ලෝකය මවිත කළ චීනයේ රැඩිකල් බෙහෙත් ප්‍රතිපත්තිය සහ ලංකාවේ රැඩිකල් පඬියෝ
👉👉 මෙය ලංකාවට තරමක් ආගන්තුක හා පුදුම හිතෙන කතාවකි.
👉 එහෙත් ලංකාව පාඩම් උගත යුතු කතාවකි.
👉 සාමාන්‍යයෙන් ලංකාවේ දේශීය වෛද්‍ය ක්‍රමය සහ බටහිර වෛද්‍ය ක්‍රමය අතර ඇත්තේ විශාල ආරවුලකි. ප්‍රතිවිරෝධයකි.
👉 එහෙත් නූතන විද්‍යාවේ දියුණුව අතින් ලංකාවට හිතන්නටවත් බැරි තැනක සිටිනා චීනය යනු මේ දෙකම ඒකාබද්ධ කොට ඒ දෙකෙන්ම ප්‍රයෝජන ගන්නා පුදුමාකාර රටකි.
👉 දැන් මේ කියන්නට යන්නේ චීනය සිය දේශීය වෛද්‍ය ක්‍රමයත්, බටහිර වෛද්‍ය ක්‍රමයත් ඒකාබද්ධ කොට ඒ දෙකෙන්ම ප්‍රයෝජන ගැනීමෙන් නොනැවතී, තම පැරණි දැනුම ජාත්‍යන්තරයට පවා ගෙන යාමට කටයුතු කර ඇති ආකාරය ගැනය.
👉 චීනය ඒ සඳහා අනුගමනය කොට ඇති ක්‍රියාමාර්ග මොනවාද?
👉 පැරණි චීන වෛද්‍ය ක්‍රමය යනු චීනයේ සාම්ප්‍රදායික දැනුම නමැති දැවැන්ත මාලිගය උසුලාගෙන සිටින ප්‍රධාන කුළුණු කීපයෙන් එකකි. Traditional Chinese Medicine හෙවත් TMC යනුවෙන් හැඳින්වෙන චීන වෛද්‍ය ක්‍රමයේ ඉතිහාසය ක්‍රිස්තු පූර්ව 14 වන සියවස දක්වා ඈතට විහිදෙයි.
👉 පාසල් අධ්‍යාපනයේ සිටම සිය වෛද්‍ය ක්‍රමයේ වටිනාකම ගැන එරට දරුවන්ට අවබෝධයක් ලබාදීම චීනයේ ස්ථාවර ප්‍රතිපත්තියකි.
👉 චීනයේ බටහිර වෛද්‍ය විද්‍යාව හදාරන සෑම සිසුවෙක්ම අනිවාර්යෙන් චීන වෛද්‍ය ක්‍රමය හැදෑරිය යුතුය. එමෙන්ම චීනයේ සාම්ප්‍රදායික වෛද්‍ය ක්‍රමය හදාරන සිසුන් බටහිර වෛද්‍ය ක්‍රමය පිළිබඳවද උගත යුතුය.
👉 රෝගවලට ප්‍රතිකාර කිරීමේදී මෙම වෛද්‍ය ක්‍රම දෙක එකට එකතු කර බෙහෙත් දීම චීනයේ ඉතා සුලබ දෙයකි. චීනයේ බටහිර වෛද්‍ය ක්‍රමයට මුල් තැන දෙන රෝහල්වල වුවද අනිවාර්යයෙන් දේශීය වෛද්‍ය ක්‍රමය සහිත අංශයක් දක්නට ලැබේ. එසේම චීන හා බටහිර වෛද්‍ය ක්‍රම සම සමව භාවිත කරන රෝහල් මෙන්ම තනිකරම චීන වෛද්‍ය ක්‍රමය පමණක් භාවිත කරන රෝහල්ද එරට ඇත.
👉 මේ අනුව ගත් කළ චීනයේ වෛද්‍ය විද්‍යාව ඉගැන්වීමේ සිට ප්‍රතිකාර කිරීම දක්වාම මේ වෛද්‍ය ක්‍රම දෙක ඒකාබද්ධ කොට තිබේ. මේ නිසා ලංකාවේ මෙන් චීනය තුළ බටහිර වෛද්‍ය ක්‍රමයට අනිසි ආධිපත්‍යයක් හිමිවීමට ඉඩ තබා නැත.
👉 චීනයේ ඉහළ සුදුසුකම් සහිත බටහිර වෛද්‍යවරු පවා රෝගීන් සඳහා දේශීය ප්‍රතිකාර නිර්දේශ කිරීමට කිසිවිටෙකත් පසුබට නොවෙති. සාමාන්‍ය රෝගවල සිට බරපතළ රෝග දක්වා සෑම දෙයටම මේ කාරණය වලංගුය.
👉 චීන ජාතිකයින් බොහෝ විට සුළු රෝග සඳහා විශ්වාසය තබන්නේ චීන දේශීය වෙදකම් ගැනය. බෙහෙත් සොයා, කොටා, තම්බා තනිව සකසා ගැනීමට අසීරු කසාය වර්ග ආදිය චීනයේදී වෙළෙඳපොළ නිෂ්පාදන ලෙස පහසුවෙන් මිලදී ගත හැකිය.
👉 2018 වන විට චීනයේ ඇති දේශීය ප්‍රතිකාර මධ්‍යස්ථාන ගණන ඊට පෙර වසරේ පැවති ප්‍රමාණයට වඩා 6495කින් වැඩි වී ඇති බව චීනයේ CGTN මාධ්‍ය ආයතනය වරක් වාර්තා කර තිබණි.
👉 කොවිඩ් වසංගතයේදී චීනය කොවිඩ් මර්දනය සඳහා දේශීය වෛද්‍ය ක්‍රම භාවිත කළ ආකාරය ගැන ඒ දිනවල ලෝකය පුරාම කතාබහක් ඇති විය. චීන රජයේ නිල වාර්තා පෙන්වා දෙන පරිදි ඔවුන් කොරෝනා රෝගීන් 90%කට වැඩි ප්‍රතිශතයකට ප්‍රතිකාර කිරීම සඳහා බටහිර ප්‍රතිකාර සමඟ සම්ප්‍රදායික වෙදකමද භාවිත කර තිබේ.
👉 මේ පිළිබඳ එකල බටහිර මාධ්‍ය විසින්ද විශාල වශයෙන් කරුණු වාර්තා කළ අතර, කොවිඩ් මර්දන කටයුතු සඳහා චීනය විසින් රුසියාවට යැවූ දස දෙනෙකුගෙන් යුත් වෛද්‍ය කණ්ඩායමක තිදෙනෙක්ම දේශීය වෛද්‍යවරු බව ඒ එක් පුවතකින් කියැවිණි.
👉 මේ සියල්ලෙන් නොනැවතී මේ වන විට චීනය බටහිර රටවල පවා සිය වෛද්‍ය ක්‍රමය ව්‍යාප්ත කිරීමට සමත්ව තිබේ.
👉 බටහිර වෛද්‍යවරු ලෝකයේ පිළිගත් සභාවල චීන වෛද්‍ය ක්‍රමයේ වැදගත්කම ගැන කතා කරන වීඩියෝ රාශියක් අද යූටියුබ් වෙතින් නැරඹිය හැකිය.
👉 චීනය 2020 වන විට යුරෝපා රටවල් ඇතුළු රටවල් 40කට වැඩි ප්‍රමාණයක් සමඟ චීන වෛද්‍ය ක්‍රමය ඒ රටවල ප්‍රචලිත කිරීමට අදාළ නිල ගිවිසුම්වලට එළැඹ තිබේ.
👉 අද වන විට කැනඩාව, ඔස්ටේ්‍රලියාව හා විවිධ යුරෝපා රටවල් ඇතුළු රටවල් 30කට වැඩි ප්‍රමාණයක චීන වෛද්‍ය ක්‍රමය සඳහා උපාධි ලබාදෙන ආයතන පිහිටුවා තිබේ.
👉 චීනය තමන්ගේ සාම්ප්‍රදායික දැනුමින් නිසි ප්‍රයෝජන ගැනීමෙන් නොනැවතී ඒ දැනුම ජාත්‍යන්තරය කරා ගෙන යාමටද කටයුතු කර ඇත්තේ එසේය.
👉 එහෙත් විද්‍යාත්මක දියුණුව අතින් ප්‍රාථමික මට්ටමේ සිටින ලංකාවේ බොහෝ උගතුන් බටහිර දැනුම අන්ධානුකරණයෙන් වන්දනා කරමින් දේශීය වෛද්‍ය දැනුම හෙළා දකිති. තවත් සමහරු බටහිර දැනුමට අන්තවාදී ලෙස ගරහමින් දේශීය දැනුම පමණක් අතිශයෝක්තියෙන් වර්ණනා කරති.
👉 මේ අන්ත දෙකෙන් මිදී මේ දෙකේම ප්‍රබලතා දුබලතා හඳුනාගනිමින් ඒවා ඒකාබද්ධ කොට ප්‍රතිකාර කිරීමේ ක්‍රමයක් ලංකාවේද ඇති කළ හැකි නම් එය කෙතරම් පලදායක වේද?
👉 එවැනි ක්‍රමවේදයක් මගින් බටහිර දැනුම මෙන්ම අපගේ දේශීය දැනුමද දිනෙන් දින දියුණු වනු ඇත. ඖෂධ ආනයනය සඳහා වාර්ෂිකව පිටරටට ඇදී යන මුදල් කන්දරාවක් රට තුළම ඉතුරු වනු ඇත. ලංකාවේ මිනිසුන්ගේ දැනුමට, සෞඛ්‍යයට මෙන්ම ආර්ථිකයටද එවැනි ප්‍රතිපත්තියක් ඉතා යහපත් වනු ඇත.
👉 අප කියන්නේ පැරණි දැනුම සියල්ල කළ හැකි මැජික් එකක් බව නොව අවශ්‍ය නම් එය යාවත්කාලීන කොට ඉන් සුදුසු ප්‍රයෝජන ගැනීම කළ හැකි බවය.
👉 ඒ සඳහා අප පළමුවෙන්ම කළ යුත්තේ පණ්ඩිතමානී පටු ආකල්පවලින් මිදී සැබෑ ලෝකය දෙස විවෘත මනසකින් ඇස් හැර බැලීම නොවේද?
ඉසුරු ප්‍රසංග
සම්බන්ධිත පුවත් | Related News
ප්‍රධාන පුවත්
ජවිපෙ අත්හැරපු ඉන්දියන් විරෝධී සටන විජේවීරගේ පුතා අතට ගනී.. (වීඩියෝ)
අනුර - මෝදි ගිවිසුම්වලින් රටේ ආරක්ෂාවට දැඩි තර්ජනයක් එල්ලවිය හැකියි - වෛද්‍ය අනුලා විජේසුන්දර (වීඩියෝ)
අනුර - මෝදි අත්සන් කළ ගිවිසුම් රටේ ව්‍යවස්ථාවට සහ ජාත්‍යන්තර සම්මුතීන්ට පටහැනියි... ජනාධිපති ලේකම් වගකීම් පැහැරහැරියා - වෛද්‍ය වසන්ත බණ්ඩාරගෙන් චෝදනා (වීඩියෝ)
අනුර සමග හොර ගිවිසුම් අත්සන් කිරීමට විරෝධය දක්වා ජාතික සංවිධාන විසින් ඉන්දීය මහාකොමරිස් කාර්යාලයට මහජන පෙත්සම භාර දුන් අවස්ථාව (වීඩියෝ)
ආණ්ඩුව ඉන්දියාව සමග ගිවිසුම් අත්සන් කර ඇත්තේ රටේ ස්වාධීනත්වයට, නීතියට සහ ආණ්ඩුක්‍රම ව්‍යවස්ථාවට පටහැනි ලෙසයි - නීතිඥ මධුමාලි අල්විස් (වීඩියෝ)
ඉන්දියාව සමග ආණ්ඩුව අත්සන් කළ ගිවිසුම් නීති විරෝධීයි.. ඒ ගිවිසුම්වලින් රටේ ස්වෛරීත්වය පාවා දීලා - ආචාර්ය ගුණදාස අමරසේකර (වීඩියෝ)
ඉන්දියාවත් එක්ක ගැසූ හොර ගිවිසුම් ගැන කරුණු කියන්න ජනපති ලේකම් කාර්යාලයට ගිය ජාතික සංවිධාන නියෝජිතයන්ට කුඩම්මාගේ සැලකිලි..
අනුර සමග හොර ගිවිසුම් අත්සන් කිරීමට විරෝධය දක්වා ජාතික සංවිධාන විසින් ඉන්දීය මහාකොමරිස් කාර්යාලයට පෙත්සමක් භාරදෙයි..
ඉන්දියාව අසල්වාසී රාජ්‍යයක් මිස ලොකු අයියා නොවෙයි.. ඉන්දියාවේ උපකාර පිටුපස සැඟවුණු යටි අරමුණු වටහාගත යුතුයි - මහාචාර්ය පූජ්‍ය ඉඳුරාගාරේ ධම්මරතන හිමි (වීඩියෝ)
ගිවිසුම් 7ක් මගින් ලංකාව යටත් කර ඉන්දියානු ව්‍යාප්තවාදයේ ගොදුරක් බවට පත් කිරීමේ ඉන්දියානු මෙහෙයුම මේ මොහොතේ නිවැරදිව හඳුනාගත යුතුයි - මහාචාර්ය පූජ්‍ය මැදගොඩ අභයතිස්ස හිමි (වීඩියෝ)
ඉන්දියාව සමග අත්සන් කළ ගිවිසුම් ක්‍රියාත්මක වීමේදී රටට විශාල වන්දියක් ගෙවීමට සිදුවේවි... අනුර වටේ ඉන්න පාර වරද්දන උපදේශකයන්ගේ කෙරුවාව මෙන්න (වීඩියෝ)
ලෝක කම්කරු දිනය අදයි..
රට අනතුරේ හෙලමින් ඉන්දීය අගමැති මෝදි, ජනපති අනුරගේ අත අඹරා අත්සන් කළ ගිවිසුම්වලට විරෝධය පළ කරමින් ජාත්‍යන්තර පෙත්සමක් අත්සන් තබති.. (ඡායාරූප)
රට අනතුරේ හෙලමින් ඉන්දීය අගමැති මෝදි, ජනපති අනුරගේ අත අඹරා අත්සන් කළ ගිවිසුම් 7ට විරෝධය පළ කරමින් ජාත්‍යන්තර පෙත්සමක් අත්සන් තැබීම අද..
මැතිවරණ කොමසාරිස් ප්‍රජාතන්ත්‍රවාදයේ මූලධර්ම නොදන්නා උද්දච්ච පුද්ගලයෙක්: තනතුරට සුදුසු නැහැ - ජාතික සංවිධාන කියයි
පාකිස්තානයකට එරෙහි ප්‍රහාරයකට මෝදි අවසර දෙයි..