කෝච්චියෙ ටික්කො
මම ඇඩ්වාන්ස් ලෙවල් කරන කාලයේ ක්‍රිකට් සීසන් එක නොවෙන කාලයක, ගාල්ලේ ටියුෂන් පන්තියකට ගියා. මාතර ඒ තරම් පන්ති තිබුනට ඒ කාලයේ ලංකාවේ ශුද්ධ ගණිතය ගැන නම් දරාපු කොලඹ ආනන්ද විද්‍යාලයේ ගුරුවරයෙක්වූ මැදගම සර් ඒ පන්තිය කරපු නිසා, ඔන්න අපි යාලුවො කට්ටියයි මගේ ධම්මික අයියයි ඒ පන්තියට යන්න තීරණය කලා. ඒ මැදගම සර් ඒ කාලයේම එයාගෙ ගෙදර වත්තේ වැඩක් කරන්න ගිහිල්ලා වයර් එකේ විදුලිය කාන්දු වෙලා ඇඟට ගිහිල්ලා මැරුනා. ඉතින් වැඩිකල් යන්න වුනේ නැහැ ඒ පන්තියට. අපි ඉගෙනගන්නව නම් ඕන තරම් මුදල් දෙන්න මගේ දෙමව්පියො කැමති නිසා, ගෙදරින් මුදල් අනුමත කරගන්න අමාරුවක් වුනේ නැහැ.
අපි රුහුනු කුමාරි කෝච්චියෙන් සෙනසුරාදා උදේට මාතර ඉඳන් ගාල්ලෙ එන්නේ. මාතර කොලඹ කෝච්චියෙන් ගිය අය දන්නව ඇති, කෝච්චිය ගාල්ලෙ ස්ටේසමේ නැවැත්තුවම, එන්ජිම ඉස්සරහින් ගලවලා ගෙනිහිල්ලා පස්සට හයි කරනවා. ඒකට ටික වෙලාවක් යනවා. ඒ අතරතුර ඒ ප්ලැට්ෆෝම් එකේ යන අය කෝච්චියේ ඉන්න අයට පේනවා. කට්ටියක් යන ගමන් අත වනාගෙන යනවා, කට්ටියක් නැවතිලා කෝච්චියේ ඉන්න අය එක්ක කතා කරනවා.
‘ඔහෙලා කොලඹ යනවයි?’
‘ඔව්, අපේ කොලඹ නැන්දලගෙ ගෙදර දානයක්. අපි එහේ යනවා. ඔහෙලා කොයිබෙයි යන්නෙ?’
‘අපේ හිරිඹුරේ ලොකු අම්මලයි ගෙදර යනවා. එයයිගෙ මහත්තයා ලෙඩා දුකා වෙලා, බලන්න යනව’
‘අනේ මක් වෙලයි?’
ඉතින් ඔය වගේ කතා තමයි ඇහෙන්නේ ප්ලැට්ෆෝම් එකේ යන අයට.
අපි ටික දවසක් ගියා, කවදාවත් ටික්කො පැන්නෙ නෑ. පස්සෙ බලන කොට අපේ කට්ටියගෙන් ටිකට් අරන් යන්නේ මායි අයියයි විතරයි. මුන් ටික හින්දා අපිටත් හිතුනා ටිකට් නොගෙන කෝච්චියේ යන්න, නැත්නම් ඒක අපිට අසාධාරණයි. අපේ දෙමව්පියොත් ටැක්ස් ගෙවනවා, ඇත්තටම ලංකාවෙ රජයේ සේවකයො බදු ගෙවන්නෙ නැහැ නේ. ඒක වෙනම දෙයක්, අපි දෙන්න විතරක් ඇයි ටිකට් ගන්නෙ කියලා, අපිටත් ඒ සල්ලි සක්කුවේ දාගෙන ඒකෙන් තෝසෙ පාරක් දාන්න පුලුවන් නේ අනික් උන් කරනව වගේම කියලා අයියට මම කිව්වත් එයා නෙවෙයි ඒක කරේ. අම්ම අයියා විස්වාස නිසා අයියට සල්ලි දුන්න නෙවෙයි, එයා වැඩිමල් නිසයි දුන්නෙ හරිය.
ඔන්න ඔහොම දවසක් ටිකට් නැතුව යනකොට ගාල්ලට කිට්ටු වෙන්න ලංවෙලා ටික්කො පැන්නා. කෝච්චිය නැවතුනු ගමන් කෝච්චියෙන් පැනලා යාලුවෝ සී සී අත දුවන්න ගත්තම ටික්කොත් අපේ පස්සෙ දුවන්න ගත්තා. මමත් ආතල් එකක් ගන්න ඕන කියල හිතල දුවන්න ගත්තම ටික්කෙක් ඇවිල්ල මාව අල්ලගත්ත නිසා මගේ ලඟම යාලුවෙක් බේරුනා. මම මගේ ටිකට් එක පෙන්නුවම ටික්කට මල.
‘කැත වැඩ කරන්න එපා අයිසේ. ටිකට නැති එකෙක් අල්ල ගන්න තිබුනු චාන්ස් එකත් නැති කරා’
කියල බැනල ගියා, ගැහුවෙ නම් නෑ.
ඒත් මගේ වෙන යාලුවෙක් තරුන ටික්කෙකුට අහුවුනා මොකද ඌටත් හයියෙන් දුවන්න පුලුවන් උනු නිසා. ටික්ක මුගේ බෙල්ලෙන් අල්ල ගෙන දැන් ප්ලැට්ෆෝම් එකේ යනවා. අර කෝච්චියේ ඉන්න අයට දැන් මේක පේනවා. මාතර දන්න අයත් කෝච්චියේ ඇති, අනික උගේ තාත්තත් විදුහල්පතිවරයෙක්. මේක වස ලැජ්ජාවක් නේ පවුලටම.
ආවා ඌට ගණදෙවි නුවන.
ඌ හිනාවෙවී අර ටික්කන්ට කෑ ගගහා කියනවා,
‘අඩෝ පිස්සු නැතුව අත ඇරපන් බෙල්ල. කෝච්චියේ ඉන්න අය හිතාවි මම ටිකට් නැතුව ටික්කො අල්ලගෙන යනවයි කියලා’
ටික්කටත් හිනහයි.
‘ඉතින් තමුසෙ ඇත්තටම ටිකට් නැතුව ඇවිල්ලනේ අල්ල ගත්තෙ’ කිව්වත්,
‘පිස්සු කෙලින්න එපා, අත ඇරපං’ කියලා මූ හිනා වෙවි වෙවී ගියා නේ ටික්කො එක්ක.
ඒක නිසා කෝච්චියේ හිටපු කවුරුත් හිතුවෙ යාලුවො ඌට කරපු විහිලුවක් කියලයි. එයා දැන් පාර්ලිමේන්තුවේ මන්ත්‍රීවරයෙක්.
© devapriya siriwardhana
(මුහුණුපොතෙන්)
සම්බන්ධිත පුවත් | Related News
ප්‍රධාන පුවත්
දැඩි බෞද්ධ විරෝධය මැද ශාක්‍යයන්ට අයත්ව තිබූ බෞද්ධ ධාතු හොංකොංවලදී වෙන්දෙසි කිරීමේ සූදානමක්..
ජවිපෙ අත්හැරපු ඉන්දියන් විරෝධී සටන විජේවීරගේ පුතා අතට ගනී.. (වීඩියෝ)
අනුර - මෝදි ගිවිසුම්වලින් රටේ ආරක්ෂාවට දැඩි තර්ජනයක් එල්ලවිය හැකියි - වෛද්‍ය අනුලා විජේසුන්දර (වීඩියෝ)
අනුර - මෝදි අත්සන් කළ ගිවිසුම් රටේ ව්‍යවස්ථාවට සහ ජාත්‍යන්තර සම්මුතීන්ට පටහැනියි... ජනාධිපති ලේකම් වගකීම් පැහැරහැරියා - වෛද්‍ය වසන්ත බණ්ඩාරගෙන් චෝදනා (වීඩියෝ)
අනුර සමග හොර ගිවිසුම් අත්සන් කිරීමට විරෝධය දක්වා ජාතික සංවිධාන විසින් ඉන්දීය මහාකොමරිස් කාර්යාලයට මහජන පෙත්සම භාර දුන් අවස්ථාව (වීඩියෝ)
ආණ්ඩුව ඉන්දියාව සමග ගිවිසුම් අත්සන් කර ඇත්තේ රටේ ස්වාධීනත්වයට, නීතියට සහ ආණ්ඩුක්‍රම ව්‍යවස්ථාවට පටහැනි ලෙසයි - නීතිඥ මධුමාලි අල්විස් (වීඩියෝ)
ඉන්දියාව සමග ආණ්ඩුව අත්සන් කළ ගිවිසුම් නීති විරෝධීයි.. ඒ ගිවිසුම්වලින් රටේ ස්වෛරීත්වය පාවා දීලා - ආචාර්ය ගුණදාස අමරසේකර (වීඩියෝ)
ඉන්දියාවත් එක්ක ගැසූ හොර ගිවිසුම් ගැන කරුණු කියන්න ජනපති ලේකම් කාර්යාලයට ගිය ජාතික සංවිධාන නියෝජිතයන්ට කුඩම්මාගේ සැලකිලි..
අනුර සමග හොර ගිවිසුම් අත්සන් කිරීමට විරෝධය දක්වා ජාතික සංවිධාන විසින් ඉන්දීය මහාකොමරිස් කාර්යාලයට පෙත්සමක් භාරදෙයි..
ඉන්දියාව අසල්වාසී රාජ්‍යයක් මිස ලොකු අයියා නොවෙයි.. ඉන්දියාවේ උපකාර පිටුපස සැඟවුණු යටි අරමුණු වටහාගත යුතුයි - මහාචාර්ය පූජ්‍ය ඉඳුරාගාරේ ධම්මරතන හිමි (වීඩියෝ)
ගිවිසුම් 7ක් මගින් ලංකාව යටත් කර ඉන්දියානු ව්‍යාප්තවාදයේ ගොදුරක් බවට පත් කිරීමේ ඉන්දියානු මෙහෙයුම මේ මොහොතේ නිවැරදිව හඳුනාගත යුතුයි - මහාචාර්ය පූජ්‍ය මැදගොඩ අභයතිස්ස හිමි (වීඩියෝ)
ඉන්දියාව සමග අත්සන් කළ ගිවිසුම් ක්‍රියාත්මක වීමේදී රටට විශාල වන්දියක් ගෙවීමට සිදුවේවි... අනුර වටේ ඉන්න පාර වරද්දන උපදේශකයන්ගේ කෙරුවාව මෙන්න (වීඩියෝ)
ලෝක කම්කරු දිනය අදයි..
රට අනතුරේ හෙලමින් ඉන්දීය අගමැති මෝදි, ජනපති අනුරගේ අත අඹරා අත්සන් කළ ගිවිසුම්වලට විරෝධය පළ කරමින් ජාත්‍යන්තර පෙත්සමක් අත්සන් තබති.. (ඡායාරූප)
රට අනතුරේ හෙලමින් ඉන්දීය අගමැති මෝදි, ජනපති අනුරගේ අත අඹරා අත්සන් කළ ගිවිසුම් 7ට විරෝධය පළ කරමින් ජාත්‍යන්තර පෙත්සමක් අත්සන් තැබීම අද..
මැතිවරණ කොමසාරිස් ප්‍රජාතන්ත්‍රවාදයේ මූලධර්ම නොදන්නා උද්දච්ච පුද්ගලයෙක්: තනතුරට සුදුසු නැහැ - ජාතික සංවිධාන කියයි