ක්ෂණික නූඩ්ලස් ගැන ඔබ නොදත් දේ........

Dec 30, 2024 at 08:23 PM

|

Lanka Leader

ක්ෂණික නූඞ්ල්ස් කියන්නේ අපි හැමෝම ගොඩක් ආසාවෙන් කන්න කැමති දෙයක්. විශේෂයෙන්ම කුඩා දරුවන්ගේ ප‍්‍රධාන ආහාරයක් බවටත් අද වෙනකොට මේ ක්ෂණික නූඞ්ල්ස් පත්වෙලා ඉවරයි. විවිධ රස වලින් වෙළදපොළේ තියන මෙම ක්ෂණික නූඞ්ල්ස් වලට කුඩා දරුවන් වගේම කාර්ය බහුල වැඩිහිටියනුත් ගොඩදෙනෙක් අද වෙනකොට ඇබ්බැහි වෙලා ඉවරයි. අද මම කියන්න හදන්නේ ක්ෂණික නූඞ්ල්ස් වල ගොඩාක් අය නොදැකපු පැත්තක් ගැන. 

සාමාන්‍ය නූඞ්ල්ස් වලින් ක්ෂණික නූඞ්ල්ස් වෙනස් වන ප‍්‍රධාන සාධකය තමයි ඒවාගෙ අඩංගු වෙන රස කාරක පැකට්. ක්ෂණික නූඞ්ල්ස්වල රස කාරක පැකට් 2ක් හෝ කිහිපයක් අඩංගුවෙනවා. ක්ෂණික නූඞ්ල්ස් වල අලූ‍ත්ම සාමාජිකයා තමා කප් නූඞ්ල්ස් කියන්නේ. කාර්ය බහුල ගෘහණියන් බොහෝ වෙලාවට කුඩා පාසල් දරුවගේ කෑම පෙට්ටියට පිසින ලද ක්ෂණික නූඞ්ල්ස් පැකට් එකක් දාන්න පුරුදු වෙලා තියෙනනේ උදේට ගෘහණියන්ගේ කාර්යබහුලත්වය නිසා වගේම කුඩා ලමුන්  ක්ෂණික නූඞ්ල්ස් වලට දක්වන දැඩි කැමත්ත නිසා.  

ක්ෂණික නූඞ්ල්ස් මේ තරමටම අපේ ජීවිත වලට සමීප වුන නිසා නොදැනුවත්වම අපිට සමීප වුන නරක ප‍්‍රතිඵලත් එමටයි.  අද වෙනකොට විවිධ රට වල සිදුකල පර්යේෂණ වලින් අපි මේතරම් සමීප කරගත්ත ක්ෂණික නූඞ්ල්ස් අපිට කොච්චර කරදර ගේනවද කියල ඔප්පු කරල තියනවා.  පෝෂණවේදීන් ක්ෂණික නූඞ්ල්ස් හදුන්වන්නේ බාල තත්වයේ ආහාරයක්  ( වමබන දෙදා * විදිහට. ඒකට හේතුව ක්ෂණික නූඞ්ල්ස් වල තියන අධික පිටි ගතිය , ලූ‍ණු ගතිය , තෙල් ගතිය සහ විවිධ ආකලන වර්ග ( ්ාාසඑසඩැි *. 

අපි ගන්න ක්ෂණික නූඞ්ල්ස් වලට අම්ල යාමක ( ්ජසා රුටමක්එදරි* , රස උත්දීපක ( කේඩදර ැබය්බජැි*  , ආහාර පරිරක්ෂක ( චරුිැරඩ්එසඩැි*  , ප‍්‍රති කැටිකාරක (්බඑසජ්නසබට ්ටැබඑි* වැනි කෘතිම ආකලන එකතුකරනවා. මෙම ආකලන බොහෝමයක සෝඩියම් අඩංගුවෙනවා. ලංකාවේ වැඩිහිටි පුද්ගලයෙකුට දිනකට ගතහැකි උපරිම සෝඩියම් ප‍්‍රමාණය 2000 පට ( එක තේ හැන්දක්* වුනාට සමහර ක්ෂණික නූඞ්ල්ස් එක පැකට් එකක සෝඩියම් 2000 පට ට වඩා තියෙනවා.  කප් නූඞ්ල්ස් වල තියන සුප් ගතිය නිසා ඒවගේ තියන සෝඩියම් ප‍්‍රමාණය නූඞ්ල්ස් පැකට් වල තියන ප‍්‍රමාණයට වඩා වැඩියි. මේ විදිහට අධික ලෙස සෝඩියම් පරිභෝජනය කලාම අධි ?ධිර පීඩනය , ආඝාතය , වකුගඩු නරක් වීම සහ පිලිකා වගේ දරැණු රෝගවලට තියන අවදානම වැඩිවෙනවා. විශේෂයෙන්ම වකුගඩු වර්ධනය වෙම්න් පවතින අවධියේ ඉන්න කුඩා ලමයින්ට වකුගඩු රෝග වැළදෙන්න ලොකුම හේතුවක් තමා මේ ක්ෂණික නූඞ්ල්ස්.

ක්ෂණික නූඞ්ල්ස් වල රැලි එකිනෙක ඇලෙන එක වැලක්වීමට වැක්ස් වර්ගයක් භාවිතාකරනවා. ඒ වැක්ස් තමා ක්ෂණික නූඞ්ල්ස් වලට උණු වතුර දැම්මාම තෙල් තට්ටුවක් පාවෙනවා වගේ අපිට පේන්නේ .ඒ වැක්ස් වර්ග ක්ෂණික නූඞ්ල්ස් හදනකොට උණු වතුර දැම්මාම උණු වතුරේ දියවෙලා අපේ ශරීරයට උරාගැනීමට ලේසි තත්වයකට පත්වෙනවා.මෙම වැක්ස් වර්ග අපේ ශරීරයට උරාගෙන අක්මාව සහ වකුගඩු වල තැන්පත්වෙලා එම අවයව වලට හානි කරනවා. 

ක්ෂණික නූඞ්ල්ස්වල රස වැඩි කරන්න මෙනොසෝඩියම් ග්ලූටාමේට් ( පදබදිදාසමප ටකමඒප්එැ * නැතහොත් ඵීඨ බහුලව භාවිතාකරනවා. ඵීඨ වලින් කුකුලූ‍ මස් රස නූඞ්ල්ස් වල රස වඩා කුකුලූ‍ මස් රස කරනවා. ඉස්සෝ රස ක්ෂණික නූඞ්ල්ස්වල රස වඩා ඉස්සෝ රස කරනවා. ආහාර වලින් දීර්ඝකාලීනව ඵීඨ ශරීරයට ලැබුනාම විවිධ ආසාද්මිකතා වලට , පපුව දැවිල්ලට , හිසරදය සෑදීමට , මතක ශක්තිය අඩුවෙන්න වගේම ක්ෂණික නූඞ්ල්ස් කෑවට පස්සේ අධික පිපාසයටත් හේතු වෙනවා. ලංකාවේ දැනට තියන නීතියට අනුව අවුරුදු 3ට අඩු ලමයි වෙනුවෙන් සකස් කරලතියන ආහාර වලට ඵීඨ දානඑක තහනම්. ඒතරම් ඵීඨ දරුවන්ට අහිතකර වුනාට ලංකාවේ ගොඩක් අම්මලා තමන්ගේ දරුවට අවුරුද්දක් සම්පූර්ණ වුනගමන් ක්ෂණික නූඞ්ල්ස් කවනවා. ඒවගේම ලංකාවේ නීතිය අනුව වියලි නූඞ්ල්ස්වලට ඵීඨ දානඑක තහනම්. ඒ හින්ද තමයි නූඞ්ල්ස් පැකට් ඇතුලේ වෙනමම තියන රසකාරක පැකට් එකේ ඵීඨ අඩංගුවෙන්නේ. 

කප් නූඞ්ල්ස් සෑදීමේදී උණු ජලය ප්ලාස්ටික් භාජනයට දැම්මහම ඒ තුනී ප්ලාස්ටික් භාජනයේ අඩංගු පිලිකා කාරක සංඝටක උණු ජලයේ දියවෙලා නූඞ්ල්ස්වලට මිශ‍්‍ර වෙනව කියල නිරීක්ෂණය කරල තියනවා. එම පිළිකා කාරක නිසා විශේෂයෙන්ම ආහාර ජීරණ පද්ධතිය අශ‍්‍රිතව පිළිකා ඇතිවීමේ අවධානම වැඩිවෙනවා. ආසියාවේ රටවල්වල ක්ෂණික නූඞ්ල්ස් පරිභෝජනය ගොඩක් වැඞී. ඒක නිසා ක්ෂණික නූඞ්ල්ස්වල අහිතකර බලපෑමත් අපේ රටවල්වලට ගොඩක් වැඞී. ඒවගේම ක්ෂණික නූඞ්ල්ස්වල අහිතකර බලපෑම් වැඩිපුරම එල්ලවෙන්නේ කාන්තාවන්ට කියලත් විද්‍යාඥයින් සොයාගෙන තියනවා. ඔවුන් කියන විදිහට සතියකට දෙපාරක් හෝ ඊට වැඩි වාර ගානක් ක්ෂණික නූඞ්ල්ස් ආහාරයට ගැනීම හෘද රෝග සහ පිළිකා සදහා අවධානම් සාධකයක්.

ක්ෂණික නූඞ්ල්ස්වල තියන තෙල් දීර්ඝ කාලයක් නරක් නොවි තියාගන්න එම තෙල් හයිඞ‍්‍රජනීකරනය කියන ක‍්‍රියාවලියට ලක්කරනවා. එම ක‍්‍රියාවලියේදී හැදෙන ට‍්‍රාන්ස් මේදය ශරීරයේ අහිතකර කොලෙස්ටරෝල් වැඩි කරන්න හේතුවෙනවා. මෙම තෙල් නිසා  ක්ෂණික නූඞ්ල්ස්වල ශක්ති ප‍්‍රමානය අධික වෙලා දීර්ඝකාලීන ක්ෂණික නූඞ්ල්ස් පරිභෝජනය තරබාරු වීමටද හේතු වෙනවා. ක්ෂණික නූඞ්ල්ස් වල තියන අධික ආහාර ආකලන ප‍්‍රමානය කුඩා ලමයින්ගේ ශරීරවල තැන්පත්වීම හින්දා, ක්ෂණික නූඞ්ල්ස් නිතර ආහාරයට ගන්න අවුරුදු 5 ට අඩු කුඩා ළමයින්ගේ විටමින් සහ ඛනිජ ලවන උරාගැනීමේ හැකියාව අඩුවෙනවා කියලා තහවුරු වෙලා තියනවා. එය දරුවන්ගේ බුද්ධි වර්ධනය අඩාල වෙන්න වගේම ඇස් පෙනීම දුර්වල වීමටද හේතු වෙනවා. 

දැන් ඔබට තේරෙනවා ඇති අපි කොච්චර ආසාවෙන් ක්ෂණික නූඞ්ල්ස් කෑවත් ඒවා හරිම ලේසියෙන් පිළියෙල කරන්න පුලූ‍වන් වුනත් ඒවගේ තියන භයානක ප‍්‍රතිපල අති විශාලයි කියලා.  ලංකාව වගේ දියුණුවෙමින් පවතින රටවල් වල ආහාර රටාව වේගයෙන් බටහිරකරනය වෙනවා. ඒකනිසා දවසින් දවස ක්ෂණික නූඞ්ල්ස් පරිභෝජනය වැඩිවෙනවා. ඒකේ ප‍්‍රතිඵලය වෙන්නේ කුඩා දරුවන්ගේ පොෂණ මට්ටම සහ ස්‍යෙඛ්‍යය මට්ටම පිරිහෙන එක. එහෙම වුනාම ඉස්සරහට අපේ රටේ පිලිකා රෝගීන්, දියවැඩියා රෝගීන් , හෘද රෝගීන් සහ තරබාරැ පුද්ගලයන්ගෙ ගණන තව තවත් වැඩිවෙනවා. මේ භයානක තත්වය තේරැම් අරගෙන අපි උත්සාහ කරන්න ඔනේ මේ ක්ෂණික නූඞ්ල්ස් කියන භායානක හතුරගෙන් ගැලවෙන්න.

 ඒසදහා පෝෂණවේදීන් ක‍්‍රම 2ක් යෝජනා කරල තියනවා. පළෙවෙනි එක තමයි ක්ෂණික නූඞ්ල්ස් වෙනුවට තමන්ගේ ගෙදර දි රස කාරක අඩංගු නැති සාමන්‍ය නූඞ්ල්ස් පිළියෙල කරන එක. එතකොට අපිට පුලූ‍වන් තෙල් අඩුවෙන් , රස කාරක නැතිව , එළවලූ‍ වැඩිපුර එකතුකරලා , කුඩා ළමයින්ටනම් බිත්තරයක් හරි මස් හරි මාළු එකතුකරල පෝෂණ ගුණය වැඩිකරලා පිලියෙල කරන්න. ඉලග යොජනාව තමයි ක්ෂණික නූඞ්ල්ස් කනකොට ප‍්‍රමාණය පාලනය කරනඑක. ඔබ වෙනදට ක්ෂණික නූඞ්ල්ස් පැකට් එකක් තනියම කනවනම් අද ඉදන් කාත් එක්කහරි බෙදාගෙන කන්න පුරුදුවෙන්න. 

 මේ ලිපිය කියවන ඔබත් අනිවාර්යයෙන් ක්ෂණික ක්ෂණික නූඞ්ල්ස්වලට ආස කරන කෙනෙක් වෙන්න ඇති. දැන් ඔබත් කල්පනා කරන්න ක්ෂණික නූඞ්ල්ස්වල රස බලලා ඡීවිතේ ලෙඩරෝග වලට බිලිදෙනවද නැතිනම් ක්ෂණික නූඞ්ල්ස්වලින් ඈත් වෙලා බොහෝ කාලයක් නිරෝගීව සතුටින් ජීවත්වෙනවද කියලා. ඔබ හොදින් මතක තියාගන්න අපි ගන්න ආහාරයක් ක්ෂණික වෙන තරමට එකෙන් ශරීරයට තියන අහිතකර බලපෑමත් වැඩිවෙනව කියලා. 

ප‍්‍රදීප් පියතිලක, 

සන්නිවේදන සහ මාධ්‍ය නිලධාරී,

ජාතික මූලික අධ්‍යයන ආයතනය.

උපුටා ගැනීම ප‍්‍රදීප් පියතිලක, ෆේස්බුක් පිටුවෙන්