බන්ධනාගාර මාණ්ඩලික නිලධාරීන් 16 දෙනෙකුට ජූලි මස 2 වනදා සිට ක්‍රියාත්මකවන පරිදි වැඩබලන බන්ධනාගාර කොමසාරිස් ජනරාල්වරයා විසින් ස්ථාන මාරුවීම් ලබාදී තිබේ.

2025 වසරට අදාළ අධ්‍යයන පොදු සහතික පත්‍ර උසස් පෙළ විභාගය නොවැම්බර් මස 10 වනදා සිට දෙසැම්බර් 5වන දින දක්වා පැවැත්වෙන බව විභාග දෙපාර්තමේන්තුව පවසයි.

ධීවර අමාත්‍ය රාමලිංගම් චන්ද්‍රසේකර මහතාට යාපනය ප්‍රදේශයේදී දැඩි විරෝධතාවයක් එල්ල වී තිබේ.

රාජ්‍ය රෝහල්වල නොමැති අත්‍යවශ්‍ය ඖෂධ සහ වෛද්‍ය උපකරණ මිලදී ගැනීමට රෝගීන්ගෙන් ඉල්ලීම් කිරීම සම්බන්ධයෙන් සෞඛ්‍ය අමාත්‍යාංශයේ නිල ස්ථාවරය විශේෂඥ වෛද්‍යවරුන්ගේ සංගමය විමසයි.

ඉරානයේ පාර්ලිමේන්තුව (Majlis), ජාත්‍යන්තර පරමාණුක බලශක්ති නියෝජිතායතනය (IAEA) සමඟ ටෙහෙරානයේ සහයෝගීතාව අත්හිටුවීමට පනතක් අනුමත කර තිබේ. මෙම තීරණයට හේතු වී ඇත්තේ IAEA විසින් ඉරානයට එරෙහිව සම්මත කරන ලද “දේශපාලනික අරමුණු මුල් කරගත්” යෝජනාවකි.

මෙරට මානව හිමිකම් සහ මූලික නිදහස පිළිබඳ පුළුල් අවධානයක් යොමු කරමින් ආණ්ඩුක්‍රම ව්‍යවස්ථා සංශෝධනයක් සඳහා වන හදිසි අවශ්‍යතාව විපක්ෂ නායක සජිත් ප්‍රේමදාස එක්සත් ජාතීන්ගේ මානව හිමිකම් ප්‍රධානී වොල්කර් ටුක් සමඟ පැවති සාකච්ඡාවකදී අවධාරණය කර තිබේ.

ශ්‍රී ලංකා පොදුජන පෙරමුණේ ජාතික සංවිධායක සහ පාර්ලිමේන්තු මන්ත්‍රී නාමල් රාජපක්ෂ මහතා සහ ශ්‍රී ලංකාවේ රුසියානු තානාපති ලෙවන් ධගරියන් මහතා අතර හමුවක් සිදුවී තිබේ.

ජාත්‍යන්තර මූල්‍ය අරමුදලේ වුවමනාවන්ට මේ රටේ කම්කරු ජනතාවගේ අයිතිවාසිකම් පාවාදීමට ජාතික ජන බලවේග ආණ්ඩුව හදිසියේම කැබිනට් මණ්ඩල අනුමැතිය ලබාගෙන කම්කරු නීතියට බරපතළ සංශෝධනයක් ගෙන ඒමට යන බව ජන අරගල සන්ධානයේ විධායක සභික පෙරටුගාමී සමාජවාදී පක්ෂයේ ප්‍රචාරක ලේකම් දුමින්ද නාගමුව පවසයි.

නුවරඑලිය දිස්ත්‍රික්කයේ පළාත් පාලන ආයතන 3කට ලංකා කම්කරු කොංග්‍රසයෙන් තේරිපත් වූ සභාපතිවරුන් සහ උප සභාපතිවරුන් සිය ධූරයේ වැඩ භාර ගැනිම සිදු කරනු ලැබූහ.