රු.10,000 නෝට්ටුව..
බංකොලොත් යැයි කියන රටක ඩොලර් බිලියනපතියෙකු බිහි වී තිබේ. ලංකාවට සිය වාර්ෂික ණය වාරිකය ගෙවා ගැනීමට නොහැකිව සිටිනා අතරතුර කොළඹ ඉදි කළ කැතම කැත් එහෙත් සුපිරි ම සුපිරි කැසිනෝවක් විවෘත කිරීම සඳහා ඩොලර් මිලියන ගණනක් ගෙවා ඉන්දියානු නළුවෙකු මෙහි ගෙන්වා බාල් නටා තිබේ. දිලිත් ජයවීරත් ඔහුට උම්මා දීමට එහි ගොස් තිබේ. සෙවනගල ගොවියන් දහස් ගණනකට සිය වේතන අහිමි ව දුහුවිලි කාගෙන උද්ඝෝෂනය කරන විට ඉරාජ් වීරරත්න කොළඹ කෙල්ලන් සහ කොල්ලන් දහස් ගණනක් ගෙන්වා තෙත මඩ ගොඩේ ගොබ්බ සංගීත දමා කිස් කෑම් පෙන්වා තිබේ. මේ වෙන්නේ කුමක් ද?
ලංකාව සැබැවින් ම බංකොලොත් වූයේ නැත. ලංකාව සැබැවින්ම කිසිදා බංකොලොත් නොවේ. වෙන කිසිවක් නොකර යල-මහ කන්න දෙකට වැසි ලැබී වගා කළ පමණින් වුවත් රටේ ආර්ථිකය වර්ධනය වේ. බංකොලොත් රටක ඩොලර් බිලියනපතියන් බිහි විය නොහැකි ය. රට බංකොලොත් යැයි ප්රකාශයට පත් කිරීම සෙට්ට සබ්රියා විසින් කරනු ලැබුවේ මෙරට ධනපති කල්ලියකගේ සැලසුම් සහගත උවමනාවට ය. අරගලය වනාහි මූලිකව විපත් ධනවාදයේ (Disaster Capitalism) කූට ව්යාපෘතියකි.
රටක් සැබැවින්ම ආර්ථික අර්බුදයකට පත් වෙනවා නම් එරට මහා පරිමාණ ව්යාපාර පළමුව බංකොලොත් විය යුතු ය. නමුත් ලංකාවේ බංකොලොත් වූ බැංකු හෝ මූල්ය ආයතන මොනවාද? ටෙලිකොම් ව්යාපාර මොනවාද? තේ රබර් පොල් ව්යාපාර මොනවාද? ඇඟලුම් ව්යාපාර මොනවාද? ආනයන-අපනයන ව්යාපාර මොනවාද? මහා පරිමාණ ව්යාපාර ජාල කිසිවක් බංකොලොත් වූයේ නැත. සැබැවින්ම වූයේ ඔවුන්ගේ වත්කම් තව තවත් වැඩි වීම බව මූල්ය වාර්තා බැලූ විට පෙනේ.
ධනය යනු සීමිත දෙයකි. ධනය නිර්මාණය කරනවා යනු අමූලික බොරුවකි. මුදල් යනු ධනයේ සාපේක්ෂ වටිනාකම පමණී. ඒවා නිකම් අගයන් ය. රුපියල් දාහේ නෝට්ටුවක් සැබැවින්ම දාහක් වටින්නේ නැති කඩදාසියකි. අරගලයට පෙර රුපියල් දාහට ගන්න පුළුවන් වූ බඩු ලැයිස්තුව අද රුපියල් පන්දාහකටවත් ගත නොහැකි ය. යමෙකු ධනය උපයනවා යනු තවකෙකුට ධනය නැති වෙනවා යන්න ය. තිබෙන්නේ එක රටකි. එක පෘථිවියකි. එක කේක් ගෙඩියකි. එයින් ලොකු කෑල්ලක් කිසිවෙකුට අවශ්ය නම් අනෙක් අයට පොඩි කෑල්ලක් පමණක් දිය යුතු ය. ලංකාවේ සිද්ධ වෙමින් තිබෙන්නේ එයයි. අනුර කුමාරගේ පාලනය අවසාන වන විට ලංකාවේ ඇති-නැති පරතරය ලෝකයේ වැඩිම අගය ගනු ඇත.
ලංකාවේ සමාජය එදා සිට ම සාපේක්ෂව සමාන ව තිබිණි. එය තේරුම් ගැනීමට නම් ඔබ ඉන්දියාවේ හෝ ඇමරිකාවේ හෝ චීනයේ හෝ ජීවත් වී බැලිය යුතු ය. ඒවායේ ඇති-නැති පරතරය සිතා ගැනීමටවත් නොහැකි ය. උදාහරණයක් හැටියට ඔබ හිතන්න අම්බානි වැන්නෙකු සහ මුම්බායිහි සාමාන්ය වෘත්තිකයෙකු අතර වෙනස. ඒක ඔබට තබා ඉන්දියාවේ උන්ටවත් හිතා ගන්න අමාරුයි. ඇමරිකාවේ ඉලෝන් මස්ක් සහ නිව්යෝර්ක් පාරක වෙළඳාම් කරන ව්යවසායකයෙකු අතර වෙනස කොහොමද! ඒ හිඩැස කවදාවත් සමීප කරන්න බැරි තරම් විශාලයි. නමුත් ලංකාවේ මෙම පරතරය ඒ තරම් තිබුණේ නැහැ. ලංකාවේ සමාජය බොහෝ දුරට තිබුණේ එකිනෙකාට එකිනෙකාව අතින් ඇල්ලිය හැකි දුරකින්. නමුත් තවදුරටත් එය එහෙම වෙන්නේ නැහැ. මෙය කියවන ඔබ අද කාර්යාලයට ගිහිල්ලා කොපමණ මහන්සි වෙලා වැඩ කළත් ඉෂාර නානායක්කාරගේ ධනය ගැන ඔබට සිහිනෙන්වත් හිතන්න බැහැ. මෙය කිසිදා නොකියවන නූගත් එළවළු ගොවියා ගැන කවර කථාද!
මෙන්න මේක තමයි මාලිමාව බලයට ගෙන ඒමේ ව්යාපාරික අරමුණ. රටේ ධනය ජනතාව අතර යම් සමානත්වයකින් බෙදී යා නොදී ඉන් විශාල පංගුවක් එක්තරා ධනපති කල්ලියකට ලබා ගැනීම. කේක් ගෙඩියෙන් ලොකුම කෑල්ල ඔවුන්ට ගැනීම. ඔබ හිතන්න එපා මේක ව්යවසායකත්වය ය කියා. නැහැ. මේ කියන්නේ උත්සාහය, කැපවීම සහ නව්යකරණය තියෙනවා නම් ධනවතෙකු වෙන්න පුළුවන් කියා නොවේ. ඉෂාර නානායක්කාර එසේ අමුතු මහන්සියක් හෝ කැප වීමක් හෝ කර නැත. ලොකුම කැසිනෝ විවෘත කළ ජෝන් කීල්ස් යනු ලංකාවේ තේ කර්මාන්තයේ වහලුන්ගේ උත්සාහයෙන් ධනවත් වූ කොම්පැනියක් මිස කිසිදු නව්යකරණයක් කළ ඉලව්වක් නොවේ. මේ කියන්නේ රටේ දේශපාලනය සහ ජනමාධ්ය අවභාවිත කරමින් මූඪ වැසියන් රවටමින් ඔවුන්ගේ කේක් කෑල්ලත් තමන් වෙත ලබා ගැනීම ගැන ය.
පුබුදු ජයගොඩ වැන්නවුන් අද මොන කථා කීවත්, මෙම ආන්තික ධනපති පන්තිය සහ ආන්තික දුප්පතුන් හැදීමට වැඩියෙන්ම උදව් කළේ පෙරටුගාමීන් සහ අන්තරේ ය. අරගලය හරහාඔවුන් කළේ විපත් ධනවාදයේ ව්යාපෘතියකි. එනම් වසංගතය වැනි ස්වභාවික විපතක් අවභාවිත කරමින්, කෘත්රිමව ආර්ථික අර්බුදයක් හදමින් (ඩොලර් එවන්න එපා, වැඩ වර්ජන, රට වැසීම ආදියෙන්), ඒ හරහා රාජ්යය අස්ථාවර කර, මාලිමාව වැනි දුර්වල දේශපාලන ව්යාපාරයක් බලයට පත් කර, IMF එක ළඟ දණ ගස්සවා, රාජ්ය සේවයේ කකුල් කඩා, ආර්ථික රෙගුලාසි ඉවත් කර, ආනයන සීමා ඉවත් කර, ඩඩ්ලිලාට සිය ඒකාධිකාර පවත්වා ගෙන යාමට පූර්ණ ඉඩ දී ලංකාව පිස්සු ඇමරිකාවක් කිරීම ය. චිචීගේ රොකට් එක දිහා බලා සිටි නූගත් වැසියන් දුප්පතුන් වී තිබේ. වෙනත් අය ඩොලර් බිලියනපතියන් වී තිබේ.
මෙම ජයග්රහණය සැමරීම සඳහා අනුර කුමාරගේ රූපය සහිතව රුපියල් දහදාහේ නෝට්ටුවක් මුද්රණය කිරීමට මම යෝජනා කරමි. බැංකු කාඩ් පත් නොතිබුණා නම් දැනටමත් එය සිද්ධ වී තිබිය යුතු ය. ධර්මය ඔබට මග වේවා!
එරන්ද ගිනිගේ
2025 අගෝස්තු 12
සම්බන්ධිත පුවත් | Related News
ප්රධාන පුවත්
ජාතික ජනබලවේගයට ලැබුනේ අතීත ජනතා විමුක්ති පෙරමුණට ලැබී තිබුණු වටිනාකම.. බෙදුම්වාදය පරාජය කිරීම වෙනුවෙන් එදා පෙරට ආ ජවිපෙ අද නෑ.. - වෛද්ය වසන්ත බණ්ඩාර
කන්කසන්තුරේ තිස්ස රජමහා විහාරය දෙකට කරමින් මැදින් පාරක්.. අමරපුර නිකායේ දැඩි විරෝධය..
''මේ රටේ ගෝඨාභය මරාදමා හෝ විදේශ මැදිහත් වීමෙන් අන්තර්කාලීන පාලනයක් ගොඩනගන්න හැදුවා.. ආණ්ඩුව පවාදීම් රැසක් මේ වන විට කර අවසන්.." - වෛද්ය වසන්ත බණ්ඩාර
සම්බුද්ධ ශාසනයේ ප්රධාන අංගයක් වන පෙරහැර විකාරයක් බව අගමැතිනිය කියන්නේ කොහොමද?.. - වෛද්ය වසන්ත බණ්ඩාර
සවුදිය, තුර්කිය සහ පාකිස්ථානය 'නේටෝ' වැනි යුද සංවිධානයකට අවතීර්ණ වෙයි.. 'මක්කා ඒකාබද්ධ ආරක්ෂක ගිවිසුම' අත්සන් තබයි..
විනිසුරුවන්ගේ විශ්රාම යෑමේ වයස අවුරුදු 67 දක්වා දිගු කිරීමට ජනමත විචාරණයක් අවශ්යයි.. - ශ්රේෂ්ඨාධිකරණය 2022 වසරේදී තීන්දු කරලා..
22වන ව්යවස්ථා සංශෝධන පනත් කෙටුම්පත ගැසට් කෙරේ..
වර්තමාන අර්බුද හමුවේ නාට්යකරුවන් අපේක්ෂාභංගත්වයට පත්වෙලා.. – නාට්යවේදී අඛිල සපුමල්
ලොවටම සහන සැලසූ චීනයේ ගෝලීය සංවර්ධන මුලපිරුමට වසර 5යි: ගෝලීය දකුණේ අනාගතය වෙනුවෙන් චීනයෙන් නව පොරොන්දුවක්..
බන්ධනාගාර කොමසාරිස් තුෂාර උපුල්දෙණියව අයින් කරන්න ආණ්ඩුවට අවශ්ය වුනා.. ආණ්ඩුව දේශපාලනිකව පොලිසිය මෙහෙයවනවා ද යන්න ගැටළුවක්.. - නීතිඥ සංජීව වීරවික්රම
බෞද්ධ සභ්යත්වයට එරෙහිව දියත්වන ප්රහාර උච්ඡතම ස්ථානයකට පැමිණිලා.. ෂානක්කියන්ලා, සුමන්තිරන්ලාගෙන් බෞද්ධ උරුමය විනාශ කරන්න පුරාවිද්යා දෙපාර්තුමේන්තුවටත් බලපෑම්.. දළදා පෙරහැරේ කරඬුව වඩම්මන ඇතුන්ටත් තහංචි වැටෙන ලකුණු!
මැගසින් බන්ධනාගාරය තුළ නොසන්සුන්තාවක්..
උතුරු-නැගෙනහිර බෞද්ධ උරුමය විනාශ කිරීමට සැලසුම්සහගත ප්රහාරයක්.. පුරාවිද්යා වාර්තා වෙනස් කරන්න දෙමළ මන්ත්රීන්ගෙන් බලපෑම්.. - වෛද්ය වසන්ත බණ්ඩාරගෙන් සුවිශේෂී හෙළිදරව්වක්..
පළාත් සභා ඡන්දය ඉක්මනින් පවත්වන්නැයි ඉන්දියාවෙන් දන්වයි..
ඇමරිකානු - ඉරාන යුද්ධය අවසන් ද? - ආචාර්ය ජගත් චන්ද්රවංශගෙන් අනාවරණයක්
'පාස්කු ප්රහාරය ගැන විමර්ශකයින් පත්කරලා තියෙන්නේ කතෝලික පල්ලියෙන්' - අතරමැදි පෙත්සම්කරුවෝ අධිකරණයට කියති..