පොල්තෙල් සහ පාම්ඔයිල් සඳහා පවතින විශේෂ බද්ද ඉවත් කිරීමට රජය ඉදිරිපත් කර ඇති අයවැය යෝජනාව හේතුවෙන් පොල්තෙල්වලට අහිතකර තෙල් වර්ග මිශ්‍ර කර වෙළෙඳපොළට පැමිණීමේ අවදානමක් ඇතැයි පාරිභෝගික අයිතීන් සුරැකීමේ ජාතික ව්‍යාපාරය පෙන්වා දෙයි.

ත්‍රිකුණාමලය බුදු පිළිමය සිදුවීමට අදාළව භික්ෂුන් වහන්සේලා සහ බෞද්ධ සංවිධාන සාමාජිකයන් රක්ෂිත බන්ධනාගාර ගත කිරීම ගැන මේ වන විට සමාජයේ දැඩි කතාබහක් නිර්මාණය වී ඇති පසුබිමක වෙරළ සංරක්ෂණ පනත සහ නීතිය අත්තනෝමතික ලෙස ක්‍රියාත්මක කිරීමට එරෙහිව මරදාන මාලිගාවත්ත පිහිටි වෙරළ සංරක්ෂණ හා වෙරළ සම්පත් කළමනාකරණ දෙපාර්තමේන්තුව වෙත යුක්තිය ඉල්ලා සංදේශයක් බාර දීම 2026.01.29 අද දින සසුන රැකුමට ගෝලීය සිංහල එකමුතුව සහ තවත් සිවිල් සංවිධාන කිහිපයක මහජන නියෝජිතයන් විසින් සිදුකර තිබේ.

ශ්‍රී ලංකාවේ බලශක්ති ක්ෂේත්‍රයේ සිදුවෙමින් පවතින සාධනීය වෙනස්කම් කෙරෙහි සිය රටේ අවධානය යොමුවී ඇති බවත් ගොඩනැගෙන නව ආයෝජන අවස්ථා හරහා දෙරට අතර බලශක්ති ක්ෂේත්‍රයේ සබදතා තවදුරටත් වර්ධනය කරගැනීමට අපේක්ෂා කරන බවත් වැඩබලන ඇමරිකානු තානාපතිනී Jayne Howell මහත්මිය බලශක්ති අමාත්‍ය ඉංජිනේරු කුමාර ජයකොඩි මහතා හමුවූ අවස්ථාවේදී ප්‍රකාශ කර සිටියාය.

පොලිස්පතිවරයා රටේ පොලිසිය ක්‍රියාත්මක වන ආකාරය නොදන්නා බවත්, රටේ ජනතාවගේ ජීවිත ආරක්ෂා කිරීමටවත් පොලිස්පතිවරයා සමග පොලිසියට හැකියාවක් ලැබී ඇත්දැයි ප්‍රශ්නයක් ඇති බවත් පාර්ලිමේන්තු මන්ත්‍රී නාමල් රාජපක්ෂ මහතා පවසයි.

ප්‍රමුඛ පුණ්‍යායතනයක් විසින් කරන ලද විශ්ලේෂණයකට අනුව, එක්සත් රාජධානියේ දරිද්‍රතාවය තවත් නරක අතට හැරී ඇති අතර, වාර්තාගත සංඛ්‍යාවක් දැඩි දුෂ්කරතාවයන්ගෙන් පෙළෙන අතර ඔවුහු මූලික අවශ්‍යතා සපුරා ගැනීමට නොහැකිව ජීවත් වෙති.

මෙරටට බාල ගල් අඟුරු ගෙන්වීම සම්බන්ධයෙන් විධිමත් පරීක්ෂණයක් ජනාධිපතිවරයාගේ ප්‍රමුඛත්වයෙන් සිදුකළ යුතු බවත් විදුලි බල ඇමැතිවරයාගේ ප්‍රධානත්වයෙන් බලශක්ති අමාත්‍යංශය විසින් සිදුකරන පරීක්ෂණ සම්බන්ධයෙන් විශ්වාසයක් නොමැති බවත් පෙරටුගාමී සමාජවාදී පක්ෂයේ අධ්‍යාපන ලේකම් පුබුදු ජයගොඩ පවසයි.

ඉරානයේ න්‍යෂ්ටික වැඩසටහන සීමා කිරීම පිළිබඳ සාකච්ඡාවල ප්‍රගතියක් ලබා ගැනීමට අසමත් වූ බව වාර්තා වීමෙන් පසු එක්සත් ජනපද රජය ඉරානයට ප්‍රධාන නව ප්‍රහාරයක් සම්බන්ධයෙන් අධ්‍යනය කරමින් සිටින බව වාර්තා වන බැවින්, ඊයේ(29) එක්සත් ජාතීන්ගේ ආරක්ෂක මණ්ඩලයේ මැද පෙරදිග පිළිබඳ ඉහළ මට්ටමේ විවාදයකදී එක්සත් ජාතීන්ගේ චීන නියෝජිතයා පැවසුවේ ඕනෑම මිලිටරි වික්‍රමාන්විතයක් කලාපය අනපේක්ෂිත අගාධයකට තල්ලු කරනු ඇති බවයි.

පාර්ලිමේන්තුවේ ඉහළ නිලධාරියෙකුට විරුද්ධව පැමිණිල්ලක් ඉදිරිපත් වන අවස්ථාවේදී ඒ නිලධාරියාට විරුද්ධව ඇති සාක්ෂි සම්පිණ්ඩනය කර ඒ පිළිබඳ වාර්තාවක් පාර්ලිමේන්තුවට ඉදිරිපත් කිරීම අනිවාර්යයෙන්ම කළ යුතු වුවත් කතානායකවරයා මෙතනදී එම නීති සම්ප්‍රදාය කඩ කර ඇතැයි හිටපු සභානායක සහ හිටපු අමාත්‍ය ලක්ෂ්මන් කිරිඇල්ල මහතා චෝදනා කළේය.

අයථා ලෙස උපයාගත්තේ යැයි කියන රුපියල් මිලියන 15ක මුදලක් එන්. ආර්. කන්සල්ටන්සි සමාගමේ ආයෝජනය කිරීමෙන් මුදල් විශුද්ධිකරණය වැළැක්වීමේ පනත යටතේ වරදක් කළැයි පාර්ලිමේන්තු මන්ත්‍රී නාමල් රාජපක්ෂ ඇතුළු සිව් දෙනකුට එරෙහි නඩුවේ නීතිපති උපෙදස් මෙතෙක් ලැබී නැතැයි අපරාධ පරීක්ෂණ දෙපාර්තමේන්තුව අද (29) අධිකරණයට දැනුම් දුන්නේය.