අද පාර්ලිමේන්තුවේදී කථානායකවරයාට ‘ගරු ස්වාමිනි’ යනුවෙන් ආමන්ත්‍රණය කිරීම සම්බන්ධයෙන් අධිකරණ අමාත්‍ය හර්ෂණ නානායක්කාර මහතා සමාව අයැද සිටියේය.

බස් රථවල නීති විරෝධීව සවිකර ඇති අමතර කොටස් ඉවත් කරන්නේ ක්ලීන් ලංකා වැඩපිළි යටතේ නොවන බව ජාතික ජන බලවේලග පාර්ලිමේන්තු මන්ත්‍රී ජගත් මනුවර්ණ මහතා සඳහන් කරයි.

ක්ෂුද්‍ර මූල්‍ය ණය නියාමන අධිකාරි පනත් කෙටුම්පත පිළිබඳ සමාලෝචනය කිරීම සඳහා පත් කරන ලද කමිටුව, ඔවුන්ගේ කාර්යයන් අවසන් කරමින් එහි වාර්තාව මුදල් අමාත්‍යාංශය වෙත අද (9) භාරදීමට කටයුතු කළේය. නිසි නියාමන ක්‍රමවේදයකින් තොරව ක්ෂුද්‍ර මූල්‍ය ගනුදෙනු රට පුරා සිදු කිරීම මගින් එය විශාල ව්‍යසනයක් දක්වා ගමන් කර අතිවිශාල වින්දිතයන් ප්‍රමාණයක් බිහිවිය.

මහ කන්නයේ වී අස්වනු මිලදීගැනීම සඳහා සුළු හා මධ්‍ය පරිමාණ වී මෝල් හිමියන් සහ සමූපකාර සමිති වෙත සහනදායී පොළී අනුපාතයක් යටතේ ඔඩපණ ණය යෝජනා ක්‍රමයක් ක්‍රියාත්මක කරන බව සංවර්ධන මූල්‍ය දෙපාර්තමේන්තුව පවසයි.

එළැ⁣⁣ඹෙන පළාත් පාලන මැතිවරණයේ දී සමගි ජන බලවේගය සහ එක්සත් ජාතික පක්ෂය එකතු කිරීමේ වගකීම හිටපු අමාත්‍යවරයෙකු වන රාජිත සේනාරත්න මහතා ස්වේච්ඡාවෙන්ම භාරගෙන ඇති බව වාර්තා වේ. පළාත් පාලන මැතිවරණයේ දී පක්ෂ දෙක ඒකාබද්ධව තරග කළ යුතු බවට බොහෝ පාර්ශ්ව කළ ඉල්ලීම් සලකා බැලීමෙන් අනතුරුව සේනාරත්න මහතා මෙම ක්‍රියාමාර්ගය ගෙන ඇත.

මියන්මාර් සරණාගතයින් සම්බන්ධයෙන් ජනාධිපති අනුර කුමාර දිසානායක මහතා වෙත කරුණු දක්වමින් ලිපියක් යොමුකිරීමට ජයන්ත වෙදසිංහ මහතා කටයුතු කර ඇත.

‘ක්ලීන් ශ්‍රී ලංකා’ ජාතික වැඩසටහන යටතේ පොලිසිය විසින් වාහන වෙනස් කිරීමේ උපාංග ඉවත් කිරීමේ ක්‍රියාමාර්ග හේතුවෙන් එවැනි උපාංග නිපදවන සේවකයන් 80 දෙනෙකුගෙන් යුත් කර්මාන්ත ශාලාවක් වසා දැමීමට නියමිත බව වාර්තා වේ.

ලංකා විදුලිබල මණ්ඩලය මේ වන විට ණය බරින් මිදී ඇති බවට පළ වන මාධ්‍ය වාර්තා බලශක්ති ඇමැති කුමාර ජයකොඩි ප්‍රතික්ෂේප කරයි. අද පාර්ලිමේන්තුව අමතමින් ඇමැති ජයකොඩි පැවසුවේ, විදුලිබල මණ්ඩලය සතුව රුපියල් බිලියන 323ක ණයක් ඇති අතර රජය මේ වන විට එහි කිසිදු ණයක් භාරගෙන නොමැති බවයි.

පොදු ව්‍යාපාර පිළිබඳ කාරක සභාවේ හෙවත් කෝප් කමිටුවේ සභාපති ලෙස පාර්ලිමේන්තු මන්ත්‍රී වෛද්‍ය නිශාන්ත සමරවීර මහතා ඒකමතිකව ‍තේරී පත්වී තිබේ. පොදු ව්‍යාපාර පිළිබඳ කාරක සභාව අද (09) පස්වරු 2ට පාර්ලිමේන්තුවේදී රැස්වී තිබුණි.