රැල්ල තුළින් බලයට ආ අය ඇරියස් කවර් කර ගන්න රුහුණු විශ්ව විද්‍යාලයේ උප කුලපතිව බිල්ලට ගත්තා ද?

Nov 25, 2024 at 01:32 PM

|

Lanka Leader

මහාචාර්ය විශේෂඥ වෛද්‍ය සුජීව අමරසේන රුහුණු  විශ්ව විද්‍යාලයේ උප කුලපති ධුරයෙන් ඉවත් කිරීම සම්බන්ධයෙන් මේ වන විට දැඩි කතාබහක් නිර්මාණය වී තිබේ.

ඔහුව මෙම තනතුරෙන් ඉවත් කිරීම පිළිබඳව මුහුණු පොතේ තබා තිබූ සටහනක් පහළින් දක්වා තිබේ.

කොන්දක් ඇති මිනිසෙක් ලෙස ඔහු ගෙදර යයි...

මහාචාර්ය විශේෂඥ වෛද්‍ය සුජීව අමරසේන රුහුණු  විශ්ව විද්‍යාලයේ උප කුලපති ධුරයේ බලතල වලින් ඉවත් කර ඇත..

වැරදි අරමුණු වෙනුවෙන් කරන උද්ඝෝෂණවලට බියෙන්,

නිවැරදි මිනිසුන් තනතුරු වලින් අයින් කරනවා නම්,

එය  නිවැරදි පාලනයක පිරිසිදු අරමුණු ඉටුකර ගැනීමට හැකි ක්‍රමයක් දැයි  මට තේරෙන්නේ නැත..

මහාචාර්ය සුජීව අමරසේනට වංචා දූෂණ පිළිබඳ චෝදනා එල්ල කරනවා නම් ඒ පිළිබඳ සිනහසෙනවා ඇරෙන්නට වෙන කරන්නට දෙයක් නැත..

ඔහු ඒ පිළිබඳ ප්‍රසිද්ධියේම පිළිතුරු දෙන්නේ එවන් චෝදනාවක් හැකිනම් ඔප්පු කරන ලෙසටයි..

රැල්ල තුළින් බලයට ආ සමහරුන් තමන්ගේ ඇරියස් කවර් කර ගැනීමට මේ විශිෂ්ට මිනිසා බිල්ලට ගෙන ඇත..

රටක පාලනය භාරගත්තාට පසු ,

තමන්ට පාලන බලයට ලබා ගන්නට උදව් කළ මිනිසුන්ට ඔවුන්ගේ අරමුණු ඉටු කර දෙනවාට වඩා,

රටට නිවැරදි දේ කිරීම පාලකයන්ගේ වගකීම විය යුතුය...

වඩා හොඳ රටක් අධ්‍යාපන  පද්ධතියක් ඇති කිරීම සඳහා යන ගමනට මෙවැනි දේ  කෙතරම් ගැළපෙනවාදැයි යන්න ප්‍රශ්නයකි..

අමානුෂික නවක වධයට විරුද්ධ වීම නිසා කොටසක් බොහෝ සමග වෛර බැඳ ගත්හ..

සරසවි පද්ධතිය තුළ න් ජනප්‍රිය වීමට ඒ නවක වධ කණ්ඩායම් සමග එක් වූ  පරිපාලනයේ සමහරුන්ටද මොහු මහා කරදරයක් විය..

වැඩ නොකරන වැඩ මඟ හරින  අයටද ඔහු කරදරයක් විය..

කිඹුහුමකටත් වර්ජනය කරන කණ්ඩායම් වලටද ඔහු කරදරයක් විය..

වැඩ වර්ජන තුළින් වෛද්‍ය සිසුන්ගේ අධ්‍යාපනය කඩාකප්පල් වීම නතර කිරීමට ඔහු පුද්ගලිකවම කෙතරම් උත්සාහ ගත්තාදැයි දන්නා අය දනිති..

එහිදී ඔහුට පෞද්ගලිකවම තර්ජන ගර්ජන එල්ල වද්දී ඒවා ඉදිරියේ ආත්ම ශක්තියෙන් නැගී සිටි ආකාරයද දන්නා අය දනිති....

1980 ගණන්වලින් පසු අප දන්නා මෑත ඉතිහාසයේ වැඩ වර්ජනය නොකළ වෛද්‍යවරයෙක් ලෙසද මහාචාර්ය සුජීව අමරසේන මගේ මතකයේ රැඳී තිබේ..

මේ ඉවත් කිරීමෙන් ඔහුට කිසිදු පාඩුවක් සිදුවන්නේ නැත...

පාඩුව සිදුවන්නේ මෙරට සරසවි පද්ධතියටය..

සරසවි වලට ඇතුළත් වී තමන්ගේ අධ්‍යාපන කටයුතු  විකාර වලින් තොරව නිවැරදිව කිරීමට අරමුණු කරගත් දරුවන්ටය....

සුනාමියක් ඉදිරියේ ඒවාට එරෙහිව අදහස් දැක්වීම සෑහෙන්නට බැනුම් අහන්නට වෙන දෙයකි..

කෙතරම් බැනුම් ඇහුවත් හදවතට එකඟව කිව යුතු දේ කිව යුතුමය...

බහුතර මතය හැමවිට නිවැරදි නම් ලෝකය තවමත් පැතිලිය.....

ඔබ ගෙදර යන්නේ ඔබේ කාර්යය නිසි ලෙස ඉටුකළ උපකුලපතිවරයෙක් ලෙස බව අපේ සම්පූර්ණ විශ්වාසයයි..

අනාගතයේදී ඔබේ නිවැරදි බව  පැහැදිලි වන බව ඒකාන්තය..

නමුත් මේ තීරණය නිසා වන හානිය ප්‍රතිපූර්ණය කළ නොහැක..

ආයුබෝවන්! මහ ඇදුරුතුමනි...🙏🙏