යෝජිත ගෙවල්කුළි පනත ඒ ආකාරයෙන් සම්මත කළහොත් රටේ නීතිය මුළුමනින්ම විකෘති වී නීතිය පිළිබඳ ජනතා විශ්වාසය බිඳ වැටෙන බවට හිටපු අධිකරණ ඇමති, ජනාධිපති නීතිඥ, ආචාර්ය විජේදාස රාජපක්ෂ අනතුරු අඟවයි.

ගුරුවරුන් 10ට අඩු රජයේ පාසල් 3,000කට අධික සංඛ්‍යාවක් දිවයින පුරා පවතින බව ජනලේඛන හා සංඛ්‍යා ලේඛන දෙපාර්තමේන්තුව පවසයි.

මහ අශෝක නම සඳහන් සෙල්ලිපියක් සහිත ලෙනක් සම්බන්ධ වීඩියෝවක් සමාජ මාධ්‍ය තුළ සංසරණය වන අතර, එම අක්ෂර මේ වන විට මැකීයාමේ අවධානමක් මතුව ඇති බවත් මෙම වීඩියෝවෙන් හෙළිදරව් කරයි.

රට බෙදීමට කිසිසේත්ම ඉඩ නොතබන බවත්, විවිධ ක්‍රම මගින් මෙරට දරුවන්ගේ හැදුනුකම, සිරිත් විරිත්, චාරිත්‍ර, ධර්මතා ඉවත්කර ඔවුන් හිපියන් බවට පත්කිරීමට සැලසුම් ක්‍රියාත්මක වන බවත් පූජ්‍ය ඇල්ලේ ගුණවංශ හිමියෝ පවසති.

රටේ බෙදීම ආරම්භ වූයේ මෙරට අධ්‍යාපනය තුළින් බවත්, රටේ එකට සිටිය යුතු අනාගත පරපුර එකිනෙකට වෙනස් අධ්‍යාපන ක්‍රම හැදැරීම තුලින් අනාගතයේ ඔවුන් රටේ පුරවැසියන් ලෙස කටයුතු කිරීමේදී බෙදීම් ඇතිවීම වැලක්විය නොහැකි බවත් මහජන යුතුකම් කේන්ද්‍රය පවසයි.

ඉලංගෙයි තමිල් අරසු පක්ෂයේ පාර්ලිමේන්තු මන්ත්‍රී කණ්ඩායම මෙහෙයවීමේ වගකීම මඩකලපුව දිස්ත්‍රික්කය නියෝජනය කරන ෂානක්කියන් රාසමාණික්කම් මන්ත්‍රීවරයා වෙත පවරා තිබේ.

ශ්‍රී ලංකාව නිදහස ලබා වසර 78ක් ගතවී ඇතත්, එදා අප දුටු සැබෑ නිදහස පිළිබඳ සිහිනය සම්පූර්ණ කර ගැනීමට මෙතෙක් අප අසමත්ව සිටින බව අගරදගුරු මැල්කම් රංජිත් කාදිනල් හිමිපාණෝ පවසති. නිදහස් දින සැමරුම් දේවමෙහෙයකට එක්වෙමින් උන්වහන්සේ මේ බව අවධාරණය කළහ.

යුද්ධයේදී රණවිරුවන් 29000ක් දිවිපිදූ බවත්, 14000ක් අබාධිත තත්ත්වයට පත්වූ බවත්, මෙවර නිදහස් උළෙලේදී එම විජයග්‍රහණයට දායක වූ සන්නද්ධ රථ, මල්ටිබැරල්, රොකට් ලෝන්චස් කිසිවක් ප්‍රදර්ශනය නොකළ බවත් හිටපු පාර්ලිමේන්තු මන්ත්‍රී සරත් වීරසේකර මහතා පවසයි.

ශ්‍රී ලංකාවේ 78 වන නිදහස් දිනයට සමගාමීව, එය තමන්ට 'කළු දිනයක්' බව පවසමින් දෙමළ ජනතාවගේ ස්වයං නිර්ණ අයිතිය සහ අතුරුදහන් වූවන්ට යුක්තිය ඉල්ලා කිලිනොච්චිය නගරයේදී අද (04) විරෝධතා පාගමනක් සහ උද්ඝෝෂණයක් පැවැත්විණි.