආණ්ඩුවේ අධ්‍යාපන ප්‍රතිසංස්කරණවලින් විද්‍යාපීඨවලට ඇතුලත් වීමට බලා සිටින දරුවන්ට බරපතළ අසාධාරණයක් සිදුවෙලා - ගුරු අධ්‍යාපනසේවා සංගමයේ ප්‍රධාන ලේකම් ධම්මික මිරිහාන
රජය ගෙන ඒමට නියමිත අධ්‍යාපන ප්‍රතිසංස්කරණයන් නිසා විද්‍යාපීඨවලට ඇතුලත් වීමට බලා සිටින දරුවන් විශාල සංඛ්‍යාවක් බරපතල අසාධාරණයක් සිදුව තිබෙන බව ගුරු අධ්‍යාපනසේවා සංගමයේ ප්‍රධාන ලේකම් විද්‍යාපීඨ ජේෂ්ඨ කථිකාචාර්ය ධම්මික මිරිහාන මහතා පවසයි.
පහත දැක්වෙන්නේ ඒ මහතා මේ සම්බන්ධයෙන් “අරුණ” පුවත්පත සමග පැවැත් වූ සම්මුඛ සාකච්ඡාවකි.
වත්මන් රජය ගෙන ඒමට බලාපොරොත්තු වන නව අධ්‍යාපන ප්‍රතිසංස්කරණය විද්‍යා පීඨයන්ට ඇතිකරන බලපෑම කොයිවගේද?
2023 හා 2024 විද්‍යාපීඨ සඳහා බඳවා ගැනීමට ගැසට් කිරිමට නියමිතව තිබූ පාඨමාලා යෝජිත ප්‍රතිසංස්කරණ සමඟ ගලපා ගැසට් කරන ලෙසට බලධාරින් විසින් අමාත්‍යංශයේ අදාළ අංශවලට දැන් වූ බව අපට දැන ගන්නට ලැබුනා. මේ තත්ත්වය තුළ දැනටමත් කල් ගොස් ඇති මෙම බඳවා ගැනීම් තවත් කල් යන්නට ඉඩ තියෙනවා . ඇත්තටම මේ ආකාරයට පීඨවල පාඨමාලා විෂයන් ප්‍රතිසංස්රණ තුළින් හඳුන්වා දෙන විෂයන් අනුව නම් කිරීම අවශ්‍ය වන්නේ නෑ. අලුතින් හඳුන්වා දී ඇති විෂයන්ට අදාළ වන අන්තර්ගතය අනුව දැනය ගැසට් කරන විෂයන් යටතේ මූලික සංකල්ප ටික ගුරුවරයාට ඉගැන්වුවාට පසුව මොන ප්‍රතිසංස්කරණය ආවත් ඒවාට අනුව විෂයට අදාළ නිපුනතා අනුවර්ථනය කරගෙන දරුවන්ට උගන්වන්න විද්‍යාපීඨ ගුරුවරුන්ට පුලුවන්. මොකද උසස්පෙළ ගනිත,විද්‍යා,කළා,වානිජ්‍ය සහ තාක්ෂණවේදී විෂය ධාරා යටතේ විභාග සමත් වූ දරුවන් තමයි අපි ඒ ඒ පාඨමාලා සඳහා විද්‍යාපීඨවලට බදවා ගන්නේ. උදාහරණයක් ලෙස යෝජිත ප්‍රතිසංස්කරණ තුළ ධිවර කර්මාන්තය පිළිබඳ මොඩියුලයක් තිබෙනවානේ. එහි අන්තර්ගතය අනුව මේ කොටස විද්‍යා පාඨමාලාවට ද සමාජ විද්‍යා පාඨමාලාවට ද අයත් වන්නේ යන්න තීරණය කර එම මොඩියුලය ඉගැන්වීම පිළිබඳ ක්‍රම විද්‍යාව ශික්ෂණලාභින්ට ඉගැන්වීම ගුරු අධ්‍යාපනඥයාගේ රාජකාරියයි.
එහෙනම් විද්‍යා පීඨවලට ඇතුලත් වෙන්න බලා සිටින ළමයින්ව ඇයි බදවා ගන්නේ නැත්තේ?
අපිත් ආණ්ඩුවට බලකරන්නේ 2023 – 24 උසස්පෙළ සමත් ළමයින් බලාගෙන සිටිනවා විද්‍යාපීඨවලට ඇතුලත් වෙන්න. ඒ අයට ඇතුලත් වීමට අදාල ගැසට්ටුව එළිදක්වන්න කියලයි අපි කියන්නෙත් . අලුතින් විද්‍යාපීඨවලට ළමුන් බඳවා ගැනීමේ ගැසට් එක ඉදිරිපත් කරන්න තිබුණේ පසුගිය සතියේ. නමුත් අධ්‍යාපන බලධාරින් කියලා තියෙනවා දැන්ම ඒ ගැසට් එක දාන්න එපා කියලා.ඒ සඳහා යෝජිත ප්‍රතිසංස්කරණ අනුව විෂය නම් කිරීම ජාතික අධ්‍යාපන ආයතනයට බාර දීලා තියෙනවා. අපිට සැකයක් තියෙනවා නව විෂයන් පිළිබඳ ස්ථිර අදහසක් ඔවුන් තුළවත් පවතීද කියලා.
විද්‍යාපීඨයන්ට ළමයි බඳවා ගැනීමේ ගැසට්ටුව ප්‍රකාශයට පත්කරන්න ආණ්ඩුව ඇයි කල් මරන්නේ? මේ ගැටලුවට විද්‍යාපීඨ ආචාර්යවරුන් විදිහට ඔබලා අදහස කුමක්ද?
දැනට ගැසට් කිරිමට නියමිත පවතින විෂයන්ට අනුව ළමයි ඇතුලත් කරගෙන නව ප්‍රතිසංස්කරණය අනුව හඳුන්වා දෙන විෂයන් පිළිබඳ ස්ථිර අදහසක් ප්‍රකාශ වුනාට පසුව එයින් හඳුන්වා දෙන අලුත් විෂයන්ට අදාළ විෂය කරුණු සහ ක්‍රම විද්‍යාව විද්‍යාපීඨ පාඨමාලාවලට ඇතුලත් කර එය ක්‍රමානූකුලව ශික්ෂණලාභින්ට උගන්වන එකයි තියෙන්නේ.බදවා ගැනීම් කල් දැමීමෙන් වෙන්නේ ළමයින්ගේ වටිනා කාලය ආපස්සට යන එකයි. ජාතික අධ්‍යාපන ආයතනය හදිසියට මේ විෂයන් නම් කරන්නේ නැහැ. තව මාස 6 – 7ක් වත් අඩුම තරමින් ගතවෙයි. ඔවුන් දැනට ප්‍රතිසංස්කරණ යෝජනා ලෙස සමාජයට ඉදිරිපත් කර ඇත්තේ ස්ලයිඩ් 27 පමණක් තියෙන ප්‍රසන්ටේෂන් එකක් විතරයි. ඒ අනුව අධ්‍යාපනඥයන් ලෙස අපටවත් මේ ගැන නිශ්චිත අදහසක් නෑ.
විද්‍යාපීඨයන්ට ළමයි ඇතුලත් කර ගැනීම පමා වෙනවා කියන්නේ පාසල්වල දක්ෂ පුහුණු ගුරු හිඟයක් මතුවෙනවා කියන එක නේද?
සත්‍යවශයෙන්ම සිදුවෙන් එයයි.රජයේ පාසල්වලට අවශ්‍ය ගුරුවරුන්ගෙන් සියයට 70ක් විතර ලබා දෙන්නේ විද්‍යාපීඨවලින්. දැනට විද්‍යා පීඨවල පුහුණුව ලබන ළමයින්ගෙන් එක් කණ්ඩායමක් ඔක්තෝම්බර් 13 වෙනිදා පාසල්වලට අනුයුක්ත කරනවා. ඇතුලේ සිටින අනෙක් කණ්ඩායමක් ලබන වසරේ (2026) ජූලි වන විට පාසල් වලට ලබා දෙනවා. බඳවා ගැනීම් කඩිනමින් සිදුකළේ නැති නම් ලබන වසරේ ජූලි වන විට එක කණ්ඩායමක් වත් විද්‍යාපීඨ තුල නැහැ.
මේ අධ්‍යාපන ප්‍රතිසංස්කරණයන් ලබන වසරේ (2026) සිට ක්‍රියාත්මක කරන්න ආණ්ඩුව බලාපොරොත්තු වෙනවා නේද? විෂය නිර්දේශයක්වත් ලබා නොදී ඇති පසුබිමක් යටතේ පුහුණු ගුරුවරුන් ලබා දෙන්නේ කෙසේද?
වසර 2026 සිට මෙය ක්‍රියාත්මක කරන්න රජය කටයුතු කරන බව සඳහන් කරනවා. දැන් මේ ගතවෙන්නේ සැප්තැම්බර් මාසය. මේ වසර අවසන් වෙන්න තවත් තියෙන්නේ මාස තුනයි. ඒ මාස තුනට පුලුවන්ද ගුරු ප්‍රජාව සහ විද්‍යාපීඨ ශික්ෂණලාභින් පුහුණු කරන්න.
ලබන වසරේ සිට 1 වසර සහ 6 වසර සඳහා මෙම නව ප්‍රතිසංස්කරණ මෙය ක්‍රියාත්මක කරනවා. ඒ සදහා අපි විද්‍යාපීඨවලින් ගුරුවරුන් ලබා දිය යුතුයි. නමුත් තාම අපි ට විෂය නිර්දේශයක්වත් නැතිව ගුරුවරුන් පුහුණ කිරීමට නොහැකි වී තිබෙනවා.ජාතික අධ්‍යාපන ආයතනය දැනට පවතින විද්‍යාපීඨ පාඨමාලාවල විෂය නිර්දේශයවත් 2011 පසුව සංශෝධනය කර නැහැ.
ආණ්ඩුව ගෙන එන අධ්‍යාපන ප්‍රතිසංස්කරණයන් තුල තිබෙන මෙවැනි අඩුපාඩු විද්‍යාපීඨ ආචාර්යවරුන් විදිහට ඔබලා රජය පෙන්වා දීමක් කළේ නැතිද?
පි- මේ ඉතා කණගාටුදායක් තත්තවයක්. විද්‍යාපීඨ ආචාර්යවරුන් විදිහට අපි කැමතියි මෙහි තිබෙන අඩුපාඩු පෙන්වලා . අධ්‍යාපන ප්‍රතිසංස්කරණ වැඩ පිළිවෙල ඉදිරියට ගෙන යන්න. ඒත් අධ්‍යාපන බලධාරීන් ඒවාට සවන් දෙන්නේ නැහැ. විද්‍යාපීඨ පීඨාධිපතිවරුන්ව අධ්‍යාපන අමාත්‍යංශයට කැඳවලා අධ්‍යාපන ප්‍රතිසංස්කරණය පිලිබඳව කරුණු ඉදිරිපත් කරලා තියෙනවා. නමුත් පීඨාධිපතිවරුන්ට කරුණු දක්වන්න අවස්ථාව දිලා නැහැ. ඔවුන්ට සිදුවෙලා තියෙන්නේ කියන දේ අහගෙන නැවත් හැරිලා එන්න විතරයි.
ඔබ කියන විදිහට අධ්‍යාපන බලධාරීන් , අධ්‍යාපන ක්ෂේත්‍රයේ අත්දැකීම් ඇති පුද්ගලයින්ට ඇහුම්කම් දීමක් වෙන්නේ නැතිද?
අපිට පැහැදිලිව පේන විදිහට ඇහුකම්දිම සිදුකරන්නේ නැහැ. එහෙම කරනවා නම් දැනට ගෙනත් තියෙන අධ්‍යාපන ප්‍රතිසංස්කරණයේ අඩුපාඩු බොහෝමයක් තියෙනවා. ඒවා නිවැරදි කර ගන්න පුලුවන්නේ. අඩුම තරමින් මෙවැනි ප්‍රතිසංස්කරණයක් ගේන්න කලින් එය පාසල්වලට ගැලපෙනවාද කියලා දැනගන්න නියමු ව්‍යාපෘතියක් කල යුතුයි. නමුත් එහෙම එකක්වත් කරලා නැහැ.
මීට කලින් අධ්‍යාපන ප්‍රතිසංස්කරණයන් ගෙනාවා. ඒ තුල නියමු ව්‍යාපෘති තිබුණාද?
1997දී අධ්‍යාපන ප්‍රතිසංස්කරණයක් ගෙනාවා. 1998දී ගම්පහ පාසල් 100ක් තෝරාගෙන අධ්‍යාපන අමාත්‍යංශය ජාතික අධ්‍යාපන ආයතනය හා අධ්‍යාපන කොමිෂන් සභාව කියන ආයතන තුනම එකතු වෙලා නියමු ව්‍යාපෘතියක් ලෙස ක්‍රියාත්මක කලා. එහිදී සාර්ථක විචල්ලයන් තෝරාගෙන අසාර්ථක විචල්ලයන් ඉවත් කරලා තමයි එදා අධ්‍යාපන ප්‍රතිසංස්කරණයන් ක්‍රියාත්මක කළේ.
නීතීඥයාට වැරදුනොත් අඩි 6ක් උඩ, දොස්තරට වැරදුණොත් අඩි 6ක් යට නමුත් ගුරුවරයෙකුට වැරදුණොත් සමස්ත දරු පරපුරකගේම විනාශය. මම හිතන්නේ ජාතික අධ්‍යාපන ආයතනය අපේ දරුවන්ගේ අනාගතය සමඟයි සෙල්ලම් කරන්නේ.
ඒ කියන්නේ ආණ්ඩුව ගෙනවිත් ඇති අධ්‍යාපන ප්‍රතිසංසකරණයට මහමොළකරුවෙක් හෝ කණ්ඩායමක් නැතිද?
මම දන්නා පරිදි එවැනි මහමොළ කරුවෙක් නැහැ. වසර 1972 දී 1997 ගෙනා අධ්‍යාපන ප්‍රතිසංස්කරණයේදී විද්වත් මණ්ඩලයක් හිටියා. නමුත් වර්තමාන අධ්‍යාපන ප්‍රතිසංස්කරණයක් තුල එහෙම මණ්ඩලයක් හෝ පුද්ගලයෙක් නැහැ. කොහොම නමුත් ගෝඨාභය රාජපක්ෂ මහතාගේ පාලන කාලයේදී (2019) ආචාර්ය උපාලි සේදර මහතා ගෙනා අධ්‍යාපන ප්‍රතිසංස්කරණයන්ද මේ ගෙන යන්නේ කියලා අපට හිතෙනවා. මොකද ඒ ප්‍රතිසංස්කරණයක් තුල තිබු බොහෝ කරුණු මෙහි අන්තර්ගතයි.
කොහොම නමුත් 2023 – 24 වසර වල උසස් පෙළ සමත් දරුවන් කොපමණ සංඛ්‍යාවක් විද්‍යාපීඨයන්ට ඇතුලත් වෙන් බලාගෙන සිටිනවාද?
මේ වන විට වසර දෙකේම දරුවන් 8000කට ආසන්න පිරිසක් බලාගෙන සිටිනවා. මේ අයව බදවා ගැනීම දිනෙන් දින තවත් කල් ගියොත් මේ ළමයි විද්‍යාපීඨයන්ට ඇතුලත් නොවී වෙනත් විකල්පයන් සොයාගෙන යයි. අනික මෙතැන තිබෙන තවත් බරපතලම දේ තමයි උසස් පෙණ සමත්ව විශ්ව විද්‍යාලයට සුදුසුකම් ලැබූ දරුවන් පවා විශ්ව විද්‍යාල අතහැර දමා විද්‍යාපීඨයන්ට ඇතුළු වීමට බලාගෙන සිටියා. එවැනි දරුවන්ට බරපතල අසාධාරණයක් වෙනවා.
ඔබ කියන විදිහට අධ්‍යාපන ප්‍රතිසංස්කරණයෙන් බලාපොරොත්තු වුණ ඉලක්ක ඉටුවෙලා නැතිද?
අධ්‍යාපන ප්‍රතිසංස්කරණය පිළිබඳ සමාජයේ ඉල්ලීම් කිහිපයක් තිබුණා එකක් තමයි ශිෂ්‍යත්ව විභාගායේ බර අඩුකරන්න. අනික් එක තමයි පොත්වල බර අඩුකරන්න කියලා
අධ්‍යාපන ප්‍රතිසංස්කරණය තුල අපොස සාපෙළ මට්ටමේ දී විෂයන් 7 සීමා කරලා තවත් මොඩියුල විෂයන් 17ක් ළමයින්ට හදුන්වා දී තිබෙනවා. පෙලපොත් 9 ක් ගෙන ගිය දරවාට දැන් මොඩියුලර් 17ක පොත් ගෙනයන්න සිදුවෙනවා.6 වසරේ ඉදලා 11 වසර දක්වා මේ මෙඩියුලර් 17 ඉගෙන ගන්න අවශ්‍යයයි. මොඩියුලර් වලටත් දැන් පොත් මුද්‍රණය කරලා අවසන් බව කියනවා .
අනික මෙහි තිබෙන බරපතල කම තමයි මේවා ළමයා තනියම හදාරන්න බව දන්වලා තියෙන එක.මේ ක්‍රමය හොදයි කොළඹ පාසල්වලට . දුෂ්කර පාසල්වල දරුවන්ට ළඟ ඉදලා කියලා දෙන දේවත් තේරුම් ගන්න හැකියාවක් නැති බහුතරයක් ළමයින් ඉන්නවා.තවත් කාරණයක් තමයි විභාග දෙපාර්තමේන්තුව පවත්වන විභාගයට අමතරව පාසල් පාදක තක්සේරුවට වැඩි ප්‍රමුඛතාවයක් දීම. තාම අපේ රටේ ගුරුවරුන් පුද්ගලබද්ධ සාධක නොමැතිව තීරණ ගනියි ද කියන ප්‍රශ්නය අත්දැකීම් ඇසුරින් අපට පැන නගිනවා.
ඒ වගේම අපේ රටේ තිබෙන බරපතළම ගැටලුවක් තමයි රජයේ පාසල්වල දරුවන් අධ්‍යාපනය වෙනුවෙන් වසර 13ක් කැප කිරීම. හැබැයි අපේ රටේම ලන්ඩන් සිලබස් අනුව පෞද්ගලික පාසල්වල ඉගෙන ගන්න ව්‍යාපාරිකයන්ගේ, මැති ඇමතිවරුන්ගේ දරුවන් වසර 11කින් පාසල් අධ්‍යාපනය හමාර කරලා විශ්වවිද්‍යාලවලට යනවා. මේ විෂමතාවය නැති කරන්න මේ ප්‍රතිසංස්කරණවලින් කටයුතු කරලා නැති බව පේනවා. යම් බටහිර රටක අධ්‍යාපන ක්‍රමයක් දිහා බලලා මේක හොඳයි මේකේ ඩොලර් උපයන්න උගන්වනවා, කෘතිම බුද්ධිය තමයි උගන්වන්න අවශ්‍ය වගේ අදහස් අධ්‍යාපන බලධාරින් අවධාරණය කරනවා. ප්‍රතිසංස්කරණ එන්නටත් පෙර අපේ තරුණ පරපුර කෘතිම බුද්ධිය පිළිබඳ දැනුවත්. අපි අනාගත පරපුරට උගන්වන්න අවශ්‍ය මොන දියුණු තාක්ෂණය ආවත් මනුෂ්‍යකම නැති නොකර ගෙන ජීවත් වෙන්න. ඒ සඳහා මේ ප්‍රතිසංස්කරණ අවධානය යොමු කරලා තියෙනවද කියන එක සොයා බැලීම වැදගත්.
සාකච්ඡාව - ශ්‍රියානි විජේසිංහ
සම්බන්ධිත පුවත් | Related News
ප්‍රධාන පුවත්
"උසාවි එද්දි සිවුර ගලවන්න බෑ".. - වෛද්‍ය වසන්ත බණ්ඩාර බන්ධනාගාර නිත්‍ය නියෝග පෙන්වමින් හෙළිකරයි..
බුද්ධ චීවරයට අත තැබූ ආණ්ඩුව හත් පොළේ ගාගෙන නිලධාරීන් පාවාදෙයිද..? - විමල්ගෙන් අනාවරණයක්..
සිවුරට මුවාවී ඉතිහාසයේ වැඩිම ගේම් ගහපු පිරිසක් ඉන්නේ මාලිමාවේ 159 අතරේ.. සිවුරු ඇරපු 50කට වැඩි පිරිසක් ඉන්න ආණ්ඩුවක් මේක.. - උලපනේ සුමංගල හිමි
ඉරාන තෙල් නෞකා 17කට ඇමෙරිකාවෙන් සම්බාධක..
ඥානසාර හිමියන්ගේ කටහඬ ගැන නොව, උන්වහන්සේ කියූ ජාතික කාරණා ගැන අවධානය යොමු කරන්න.. ඊළගට ජම්පරේ අන්දන්නේ මට ලු.. – මහාචාර්ය පූජ්‍ය ඉඳුරාගාරේ ධම්මරතන හිමි
එක් අයෙකු වෙනුවෙන් නීති නමන්න බෑ.. බන්ධනාගාර ආඥා පනතේ නීති රෙගුලාසි සමාලෝචනයට කමිටුවක් පත් කරනවා.. - ජනපති
රට වෙනුවෙන් කැපවූ භික්ෂූන් වහන්සේලා, රණවිරුවන් සහ ජාතික බලවේග මර්ධනය කිරීමට ආණ්ඩුවෙන් මෙහෙයුමක්.. - විමල්ගෙන් හෙළිදරව්වක්
ඇමරිකාව ප්‍රමුඛ කඳවුර අපේ රට තම ග්‍රහණයට නතු කරගෙන අවසන්.. - ජ්‍යෙෂ්ඨ මාධ්‍යවේදී මොහාන් සමරනායක
ඔය ගළවා දැම්මේ ඥානසාර හිමියන්ගේ සිවුර නොවේ.. මහා සංඟරත්නයේ බුද්ධ චීවරය.. පක්ෂ පාට වාද භේද නොසලකා එකාවන්ව නැගී සිටිය යුතුයි.. - විමල් වීරවංශ.
හෙළ ශාසනික ඉතිහාසයේ අඳුරුතම දිනය බවට 2026යේ ඔක්තෝබර් 6 වෙනිදා පත්වුණා.. සුදු අධිරාජ්‍යවාදීන් පවා කවදාවත් සිවුරට අත තිබ්බේ නෑ.. - උදය ගම්මන්පිල
ඥානසාර හිමියන්ට ගිහි වස්ත්‍ර ඇන්දවීම ගැන ත්‍රෛනිකායික මහානායක හිමිවරුන්ගෙන් දැඩි විරෝධය.. - බන්ධනාගාර කොමසාරිස්වරයාට විශේෂ ලිපියක්
ඤාණසාර හාමුදුරුවො වෙනුවෙන් රටපුරා මහා සංඝරත්නය කොළඹ මහාධිකරණයට..
යේමන ගැටුම කලාපීය යුද්ධයක් දක්වා උත්සන්න වෙයි
ඥානසාර හිමියන් ගේ සිවුර ගැලවීම වර්තමාන ආණ්ඩුවේ දැඩිි බෞද්ධ විරෝධී ප්‍රතිපත්තියේ දුෂ්ඨ පිළිබිඹුවක්.. - ජාතික සවිධානවලින චෝදනා..
සමාගම්වලට කැමති මිලකට ඉන්ධන විකුණන්න පුළුවන්- ඛනිජ තෙල් නීතිගත සංස්ථාවේ සභාපති ඩී.ජේ. රාජකරුණා
කච්චතිව් ගිවිසුම් යළි විවෘත කරන්න අදහසක් නැහැ.. - ඉන්දීය මධ්‍යම රජය එරට ශ්‍රේෂ්ඨාධිකරණයට දැනුම්දෙයි..