ඔය දළදා වඳින්න ඇවිල්ලා දුක් විඳින මිනිස්සුව පතුරු ගහන්නම බලාගෙන ඉන්න එපා...❌
ඒ මිනිස්සු තමන්ගේ පාඩුවේ කුළියක් මලියක් කරගෙන, එදා වේල හම්බ කරගෙන හිටපු මිනිස්සු. හදිසියේම ජනාධිපති තුමා නුවර ඇවිල්ලා දළදා වන්ඳනාවට දින නියම කළා... ඒක හැම මාධ්‍යයකම ප්‍රචාරය කළා... හැමෝම එන්න එන්න, දන්සල් 100 ගණනක් දෙන්න සූදානම්, හැම තැනම වැසිකිළි පහසුකම්, කසළ බැහැර කිරීමේ පුළුල් වැඩසටහනක් ආරම්භ කරලා තියනවා, පුළුල් ආරක්ෂක වැඩ පිළිවෙලක් තියනවා, සනීපාරක්ෂාව උපරිමයි, මේ අවස්ථාවට සහභාගී නොවීම අකුසලයක් ආදී ලෙස කියලා පුරසාරම් කෝටියයි...
ඉතිං හත් දෙයියනේ මිනිස්සු ආවා... ආවට පස්සේ එළවන එක නම් කැතයි....
ගාල්ල, මාතර, ත්‍රිකුණාමලය, යාපනය, අනුරාධපුර, කිලිනොච්චිය එකී මෙකී නොකී හැම තැනින්ම මිනිස්සු බස් පිටින් ආවා... ඒ ආවේ ඒ මිනිස්සුට දුන්න වචනය විශ්වාස කරලා... මෙච්චර දුර බැහැර ඉඳන් දළදා හාමුදුරුවො වැඳ පුදා ගන්න ආපු මිනිස්සු සෝවාන්, සකෘදාගාමී, අනාගාමී, අරහත් මාර්ගඵල ලබපු මිනිස්සු නෙවෙයි... ඒ සත්‍යවත් අවබෝධ කරගන බැරි වුණ, තමන් මගඵල ලාභී යැයි හිතන් ඉන්න බුකි හෑලි සංගමය, ඒ මිනිස්සුන්ගේ පොඩි පොඩි අඩුපාඩු ටිකක් අල්ලන් මාර ආතල් එකක් ගන්නේ...
කතාව සරලයි, මෙච්චර දුර කතර ගෙවාගෙන ආපු මිනිස්සුන්ට පොලිමෙන් දශමයක් එහෙ මෙහෙ වුණොත් තමන්ගේ අවස්ථාව නැති වෙනවා, ඒ මිනිස්සුන්ට ඉන්න දවස් 4ට 5ට කෑම බීම අරන් එන්න බෑ... කෑම හොයාගෙන ඩෙවෝන්, ඩිලයිට් වලට ආය ටවුන් එකට එන්නත් බෑ, තමන් ගෙනාපු බඩු මල්ල කරේ ගහගෙන වැටුන වැටුන තැන නිදාගත්ත හෙම්බත් මිනිස්සු, තමන් ගෙනාපු ඉටි රෙද්ද අතට ගන්නත් කලින් පොලිමේ පිටිපස්සෙන් පෙරලනවා, තමන්ට ලැබෙන වතුර බෝතලේ දාන්න කුණු බක්කියක් නෑ, වැසිකිලි කැසිකිලියකට යන්න පහසු කමක් නෑ... පොලිසියෙන් කියනවා කිසි දෙයක් අරන් මාලිගා පරිශ්‍රයට යන්න බෑ කියලා, ගෙනාපු වටිනා කියන බඩු පවා තැන තැන දාලා පෝලිම යවද්දි දුවනවා, පොඩි දරුවො එල්ලන්, ආබාධිත දරුවො, අම්මලා තාත්තලා, බෑග් තියන කවුන්ටර් ගැන දැනුවත් වීම් නෑ... තමන්ගේ Phone එක චාජ් කරගන්නවත් නෑ... කටුගස්තොට මනුස්සයා චූ කරන්න එන්න ඕන මහයියාවට, ආයෙ ගිහින් කටුගස්තොට පෝලිමේ හිට ගන්න ඕන... අම්පිටියේ මනුස්සයා එන්න ඕන මල්වත්ත පංසල ලඟට... ඉන්න ලඟම තැනකට යනවා මිසක් ලක්ෂ ගාණක් තෙරපෙන තැන් වල හෝටල් ආතල් ගන්න බෑ...
ඕවා කරයි ජපානේ...
හැබැයි අපි මේක ජපානයක් කරගන්න ඕන...
නමුත් මිනිස්සු තාම චින්තන පෙරලියකට ගිහිල්ලා නැහැ... එහෙම වෙන්න වැඩපිලිවෙලකුත් නැහැ...ආණ්ඩු මාරු වෙද්දි මිනිද්සු වෙනස් වෙනවා නම්, බුදුහාමුදුරුවෝ සාරාසංඛ්‍ය කල්ප ලක්ෂයක් පෙරුම් පුරලා බුදු බව ලබන්නේ නැතුව ආණ්ඩුව මාරු කරනවානේ...
අපි ඇතුළු මේ හැමෝම සංසාරේ අතරමංවෙලා නිවනක් හොයන මිනිස්සු... ඒ මිනිස්සු අසරණයි... අසරණ හැම තැනකදීම හිත හදාගන්න කියලා දුන්නේ ඒ සම්මා සම්බුදුරජාණන් වහන්සේ... ඉතිං ඒ කළාණ මිත්‍රයාව මෙනෙහි කරන්න ඒ සුවඳ තියන තැනටත් මිනිස්සු මහෙම දුවගෙන එනවා... ඒ මිසක් ඒ මිනිස්සු මාර්ගඵල ලබාගත්ත මිනිස්සු නෙවෙයි. බත් පැකට් එක්කට අරක්කු බෝතලේකට හෝ වාහන වලට පෙට්‍රල් ගහන්න මෙහෙම දුකක් විඳිනවාත් නෙවෙයි...
අනික තාම මිනිස්සු ඉන්නේ සුදු කිරීටයේ තාඩන පීඩන වල කළු ජානත් එක්ක... ඉතිං හැමෝම සමානව හිතන්නේ පතන්නේ නෑ... හරි වැරැද්ද, සමහරු දකින පිරිසිඳු අපිරිසිඳු කම පිළිබඳ ලොකු අවබෝධයක් නෑ... සමාජෙ කියන්නේ එක එක Levels වල එකතුවක්, ඒක තේරුම් ගන්නකන් මේක හදන්න කතා කරලාවත් වැඩක් නෑ...
හමුදාව, පොලිසිය පුදුම මහන්සියක් වෙන්නේ...
නිසි සැළසුම් වලින් තොර ක්‍රියාත්මකවීම අහිතකර ප්‍රථිපල පමණක්ම ලබාදෙයි...😑
ඡන්ද කාලේ බස් ගානේ එල්ලි එල්ලි දේශපාලකයෝ පස්සේ යන මිනිස්සු දළදා වඳින්න ආපු මිනිස්සුන්ට අපූරුවට බන දේශනා කරන්නේ "ඔවා දෙනු පර හට - තමා සම්මතයේ පිහිටා සිට" යන්න මතක් කරලා...
දැං ඉතිං මේ තත්ත්වය පාලනයෙන් තොරයි... ඒක තේරුම් අරන්, අපිට කරන්න පුළුවන් දේ අපි කරමු...
දළදා වඳින්න ආපු බැතිමත් මිනිස්සු වෙනුවෙන්, දළදා හාමුදුරුවෝ වෙනුවෙන්, මහනුවර වෙනුවෙන් අපට කරන්න පුළුවන් එක දෙයක් තියනවා... ඒ තමයි මේ හැමෝම දළදා වන්දනාව අවසන් වෙලා මහනුවරින් යද්දි අපි යමු මහනුවරට, පුළුන් විදියට ශ්‍රමය යොදලා අපි සුද්ද කරමු අපේ සෙංකඩගල... ❤️
අද අපෙ මිනිස්සු ලක්ෂ ගණන් වැය කරමින් මේ දස දෙසින් ආපු මිනිස්සුව දන්සල් දානමාන වලින් සංග්‍රහ කරලා බලාගන්නවා වගේ, ඉදිරියටත් කවුරු මොන මොන දේ කළත් අපි අපේ විදියට මේක කරමු❤️
By Pavithra Rathnayake
සම්බන්ධිත පුවත් | Related News
ප්‍රධාන පුවත්
"උසාවි එද්දි සිවුර ගලවන්න බෑ".. - වෛද්‍ය වසන්ත බණ්ඩාර බන්ධනාගාර නිත්‍ය නියෝග පෙන්වමින් හෙළිකරයි..
බුද්ධ චීවරයට අත තැබූ ආණ්ඩුව හත් පොළේ ගාගෙන නිලධාරීන් පාවාදෙයිද..? - විමල්ගෙන් අනාවරණයක්..
සිවුරට මුවාවී ඉතිහාසයේ වැඩිම ගේම් ගහපු පිරිසක් ඉන්නේ මාලිමාවේ 159 අතරේ.. සිවුරු ඇරපු 50කට වැඩි පිරිසක් ඉන්න ආණ්ඩුවක් මේක.. - උලපනේ සුමංගල හිමි
ඉරාන තෙල් නෞකා 17කට ඇමෙරිකාවෙන් සම්බාධක..
ඥානසාර හිමියන්ගේ කටහඬ ගැන නොව, උන්වහන්සේ කියූ ජාතික කාරණා ගැන අවධානය යොමු කරන්න.. ඊළගට ජම්පරේ අන්දන්නේ මට ලු.. – මහාචාර්ය පූජ්‍ය ඉඳුරාගාරේ ධම්මරතන හිමි
එක් අයෙකු වෙනුවෙන් නීති නමන්න බෑ.. බන්ධනාගාර ආඥා පනතේ නීති රෙගුලාසි සමාලෝචනයට කමිටුවක් පත් කරනවා.. - ජනපති
රට වෙනුවෙන් කැපවූ භික්ෂූන් වහන්සේලා, රණවිරුවන් සහ ජාතික බලවේග මර්ධනය කිරීමට ආණ්ඩුවෙන් මෙහෙයුමක්.. - විමල්ගෙන් හෙළිදරව්වක්
ඇමරිකාව ප්‍රමුඛ කඳවුර අපේ රට තම ග්‍රහණයට නතු කරගෙන අවසන්.. - ජ්‍යෙෂ්ඨ මාධ්‍යවේදී මොහාන් සමරනායක
ඔය ගළවා දැම්මේ ඥානසාර හිමියන්ගේ සිවුර නොවේ.. මහා සංඟරත්නයේ බුද්ධ චීවරය.. පක්ෂ පාට වාද භේද නොසලකා එකාවන්ව නැගී සිටිය යුතුයි.. - විමල් වීරවංශ.
හෙළ ශාසනික ඉතිහාසයේ අඳුරුතම දිනය බවට 2026යේ ඔක්තෝබර් 6 වෙනිදා පත්වුණා.. සුදු අධිරාජ්‍යවාදීන් පවා කවදාවත් සිවුරට අත තිබ්බේ නෑ.. - උදය ගම්මන්පිල
ඥානසාර හිමියන්ට ගිහි වස්ත්‍ර ඇන්දවීම ගැන ත්‍රෛනිකායික මහානායක හිමිවරුන්ගෙන් දැඩි විරෝධය.. - බන්ධනාගාර කොමසාරිස්වරයාට විශේෂ ලිපියක්
ඤාණසාර හාමුදුරුවො වෙනුවෙන් රටපුරා මහා සංඝරත්නය කොළඹ මහාධිකරණයට..
යේමන ගැටුම කලාපීය යුද්ධයක් දක්වා උත්සන්න වෙයි
ඥානසාර හිමියන් ගේ සිවුර ගැලවීම වර්තමාන ආණ්ඩුවේ දැඩිි බෞද්ධ විරෝධී ප්‍රතිපත්තියේ දුෂ්ඨ පිළිබිඹුවක්.. - ජාතික සවිධානවලින චෝදනා..
සමාගම්වලට කැමති මිලකට ඉන්ධන විකුණන්න පුළුවන්- ඛනිජ තෙල් නීතිගත සංස්ථාවේ සභාපති ඩී.ජේ. රාජකරුණා
කච්චතිව් ගිවිසුම් යළි විවෘත කරන්න අදහසක් නැහැ.. - ඉන්දීය මධ්‍යම රජය එරට ශ්‍රේෂ්ඨාධිකරණයට දැනුම්දෙයි..