රාජ්‍ය අංශයේ පවතින වෛද්‍ය සහ තාක්ෂණික වෘත්තිකයන්ගේ හිඟයට කඩිනම් පිළියමක් ලෙස, ජ්‍යෙෂ්ඨ සහ වෘත්තීය මට්ටමේ නිලධාරීන් සඳහා වසර දෙකක සේවා දිගුවක් ලබාදීමට රජය තීරණය කර ඇති බව 'සන්ඩේ ටයිම්ස්' පුවත්පත වාර්තා කරයි.

පුද්ගලයකු මියගිය වහාම එය සියදිවි නසා ගැනීමක් ලෙස සමාජය තුළට පණිවුඩයක් ලබා දෙන්නේ කවුරුන්ද යන්න මුලින්ම සොයා බැලිය යුතු බවත්, හිටපු පොලිස්පති සී.ඩී. වික්‍රමරත්න මහතාගේ සිට ඊට පෙර සිදුවූ මියයෑම් පිළිබඳවද මුලින්ම සමාජගත කරන ලද්දේ සියදිවි නසා ගැනීම් ලෙස බවත්, පාර්ලිමේන්තු මන්ත්‍රී ප්‍රසාද් සිරිවර්ධන මහතා පවසයි.

ප්‍රබල නඩු සහ ඉතා සංවේදී කාරණා සම්බන්ධයෙන් ප්‍රබල සාක්ෂිකරුවන් හෝ විත්තිකරුවන් වන පුද්ගලයන් ඝාතනය වීම හෝ සියදිවි නසා ගැනීම දිගින් දිගටම සිදුවෙමින් පවතින බවත්, ඔවුන්ගේ ජීවිත සම්බන්ධයෙන් ආණ්ඩුවට වගකීමක් ඇති බවත් සර්වජන බලය දේශපාලන පක්ෂය පවසයි.

වර්තමාන පාසල් අධ්‍යාපන ක්‍රමය තුළ වසර 13ක කාලයක් ගත කිරීම කාලය නාස්ති කිරීමක් බවට සමාජය තුළ මතයක් ගොඩනැගී ඇති බව අග්‍රාමාත්‍ය ආචාර්ය හරිනි අමරසූරිය පවසයි.

අද (20) සිට සුදු බිත්තරයක විකුණුම් මිල රුපියල් 41ක් දක්වාත්, රතු බිත්තරයක මිල රුපියල් 42ක් දක්වාත් ඉහළ දැමීමට තීරණය කර ඇති බව සමස්ත ලංකා බිත්තර නිෂ්පාදකයින්ගේ සංගමය පවසයි.

2026 ජූලි මස 06 ,07 , 08 යන දිනයන් හිදි පස්වරු 4.00 න් පසු කොළඔ පිහිටි පුරාවිද්‍ය දෙපාර්තමෙිින්තු මූලස්ථානයේ දී පුරාවිද්‍යා අධ්‍යක්ෂ ජෙනරාල් සෙනරත් වික්‍රමසිංහ, පාර්ලිමෙිින්තු මන්ත්‍රී චානක්‍ය සහ සුමන්තිරන් අතර රහසිගත හමුවක් සිදු වී ඇති බවට විශ්වාස කටයුතු ආරංචි මාර්ග පවසයි.⁣

විනිසුරුවරුන් මේ වන විට අභියෝග රැසකට මුහුණ දී සිටින බව ශ්‍රේෂ්ඨාධිකරණ විනිසුරු යසන්ත කෝදාගොඩ මහතා පවසයි.

හිටපු රාජ්‍ය බුද්ධි අංශ ප්‍රධානී, මේජර් ජෙනරාල් සුරේෂ් සලේ මහතාට පනවා ඇති රැඳවුම් නියෝග වහාම හකුලා ගන්නා ලෙස බලකරමින් ප්‍රංශයේ වෙසෙන ශ්‍රී ලාංකිකයින් පිරිසක් විසින් දැවැන්ත උද්ඝෝෂණයක් සංවිධානය කර තිබේ.

වර්තමාන මිනිස් සමාජය තුළ ආගමික සහ ආධ්‍යාත්මික ජීවිතය කෙරෙහි පවතින උනන්දුව ශීඝ්‍රයෙන් අඩුවෙමින් පවතින බව කොළඹ අගරදගුරු මැල්කම් රංජිත් කාදිනල් හිමියෝ පවසති.