ශත 20 ට මිල හොයන සිංහල ජාතියේ කොටසකට ජයවේවා‼️

Sep 11, 2025 at 07:48 PM

|

Lanka Leader

ඔස්කා වයිල්ඩ් කියන ලොව ප්‍රකට සාහිත්‍යවේදියා වරක් කියනවා නරුමයා ලෝකයේ  සියල්ලේම මිල හොයනවා සසදනවා නමුත්, නරුමයා කිසිදේක වටිනාකම හොයන්නේ හෝ සසදන්නේ නෑ කියලා.

අපි අද ඉන්නේ නරුමයන්  තීන්දු ලියන කාලයක.

මහා කළු සිංහයා පලා යනවෝ කියලා වළගම්බා අනුරාධපුරය අතහැර  යනවිට කෑ ගහපු ,හිනාවුන නිගන්ඨයන් සතුටු වුන පරිදිම මහින්ද නිල නිවසින් එලෙව්වෝ, කියා  සතුටු වන  වර්ථමාන නිගන්ඨයන් ගොඩක් දකින්නේය.

ඒ මේ, ජාතියේ කොටසක  හැටිය. ‼️

තත්පරයට රු 750 වියදම් කරපු යුද්ධයක් සදහටම  නතර කර

රටේ ඒක පුද්ගල ආදායම ඩොලර් 400න් ඉහළට 2000, ඉක්මවන සීමාවට ගත්තේ මහින්දය.

රටේ සෑම නිවසකටම විදුලිය සපයා අවසන් වුනේ යුද්ධයෙන් පසු, ගෙවුන වසර පහ තුළය.

ඉතිහාසයේ ජනාධිපතිධුරය  ආරම්භ කල දවසේ සිට අද දක්වා  වසරකට වැඩිම රජය මිළට ගත්වී තොගය ලියවෙන්නේ මහින්දගේ නම ඉදිරිපිටය.

දකුණු කොරියාවට තරුණ තරුණියන්ට  රැකියා සදහා දොරටු ඇර ගත්තේ මහින්දගේ යුද්ධයෙන් පසු වසර පහ තුළය.

යුද්ධයෙන් පසු කිසිදු විදේශයකින්  දෙමළ ජනතාවට පහසුකම් සපයන්න ඩොලර් මිලියන 100 නොලැබුනත් දෙමළ ජනතාව බහුළ උතුරේ, දිස්ත්‍රික් පහකට  වැඩිම රජයේ මුදල්, යොදවා සංවර්ධනය කලේ මහින්දය.

වර්ග කිලෝමීටර 65610 වුන ලංකාවට අළුතින් වර්ග කිලෝමීටර 4 එකතු කලේ මහින්දය 

මම මේ, කීපයක් ලීවේ  මහින්ද නඩත්තු කරන්න බදු මුදල් යොදවන්නේ ඇයි කියලා අහන සිංහල ජාතියේ කොටස  වෙනුවෙන්ය.

ජනාධිපතිවරයෙක් ලෙස ලංකාවේ ජනාධිපති ධුරය ආරම්භ කරන ලද දවසේ සිට  උහුලන ලද වගකීම් සහ අවධානම  ගත්තොත්

ලංකාව වෙනුවෙන්

රාජ්‍යය වෙනුවෙන්

සිංහළ ජාතිය වෙනුවෙන්

බෞද්ධාගම වෙනුවෙන් 

වැඩිම අවධානම සහ වගකීම පහර දීම නින්දා කිරීම කොන් කිරීම බාධා කිරීම තහංචි දැමීම  දරා ගත්තේ මහින්දය.‼️

අදටත් ඒ,වෙනුවෙන් මරන්න මරණ වරෙන්තු  නොනිළ ලෙස ලියවී තිබෙන සිංහල  මිනිහා මහින්දය.

අපි  සිංහළ ජාතියෙන්  හිනා වෙන්නේ එකී මනුස්සයෙකුට ලංකාවේ පුරවැසියෙක් මාසයකට ශත. 20 ක් වියදම් කිරීම නතර කරා යන්නටය.😃😃

මම නැවතත් මුලට එමි.

නරුමයා හැම දේකම මිල විමසන අතර

වටිනාකමක්  තැකීමක් නොකරයි.

ඉතිහාසයේ ලියයෙන විට කොළඹ හිටියත්

මැදමුලනේ හිටියත්

දේශමාමක ජාතිකවාදී  සිංහළයන් ලංකාවේ ඉන්නා තුරු

මහින්ද රාජපක්ෂ රාජපක්ෂමය.

මැරෙනකල් මිනිස්සු කොළඹ ද  බෙලිඅත්තේද නොසලකා මහින්ද සොයා යනු ඇත.

මේ සිංහළ ජාතියේ අවසාන කාර්තුවය.

සිංහළ ජාතිය වෙනුවට ලාංකික ජාතිය ඇප්ලයි කිරීම සිදුවෙමින් ඇත.

ඒ ව්‍යාපෘති වලට සිංහළ ලේබලයේ මහින්දලා පට්ටම විෂය බාධාකාරීය 

එහි තුළදී  සිදුවන්නේ  සිංහලයාට අභිමානයක් ජනිත වන සියළු දේ ඉතා ක්ෂුක්මව ඉවත් කිරීම වන අතර

වටිනාකම් අතුගා දමීම සිදුවන්නේය.

රටකට අභය දානය ලබා ගත්ත මිනිහෙක්ට වඩා ඔහු ආරක්ෂා කරගන්න රටේ ජනතාවගෙන් එක් පුද්ගලයෙකු  වසරකට වැයකරනවා කියලා  ඇස්තමේන්තු වන

ශත. 20 කට  වැඩි ප්‍රචාරයක් ඉඩක් තක්සේරුවක් ලැබෙන්නේ 

මහින්ද රාජපක්ෂට කෙලියා කියනවාට වඩා.

සිංහලයාට උං හිතන  වටිනාකම්   අනවශ්‍යයි කියන ගමන නිසාය. 

ශත විස්සට ජයවේවා.. 

- නුවන් මොණරවිළ -