ශ්‍රී ලංකා නිදහස් පක්ෂයේ වැඩබලන සභාපති ධුරය සඳහා අමාත්‍ය විජයදාස රාජපක්ෂ මහතාව පත්කර ඇති බව එම පක්ෂයේ අභ්‍යන්තර ආරංචි මාර්ග සඳහන් කරයි.

පාර්ලිමේන්තුවේ සම්මත කරනු ලැබ ඇති මාර්ගගත ක්‍රමවල සුරක්ෂිතභාවය පිළිබඳ පනතට ඉදිරිපත් කෙරෙන සංශෝධන මේ වන විට නීති කෙටුම්පත් දෙපාර්තමේන්තුවට යොමු කර තිබෙන බව මහජන ආරක්ෂක අමාත්‍යාංශ ආරංචි මාර්ග සඳහන් කළේය.

ආයුර්වේද ඖෂධ සංස්ථාව මගින් උසස් ප්‍රමිතියෙන් යුත් අශ්ව ගන්ධ වයින් වර්ගයක් නිෂ්පාදනය කර ඇතැයි එම සංස්ථාවේ සභපති ආචාර්ය අනුර ඇතුළත්මුදලි මහතා සඳහන් කරයි.

ජනාධිපති රනිල් වික්‍රමසිංහ මහතා සහ ශ්‍රී ලංකා පොදුජන පෙරමුණේ නිර්මාතෘ බැසිල් රාජපක්‍ෂ මහතා අතර විශේෂ හමුවක් ලබන අඟහරුවාදා පෝය දා (23දා) සවස පැජට් පාරේ පිහිටි ජනාධිපතිවරයාගේ නිල නිවසේ දී පැවැත්වීමට නියමිත බව වාර්තා වේ.

තමන්ට තීරු බදු රහිත වාහන ලබාදෙන ලෙස ඉල්ලමින් ආණ්ඩුවේ සහ විපක්ෂයේ මන්ත්‍රීවරුන් පිරිසක් මේ වනවිට විශේෂ ලිපියකට අත්සන් ගැනීම ආරම්භ කර ඇත.

අධ්‍යාපන අමාත්‍ය ආචාර්ය සුසිල් ප්‍රේමජයන්ත මහතා සහ කැනඩාවේ වැන්කුවර්හි බ්‍රිටිෂ් කොලොම්බියා විශ්වවිද්‍යාලයේ (University of British Columbia, Vancouver, Canada) බලධාරීන් අතර විශේෂ සාකච්ඡාවක් පැවැත්විණි.

පාස්කු ඉරුදින ත්‍රස්ත ප්‍රහාරය එල්ල වී අදට පස්වසරක් සපිරෙන අතර, ඒ වෙනුවෙන් සංවිධානය කෙරුණු සිහිකිරීම් වැඩසටහන් මාලාව ඊයේ (20) පස්වරුවේ කොච්චිකඩේ ශාන්ත අන්තෝනි දේවස්ථානයේ පැවති විශේෂ දිව්‍ය පුජා යාගයෙන් ආරම්භ කෙරුණි.

චීන ජනපති ෂී ජින්පින්ග් චීන හමුදාවේ විශාල ප්‍රතිසංස්කරණයක් ප්‍රකාශයට පත් කර ඇති අතර, දෙමුහුන් යුද්ධ සම්බන්ධයෙන් කටයුතු කිරීම සඳහා වගකිව යුතු නව යුධ තොරතුරු සහාය බලකායක් නිර්මාණය කර ඇති බවද නිවේදනය කළේය. ඊයේ(19) බීජිං නුවර පැවති උත්සවයකදී චීන ජනපතිවරයා මේ බව නිවේදනය කළේය. චීන ජනාධිපතිවරයා ප්‍රකාශ කළේ චීනය සිය හමුදා නවීන යුගයට ගැලපෙන ලෙස සංවර්ධනයට ප්‍රමුඛත්වය දිය යුතු බවත්, ප්‍රතිසංස්කරණ, විද්‍යාව සහ නව කුසලතා තුළින් සිය හැකියාවන් වැඩි දියුණු කරගත යුතු බවත්ය.

‘මාලිමාව මං බලන්නම් ඔයගොල්ලෝ සජබ ගැන බලන්නම්’ යයි ජනාධිපති රනිල් වික්‍රමසිංහ මහතා අවස්ථා කිහිපයකදීම ආණ්ඩු පක්ෂ මන්ත්‍රී පිරිසට පවසා ඇති බවත්, සමගි ජන බලවේගය හා ජාතික ජන බලවේගය පිළිබඳව එම මන්ත්‍රී පිරිස ජනාධිපතිවරයාගෙන් විමසූ අවස්ථා කිහිපයකදී මෙම පිළිතුර ලබාදී ඇති බවත් වාර්තා වෙයි.